Roly Poly |
||||||||||||||||||||||
|
|
|||||||||||||||||||||
Sett með prjónaðri peysu fyrir börn, buxum, húfu og sokkum úr DROPS Alpaca.
DROPS Baby 18-14 |
||||||||||||||||||||||
GARÐAPRJÓN (prjónað í hring): *1 umferð slétt og 1 umferð brugðið*, endurtakið frá *-*. GARÐAPRJÓN (prjónað fram og til baka): Lykkjurnar prjónast slétt í öllum umf. MYNSTUR: Sjá mynsturteikningu M.1 og M.2 – Mynsturteikning sýnir mynstur séð frá réttu. HNAPPAGAT: Fellið af fyrir hnappagötum á hægri kant að framan. Eitt hnappagat = fellið af þriðju og fjórðu lykkju við miðju að framan og fitjið upp 2 nýjar lykkjur í næstu umferð. Fellið af fyrir hnappagötum þegar stykkið mælist: STÆRÐ 1/3 mán: 4, 9, 14 og 19 cm STÆRÐ 6/9 mán: 4, 10, 15 og 21 cm STÆRÐ 12/18 mán: 4, 9, 14, 19 og 24 cm STÆRÐ 2 ára: 4, 10, 16, 22 og 28 cm STÆRÐ 3/4 ára: 5, 12, 18, 25 og 31 cm ATH: Fellið einnig af fyrir einu hnappagati í kanti í hálsi. ÚRTAKA (á við um buxur): Fækkið lykkjum hvoru megin við prjónamerki að framan og að aftan. Þegar 3 lykkjur eru eftir á undan prjónamerki er prjónað þannig: 2 lykkjur slétt saman, 2 lykkjur slétt (prjónamerki situr mitt á milli þessa), takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir. ------------------------------------------------------- PEYSA: FRAM- OG BAKSTYKKI: Prjónið fram og til baka á hringprjón frá miðju að framan. Fitjið laust upp 131-148-165 (182-199) lykkjur (meðtaldar 5 kantlykkjur að framan í hvorri hlið við miðju að framan) á hringprjón 2,5 með Alpaca. Prjónið 3 umferðir slétt (umferð 1 = rétta). Næsta umferð er prjónuð þannig (frá röngu): 5 kantlykkjur að framan í GARÐAPRJÓN – sjá útskýringu að ofan, 1 lykkja sléttprjón, M.1 7-8-9 (10-11) sinnum, 1 lykkja sléttprjón og 5 kantlykkjur að framan í garðaprjóni. Haldið svona áfram þar til M.1 hefur verið prjónað 3-3-4 (4-5) sinnum á hæðina – JAFNFRAMT þegar stykkið mælist 4 cm er fellt af fyrir hnappagati meðfram hægri kant að framan – sjá HNAPPAGAT að ofan! Prjónið síðan M.2 með 1 lykkju sléttprjón og 5 kantlykkjum að framan í garðaprjóni í hvorri hlið. Þegar M.2 hefur verið prjónað til loka mælist stykkið ca 8-8-9 (9-10) cm. Haldið áfram í sléttprjóni og kanta að framan í garðaprjóni til loka. ATHUGIÐ PRJÓNFESTUNA! Þegar stykkið mælist 18-19-22 (25-28) cm prjónið næstu umferð frá réttu þannig: 32-36-41 (45-49) lykkjur (= hægra framstykki), fellið af 6 lykkjur fyrir handveg, 55-64-71 (80-89) lykkjur (= bakstykki), fellið af 6 lykkjur fyrir handveg, 32-36-41 (45-49) lykkjur (= vinstra framstykki). Hvort stykki er prjónað til loka fyrir sig. VINSTRA FRAMSTYKKI: = 32-36-41 (45-49) lykkjur. Fækkið lykkjum fyrir handvegi í byrjun á umferð frá hlið: 2 lykkjur 1 sinni og 1 lykkja 4-4-4 (4-5) sinnum = 26-30-35 (39-42) lykkjur eftir á prjóni. Þegar stykkið mælist 24-26-29 (33-37) cm setjið fyrstu 9-10-13 (14-14) lykkjur við miðju að framan á þráð fyrir kraga. Fækkið síðan lykkjum við háls í byrjun á hverri umferð frá miðju að framan: 2 lykkjur 2 sinnum og 1 lykkja 3 sinnum = 10-13-15 (18-21) lykkjur eftir á öxl. Fellið af þegar stykkið mælist 28-30-34 (38-42) cm. HÆGRA FRAMSTYKKI: Prjónið eins og vinstra nema gagnstætt – munið eftir hnappagötum á kanti að framan. BAKSTYKKI: = 55-64-71 (80-89) lykkjur. Fækkið lykkjum fyrir handveg í hvorri hlið eins og á framstykki = 43-52-59 (68-75) lykkjur. Þegar stykkið mælist 27-29-33 (37-41) cm fellið af miðju 19-22-25 (28-29) lykkjurnar fyrir hálsmáli og hvor hlið er prjónuð til loka fyrir sig. Fellið síðan af 2 lykkjur í byrjun á næstu umferð frá hálsi = 10-13-15 (18-21) lykkjur eftir á hvorri öxl. Fellið af þegar stykkið mælist 28-30-34 (38-42) cm. ERMI: Stykkið er prjónað í hring á sokkaprjón. Fitjið upp 36-38-42 (44-46) lykkjur á sokkaprjón 2,5 með Alpaca. Prjónið 8 umferðir GARÐAPRJÓN – sjá útskýringu að ofan! Haldið áfram í sléttprjóni – setjið eitt prjónamerki í byrjun á umferð = mitt undir ermi. Þegar stykkið mælist 3 cm er aukið út um eina lykkju hvoru megin við prjónamerki. Endurtakið útaukningu í 6.-5.-5. (6.-6.) hverri umferð alls 8-10-10 (12-13) sinnum = 52-58-62 (68-72) lykkjur. Þegar stykkið mælist 17-18-19 (24-27) cm fellið af 6 lykkjur mitt undir ermi og prjónað er til loka fram og til baka. Fækkið síðan lykkjum fyrir handveg í hvorri hlið. Fækkið lykkjum í byrjun á hverri umferð: 2 lykkjur 2 sinnum og 1 lykkja 3-3-4 (4-4) sinnum. Fækkið síðan um 2 lykkjur í hvorri hlið þar til stykkið mælist 21-22-24 (29-32) cm og að lokum eru felldar af 3 lykkjur 1 sinni í hvorri hlið. Fellið af. Stykkið mælist ca 22-23-25 (30-33) cm. FRÁGANGUR: Saumið axlasaum og saumið ermar í. KANTUR Í HÁLSI OG KRAGI: Takið upp ca 65 til 85 lykkjur í kringum háls á stuttan hringprjón 2,5 (meðtaldar lykkjur af þræði frá framstykki). Prjónið garðaprjón fram og til baka frá miðju að framan – JAFNFRAMT eftir 2 umferðir er fellt af fyrir einu hnappagati yfir hin í kanti að framan. Prjónið 2 umferðir til viðbótar, í næstu umferð er lykkjufjöldinn jafnaður út jafnt yfir til 75-80-85 (90-95) lykkjur. Haldið síðan áfram að prjóna garðaprjón. Þegar kraginn mælist 4-4-5 (5-6) cm fækkið lykkjum í byrjun á hverri umferð í hvorri hlið: 1 lykkja 3 sinnum og 2 lykkjur 1 sinni. Fellið síðan af þær lykkjur sem eftir eru. Saumið tölur í. ------------------------------------------------------- BUXUR: Stykkið er prjónað neðan frá og upp í hring á sokkaprjóna og hringprjón. SKÁLM: Fitjið laust upp 51-68-68 (85-85) lykkjur með Alpaca á sokkaprjón 2,5. Prjónið 4 umferðir GARÐAPRJÓN – sjá útskýringu að ofan, haldið áfram með M.1 3-3-4 (4-5) sinnum á hæðina, prjónið síðan M.2. Stykkið mælist nú ca 8-8-9 (9-10) cm. Setjið eitt prjónamerki í byrjun umferðar (= innan á skálm), haldið áfram í sléttprjóni – JAFNFRAMT er aukið út um 1 lykkju hvoru megin við prjónamerki. Endurtakið útaukningu í annarri hverri umferð – 4.-4. (6.-.6) hverri umferð alls 12-9-13 (10-14) sinnum = 75-86-94 (105-113) lykkjur. JAFNFRAMT þegar stykkið mælist 16-20-23 (25-32) cm er skálmin prjónuð áfram fram og til baka frá prjónamerki (þetta er gert svo að það verði einfaldara að setja skálmarnar á sama hringprjón). Fitjið upp eina nýja lykkju í hvorri hlið til að sauma í. Þegar stykkið mælist 18-22-25 (27-34) cm fellið af auka kantlykkju í hvorri hlið og stykkið er lagt til hliðar. Prjónið hina skálmina alveg eins. BUXUR: Setjið inn skálmarnar á sama hringprjón 2,5 = 150-172-188 (210-226) lykkjur. Setjið eitt prjónamerki við miðju að framan og eitt prjónamerki við miðju að aftan. Haldið síðan áfram að prjóna sléttprjón hringinn – JAFNFRAMT er lykkjum fækkað hvoru megin við 2 prjónamerkin – sjá ÚRTAKA. Fækkið lykkjum í annarri hverri umferð: 5-6-6 (7-7) sinnum = 130-148-164 (182-198) lykkjur. Þegar stykkið mælist 32-39-47 (51-59) cm prjónið upphækkun að aftan þannig – byrjið við prjónamerki við miðju að aftan: Prjónið 10 lykkjur, snúið stykkinu (til að koma í veg fyrir göt er fyrsta lykkjan tekin óprjónuð þegar prjónað er til baka og hert er á þræði). Prjónið 20 lykkjur, snúið stykkinu. Haldið áfram að prjóna 10 lykkjur fleiri í hvert skipti áður en snúið er við, 8-10-12 (14-16) sinnum til viðbótar. Prjónið síðan 1 umferð hringinn yfir allar lykkjur jafnframt er fækkað um 20-22-24 (26-26) lykkjur jafnt yfir = 110-126-140 (156-172) lykkjur. Skiptið nú stykkinu í hliðum. Fram- og bakstykki er nú prjónað til oka fyrir sig. Setjið 55-63-70 (78-86) lykkjur fyrir bakstykki á band. FRAMSTYKKI: = 55-63-70 (78-86) lykkjur. Prjónið garðaprjón fram og til baka. Þegar stykkið í garðaprjóni mælist 6-7-7 (8-8) cm er fellt af fyrir 2 hnappagötum þannig: Prjónið 9-11-13 (15-18) lykkjur, fellið af 2 lykkjur, prjónið 33-37-40 (44-46) lykkjur, fellið af 2 lykkjur, prjónið 9-11-13 (15-18) lykkjur. Í næstu umferð eru fitjaðar upp 2 nýjar lykkjur yfir þær lykkjur sem felldar voru af. Haldið nú áfram að prjóna garðaprjón þar til einingin í garðaprjóni mælist 8-9-9 (10-10) cm (alls mælist stykkið 40-48-56 (61-69) cm, fellið af. BAKSTYKKI: = 55-63-70 (78-86) lykkjur. Prjónið garðaprjón í 8-9-9 (10-10) cm. Næsta umferð er prjónuð þannig: Fellið af 6-8-10 (12-15) lykkjur, prjónið 8 lykkjur, fellið af 27-31-34 (38-40) lykkjur, prjónið 8 lykkjur og fellið af 6-8-10 (12-15) lykkjur. Prjónið síðan axlabönd yfir 8 lykkjur sem ekki voru felldar af. Axlaböndin eru prjónuð í garðaprjóni þar til þau mælast 22-24-26 (28-30) cm, fellið af. FRÁGANGUR: Saumið saman op efst á innan verðu á skálm innan við kantlykkju. Saumið saman einingar með garðaprjóni í hliðum – saumið í ystu lykkjubogana þannig að saumurinn verði ekki of þykkur. Saumið tölu í hvert axlaband. ------------------------------------------------------- HÚFA: Stykkið er prjónað fram og til baka á hringprjón! Fitjið laust upp 89-93-106 (108-112) lykkjur á hringprjón 2,5 með Alpaca. Prjónið 4 umferðir garðaprjón. Næsta umferð er prjónuð frá röngu þannig: 1 kantlykkja í garðaprjóni, 1-3-1 (2-4) lykkjur sléttprjón, M.1 yfir næstu 85-85-102 (102-102) lykkjur, 1-3-1 (2-4) lykkjur sléttprjón og 1 kantlykkja í garðaprjóni. Haldið svona áfram þar til M.1 hefur verið prjónað 5-6-7 (8-9) sinnum á hæðina og prjónið síðan M.2 með 1 kantlykkju og 1-3-1 (2-4) lykkjur sléttprjón í hvorri hlið. Eftir M.2 mælist stykkið ca 10-11-12 (13-14) cm, haldið áfram í sléttprjóni yfir allar lykkjur með 1 kantlykkju í hvorri hlið – JAFNFRAMT í fyrstu umferð er lykkjufjöldinn jafnaður til 88-94-102 (108-114) lykkjur. Þegar stykkið mælist 12-13-14 (15-16) cm fellið af 5-5-6 (6-6) lykkjur í hvorri hlið (þ.e.a.s. fellið af í byrjun á 2 næstu umferðum) = 78-84-90 (96-102) lykkjur. Setjið síðan 6 prjónamerki í stykkið þannig (frá réttu): Fyrsta eftir 1 lykkju, næstu 5 með 13-14-15 (16-17) lykkja millibili, nú eru 12-13-14 (15-16) lykkjur á eftir síðasta prjónamerki. Haldið áfram í garðaprjóni – JAFNFRAMT eru prjónaðar 2 lykkjur slétt saman á eftir hverju prjónamerki í annarri hverri umferð (frá réttu) þar til 12 lykkjur eru eftir á prjóni. Prjónið síðan saman lykkjur 2 og 2 og þræðið þráðinn í gegnum þær lykkjur sem eftir eru, herðið að og notið þráðinn til að sauma húfuna saman við miðju að aftan – saumið í ystu lykkjubogana (það á einnig að sauma í 5-5-6 (6-6) sléttar lykkjur sem voru felldar af fyrst). FALDUR FYRIR SNÚRU: Takið upp með Alpaca á hringprjón 2,5 ca 68 til 84 lykkjur (deilanlegt með 4) innan við kantlykkju meðfram kanti neðst á húfu. Prjónið 1 umferð slétt frá röngu og 1 umferð slétt frá réttu, næsta umferð er prjónuð þannig (frá röngu): 2 lykkjur slétt, * 2 lykkjur slétt saman, sláið 1 sinni uppá prjóninn, 2 lykkjur brugðið *, endurtakið frá *-* þar til 2 lykkjur eru eftir, þær eru prjónaðar slétt. Prjónið síðan 4 umferðir garðaprjón yfir allar lykkjur. Fellið af. SNÚRA: Klippið þrjá þræði ca 2 metra, tvinnið þá saman vel, leggið snúruna saman tvöfalda þannig að hún tvinni sig aftur saman einu sinni til viðbótar, hnýtið hnút í hvorn enda. Þræðið snúrunni upp og niður í gataröð í fald fyrir snúru. ------------------------------------------------------- SOKKUR: Fótlengd: 10-11-12 (14-16) cm ------------------------------------------------------- SOKKUR: Sokkurinn er prjónaður í hring á sokkaprjóna! Fitjið laust upp 51-51-51 (51-68) lykkjur á sokkaprjóna nr 2,5 með Alpaca. Prjónið 4 umferði GARÐAPRJÓN – sjá útskýringu að ofan. Prjónið síðan M.1 3-4-4 (5-5) sinnum á hæð. Stykkið mælist nú ca 4-5-5 (6-6) cm. Prjónið 1 umferð sléttprjón JAFNFRAMT sem lykkjufjöldinn er jafnaður til 40-44-48 (52-56) lykkjur. Prjónið stroff = 1 lykkja slétt/1 lykkja brugðið í 2 cm. Næsta umferð er prjónuð þannig: * 2 lykkjur slétt saman, sláið uppá prjóninn *, endurtakið frá *-*. Í næstu umferð eru settar fyrstu 15-17-18 (20-21) lykkjur á þráð, haldið eftir 10-10-12 (12-14) lykkjur á prjóni og setjið síðustu 15-17-18 (20-21) lykkjur á þráð. Prjónið síðan garðaprjón fram og til baka í 3½-4-5 (6-7) cm (= efra stykki). Takið upp 9-11-13 (15-18) lykkjur í báðum hliðum á efra stykki og setjið til baka lykkjur af þræði á prjóninn = 58-66-74 (82-92) lykkjur. Prjónið áfram í garðaprjóni fram og til baka frá miðju að aftan. JAFNFRAMT eftir 2-2½-3 (3½-4) cm, fækkið lykkjum þannig: Prjónið 2 lykkjur slétt saman í byrjun og lok umferðar jafnframt hvoru megin við 2 miðju lykkjur, endurtakið þessa úrtöku í annarri hverri umferð þar til mynstureiningin í garðaprjóni mælist 3-4-5 (5-6) cm. Fellið af og saumið saman saum undir fæti og upp að gataumferð við miðju að aftan. Saumið yst í ystu lykkju svo að saumurinn verði ekki of þykkur. SNÚRA: Klippið 3 þræði ca 1 metra, tvinnið þá vel saman, leggið snúruna saman tvöfalda svo að þeir tvinni sig aftur saman, hnýtið hnút á hvorn enda. Þræðið snúruna upp og niður í gegnum gataumferð á sokk. Prjónið annan sokk alveg eins. |
||||||||||||||||||||||
Skýringar á teikningu |
||||||||||||||||||||||
|
||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (57)
DROPS Deutsch wrote:
Das sollte M1 heissen. Ich habe das gleich geändert.
19.10.2009 - 13:11Angelika wrote:
Hallo, in der Anleitung für die Jacke ist die Angabe M3 in der Höhe stricken. Finge M3 nicht. Es wäre sehr nett, wenn Sie mir das erklären können, wie es weiter geht. Danke Angelika
17.10.2009 - 21:42Jenni wrote:
Oh! I love this one so much!
22.11.2008 - 22:51Jenny wrote:
Rigtig mange roser til dette sæt - det kan jeg ikke vente på ret meget længere :)
22.11.2008 - 07:20Jenny wrote:
Rigtig mange roser til dette sæt - det kan jeg ikke vente på ret meget længere :)
22.11.2008 - 07:20Rikke wrote:
Nydelig. Håper vikelig denne kommer med. :)
20.11.2008 - 22:26Lina wrote:
Jättesöta hängslebyxor. Dom vill absolut göra till min lilla tjej i magen. 2 månader kvar tills hon kommer ut. Dom skulle bli så fina. Och mössan är söt också.
15.11.2008 - 13:07Hege Salte wrote:
For et yndig sett! Håper dette kommer med! Alltid greit å ha noe fint som hører sammen ;-)
11.11.2008 - 09:25Birthe List wrote:
Dette er et meget fint sæt. Jeg har længe villet finde en opskrift på sådan et par sparkebukser.
11.11.2008 - 08:58DOISY wrote:
On ne peut qu'espérer avoir les explications de ce charmant ensemble, mais il faut avouer que l'on pourrait en ire autant de tout vos modèles, quel large éventail de styles et de genres. Vos modèles sont si beau et avangardistes dans la tradition. Merci de nous les offrir, nos bébés sont magnifiques et en grand confort dans vos modèles
10.11.2008 - 10:50