Altair |
||||||||||||||||||||||||||||
|
|
|||||||||||||||||||||||||||
Prjónuð ferhyrnd peysa með gatamynstri á baki úr DROPS BabyAlpaca Silk. Stærð S - XXXL.
DROPS 177-32 |
||||||||||||||||||||||||||||
GARÐAPRJÓN (prjónað fram og til baka): Lykkjurnar prjónast slétt í öllum umferðum. GARÐAPRJÓN (prjónað í hring): *1 umferð slétt og 1 umferð brugðið*, endurtakið frá *-*. MYNSTUR: Sjá mynsturteikningu A.1 til A.7. Mynsturteikning sýnir allar umferðir í mynstri séð frá réttu. ÚTAUKNING-1: Til þess að reikna út hvernig auka eigi jafnt út, teljið fjölda lykkja í umferð (t.d. 49 lykkjur) og deilið með fjölda útaukninga sem á að gera (t.d.3) = 16,3. í þessu dæmi þá er aukið út eftir ca 16. hverja lykkju. Aukið út um 1 lykkju með því að slá 1 sinni uppá prjóninn, í næstu umferð er uppslátturinn prjónaður snúinn, svo ekki myndist gat. ÚTAUKNING-2 (á við um miðju undir ermi): Aukið út hvoru megin við 5 miðju lykkjur undir ermi þannig: Byrjið 1 lykkju á undan A.7, sláið 1 sinni uppá prjóninn, prjónið 1 lykkju slétt, A.7, 1 lykkja slétt, sláið 1 sinni uppá prjóninn (= 2 lykkjur fleiri). Í næstu umferð er uppslátturinn prjónaður snúinn slétt svo ekki myndist gat. ---------------------------------------------------------- FRAM- OG BAKSTYKKI: Peysan er prjónuð eins og ferningur frá miðju að aftan og út. Prjónað er í hring á sokkaprjóna. Skipt er yfir á hringprjón eftir þörf. Þegar ferningurinn hefur verið prjónaður til loka er prjónað niður yfir bakstykki og út að hvorri hlið á framstykki. Að lokum er prjónaður samfelldur kantur í hálsmáli/framstykki áður en ermar eru prjónaðar. FERNINGUR: Fitjið upp 8 lykkjur á 1 st sokkaprjón nr 3 með BabyAlpaca Silk (hafið endann ca 20 cm, það á að nota hann við frágang). UMFERÐ 1 (= ranga): Prjónið allar lykkjur brugðið. UMFERÐ 2 (= rétta): * Prjónið 1 lykkju snúna slétt, sláið 1 sinni uppá prjóninn, prjónið 1 lykkju slétt, sláið 1 sinni uppá prjóninn *, endurtakið frá *-* alls 4 sinnum = 16 lykkjur. Skiptið lykkjum á 4 sokkaprjóna nr 3 með 4 lykkjur á hverjum prjóni (þetta er gert án þess að prjóna lykkjurnar). Setjið 1 prjónamerki í fyrstu lykkju á fyrsta sokkaprjón (= prjónamerki A = byrjun á umferð), setjið að auki 1 prjónamerki í fyrstu lykkju á hverjum og einum af 3 næstu sokkaprjónum (= prjónamerki B, prjónamerki C og prjónamerki D). Nú er 1 prjónamerki í hverju horni – látið prjónamerkin fylgja með í stykkinu. Prjónið í hring þannig: A.1 (= 4 lykkjur), A.2 (= 4 lykkjur), A.1 (= 4 lykkjur) og A.2 (= 4 lykkjur). Haldið svona áfram með mynstur og aukið út eins og útskýrt er í mynsturteikningu. ATHUGIÐ PRJÓNFESTUNA! Þegar A.2 hefur verið prjónað til loka er prjónað yfir lykkjur á milli prjónamerkis B og C og prjónamerkis D og A þannig: Prjónið A.3A (= 21 lykkjur), A.3B (= 27 lykkjur) og síðan A.3C (= 20 lykkjur). Þegar A.3 hefur verið prjónað til loka er A.1 einnig lokið á hæðina og það eru 308 lykkjur í umferð í öllum stærðum (67 lykkjur á milli prjónamerkis A og B og á milli prjónamerkis C og D, 85 lykkjur á milli prjónamerkis B og C og á milli prjónamerkis D og A og 4 hornlykkjur). Prjónið nú í hring í sléttprjóni með A.4 einungis á milli prjónamerkis B og C þannig: Prjónið hornlykkjur snúnar slétt, aukið út með því að slá uppá prjóninn, prjónið sléttprjón fram að prjónamerki B, aukið út með því að slá 1 sinni uppá prjóninn, prjónið A.4A (= 42 lykkjur – útaukning á undan hornlykkjum eru teiknaðar inn í mynsturteikningu), prjónið hornlykkjur snúnar slétt, aukið út með því að slá 1 sinni uppá prjóninn, prjónið sléttprjón fram að prjónamerki D, aukið út með því að slá 1 sinni uppá prjóninn, prjónið hornlykkjur snúnar slétt, aukið út með því að slá 1 sinni uppá prjóninn, prjónið sléttprjón fram að prjónamerki A og aukið út með því að slá 1 sinni uppá prjóninn = 316 lykkjur í umferð í öllum stærðum. Haldið svona áfram með útaukningu við hornlykkjur í annarri hverri umferð þar til prjónaðar hafa verið alls 2-4-6-8-10-12 umferðir í A.4 (útauknar lykkjur eru alltaf prjónaðar í sléttprjóni). Nú eru 316-324-332-340-348-356 lykkjur í umferð. HANDVEGUR: Prjónið nú fram og til baka á hringprjóna, en ekki er prjónað yfir lykkjur upp við hnakka (þ.e.a.s. á milli prjónamerkis D og A). Byrjið frá réttu við prjónamerki A (= vinstri öxl að aftan), prjónið hornlykkjur snúnar slétt eins og áður, fellið LAUST af næstu 46-48-50-52-56-58 lykkjur fyrir handveg, prjónið sléttprjón fram að prjónamerki B, aukið út á undan hornlykkju eins og áður, haldið áfram A.4A og A.4B á milli prjónamerkis B og C eins og áður, prjónið hornlykkjur snúnar slétt, aukið út á eftir hornlykkjum eins og áður, prjónið sléttprjón þar til eftir eru 46-48-50-52-56-58 lykkjur á undan prjónamerkis D, fellið laust af næstu 46-48-50-52-56-58 lykkjur fyrir handveg og prjónið hornlykkjur snúnar slétt eins og áður. Þær 87-89-91-93-95-97 lykkjur sem eftir eru á milli prjónamerkis D og prjónamerkis A (= upp við hnakka) eru settar á band. Klippið frá þráðinn sem prjónað er með og setjið síðan hornlykkju við prjónamerki A og prjónamerki D á sitt hvora nælu. Byrjið frá röng og prjónið fram og til baka eins og áður yfir þessar lykkjur í sléttprjóni, A.4A og A.4B á milli prjónamerkis B og C niður á baki og útaukning hvoru megin við 2 hornlykkjur (í hverri umferð frá réttu) þar til prjónaðar hafa verið alls 7 umferðir á eftir affellingu fyrir handveg og síðasta umferð er prjónuð frá röngu, klippið frá – ATH: Gatamynstur í A.4 er prjónað eins og útskýrt er í mynsturteikningu og endurtakið niður yfir bak til loka, þ.e.a.s. sjálft gatamynstrið nær yfir jafn margar lykkjur allan tímann, en það verða fleiri og fleiri lykkjur í sléttprjóni í hvorri hlið við hornlykkjur. Setjið til baka lykkju frá nælu við prjónamerki A á prjóninn. Prjónið þessa lykkju snúna slétt, aukið út á eftir hornlykkju eins og áður, fitjið upp 46-48-50-52-56-58 nýjar lykkjur á prjóninn fyrir handveg, prjónið sléttprjón fram að prjónamerki B, aukið út á undan hornlykkju eins og áður, haldið áfram með A.4A og A.4B á milli prjónamerkis B og C eins og áður, aukið út á eftir hornlykkju eins og áður, prjónið sléttprjón yfir þær lykkjur sem eftir eru, fitjið upp 46-48-50-52-56-58 nýjar lykkjur fyrir handveg, aukið út á undan hornlykkju eins og áður, setjið til baka lykkju frá nælu á prjóninn og prjónið þá lykkju snúna slétt = 251-257-263-269-275-281 lykkjur á prjóni. Prjónið til baka frá röngu og fitjið JAFNFRAMT upp 1 nýja lykkju í hvorri hlið (= kantlykkja) = 253-259-265-271-277-283 lykkjur á prjóni. FRAM- OG BAKSTYKKI: Haldið svona áfram fram og til baka á hringprjóna eins og áður, þ.e.a.s. í næstu umferð er prjónað frá réttu þannig: 1 kantlykkja í GARÐAPRJÓN – sjá útskýringu að ofan, prjónið hornlykkju snúna slétt, aukið út á eftir hornlykkju, prjónið sléttprjón fram að hornlykkju við prjónamerki B, aukið út á undan hornlykkju, haldið áfram með A.4A og A.4B á milli prjónamerkis B og C (útaukningar eins og áður), aukið út á eftir hornlykkju, prjónið sléttprjón fram að hornlykkju við prjónamerki D, aukið út á undan hornlykkju, prjónið hornlykkjuna snúnar slétt og endið með 1 kantlykkju í garðaprjóni. Prjónið brugðið til baka frá röngu, en kantlykkja í hvorri hlið er prjónuð slétt og 4 hornlykkjur eru prjónaðar snúnar brugðið eins og áður. Haldið svona áfram fram og til baka þar til stykkið mælist ca 51-53-55-57-59-61 cm frá hnakka og niður – endið eftir 1 umferð frá röngu. Ef prjónfestan passar á hæðina þá eru nú ca 349-373-379-385-409-415 lykkjur á prjóni. Setjið lykkjur á milli prjónamerkis B og C (meðtaldar hornlykkjur) á band (= ca 129-139-141-143-151-153 lykkjur meðfram neðri kanti á peysu). Aðrar lykkjur á milli prjónamerkis C og til og með prjónamerkis D eru settar á annan þráð (= ca 110-117-119-121-129-131 lykkjur á hægra framstykki). VINSTRA FRAMSTYKKI: Setjið nú 1 prjónamerki – HÉÐAN ER NÚ MÆLT! Prjónið yfir lykkjur frá og með prjónamerki A og fram að prjónamerki B þannig (fyrsta umferð = rétta): 1 kantlykkja í garðaprjóni, prjónið hornlykkju snúna slétt, aukið út á eftir hornlykkju eins og áður, prjónið sléttprjón þar til 1 lykkja er eftir á prjóni, snúið stykkinu, herðið á þræði og prjónið sléttprjón til baka frá röngu, hornlykkjan snúin brugðið og 1 kantlykkja í garðaprjóni. Snúið stykkinu, prjónið eins og áður þar til 2 lykkjur eru eftir á prjóni, snúið stykkinu, herðið á þræði og prjónið til baka frá röngu eins og áður. Haldið svona áfram með að prjóna yfir 1 lykkju færri við prjónamerki B í hvert skipti sem snúið er við þar til stykkið mælist ca 37-41-45-49-53-57 cm frá prjónamerki (endið eftir 1 umferð frá röngu). Setjið allar lykkjur á vinstra framstykki á þráð. HÆGRA FRAMSTYKKI: Setjið til baka lykkjur af þræði á milli prjónamerkis C og D á hringprjóna 3. Setjið 1 prjónamerki – HÉÐAN ER NÚ MÆLT og prjónið þannig (fyrsta umferð = rétta): Prjónið sléttprjón fram að hornlykkju, aukið út á undan hornlykkju eins og áður, prjónið hornlykkju snúna slétt og endið með 1 kantlykkju í garðaprjóni. Snúið stykkinu, prjónið frá röngu með 1 kantlykkju í garðaprjóni, hornlykkju snúna brugðið og sléttprjón þar til eftir er 1 lykkja á prjóni, snúið stykkinu, herðið á þræði og prjónið til baka frá réttu í sléttprjóni, útaukning á undan hornlykkju, hornlykkja snúin slétt og 1 kantlykkja í garðaprjóni. Snúið, prjónið frá röngu þar til 2 lykkjur eru eftir á prjóni, snúið stykkinu, herðið á þræði og prjónið frá réttu eins og áður. Haldið svona áfram með að prjóna yfir 1 lykkju færri við prjónamerki C í hvert skipti sem snúið er við þar til stykkið mælist ca 37-41-45-49-53-57 cm frá prjónamerki (endið eftir 1 umferð frá röngu). KANTUR MEÐ GARÐAPRJÓNI: Setjið lykkjur meðfram hægra framstykki, neðri kantur og vinstra framstykki á sama hringprjón 2,5 = ca 467-505-523-541-579-597 lykkjur. Prjónið 4 umferðir garðaprjón fram og til baka yfir allar lykkjur. Skiptið yfir á hringprjóna 3 og fellið af, en til að affellingarkanturinn verði ekki stífur er slegið 1 sinni uppá prjóninn á eftir 6. hverri lykkju jafnframt er fellt af (uppslátturinn er felldur af eins og venjuleg lykkja). KANTUR Í HÁLSMÁLI OG AÐ FRAMAN: Prjónið kant efst á stykkinu upp meðfram hægra framstykki, yfir lykkjur aftan við hnakka og síðan niður meðfram vinstra framstykki þannig: Prjónið upp frá réttu innan við 1 kantlykkju í garðaprjóni ca 307-331-355-379-403-427 lykkjur (meðtaldar lykkjur af þræði) á hringprjóna 3 (ef prjónaðar eru upp fleiri/færri lykkjur er lykkjufjöldinn jafnaður út í réttan lykkjufjölda í fyrstu umferð). Prjónið 3 sléttar umferðir fram og til baka. Næsta umferð er prjónuð frá réttu þannig: 1 kantlykkja í garðaprjóni, prjónið A.5A þar til 2 lykkjur eru eftir á prjóni, prjónið A.5B (= 1 lykkja) og endið á 1 kantlykkju í garðaprjóni. Þegar A.5 hefur verið prjónað til loka á hæðina er næsta umferð prjónuð frá réttu þannig: 1 kantlykkja í garðaprjóni, A.6A (= 5 lykkjur), endurtakið A.6B þar til 5 lykkjur eru eftir á prjóni (= 37-40-43-46-49-52 mynstureiningar 8 lykkjur), prjónið A.6C (= 4 lykkjur) og endið með 1 kantlykkju í garðaprjóni. Haldið svona áfram með mynstur þar til allur kanturinn mælist ca 18-18-18-22-22-22 cm – endið eftir eina heila mynstureiningu á hæðina. Prjónið 2 umferðir garðaprjón fram og til baka yfir allar lykkjur og fellið af, en til að affellingarkanturinn verði ekki stífur er slegið 1 sinni uppá prjóninn á eftir 4. hverja lykkju jafnframt því sem fellt er af (uppslátturinn er felldur af eins og venjuleg lykkja). ERMI: Stykkið er prjónað í hring á sokkaprjóna. Skiptið yfir á stuttan hringprjón þegar auknar hafa verið út nægilega margar lykkjur. Fitjið upp 49-49-49-57-57-57 lykkjur á sokkaprjóna 2,5 með BabyAlpaca Silk. Prjónið 4 umferðir GARÐAPRJÓN hringinn – sjá útskýringu að ofan. Skiptið yfir á sokkaprjón 3 og prjónið þannig: A.6A (= 5 lykkjur), endurtakið A.6B yfir næstu 40-40-40-48-48-48 lykkjur (= 5-5-5-6-6-6 mynstureiningar 8 lykkjur), endið með A.6C (= 4 lykkjur). Haldið svona áfram með mynstur. Þegar stykkið mælist ca 12 cm – stillið af eftir eina heila mynstureiningu á hæðina, prjónið 1 umferð slétt þar sem aukið er út um 3-5-7-1-3-5 lykkjur jafnt yfir – LESIÐ ÚTAUKNING-1 = 52-54-56-58-60-62 lykkjur í umferð. Skiptið yfir á sokkaprjóna 2,5, prjónið 4 umferðir garðaprjón hringinn. Prjónið síðan A.5A hringinn. Þegar A.5 hefur verið prjónað til loka er skipt yfir á sokkaprjóna 3. Næsta umferð er prjónuð þannig: Prjónið A.7 (= 3 lykkjur), 23-24-25-26-27-28 lykkjur sléttprjón, A.7 (= 3 lykkjur) og 23-24-25-26-27-28 lykkjur sléttprjón. Haldið svona áfram með mynstur í sléttprjóni og A.7 mitt ofan á og mitt undir ermi. JAFNFRAMT þegar stykkið mælist 16 cm er aukið út um 2 lykkjur mitt undir ermi – LESIÐ ÚTAUKNING-2. Aukið svona út alls 17-19-20-20-22-23 sinnum í S: Með 2 cm millibili, í M, L og XL: Til skiptis 2 og 1½ cm millibili og í XXL og XXXL: Með 1½ cm millibili = 86-92-96-98-104-108 lykkjur í umferð. Þegar stykkið mælist 50-51-52-51-52-52 cm prjónið ermakúpu fram og til baka á stutta hringprjóna JAFNFRAMT er fellt af í byrjun hverrar umferðar í hvorri hlið þannig: 3 lykkjur 1 sinni, 2 lykkjur 1 sinni og 1 lykkja 2 sinnum. Fellið síðan af 2 lykkju í hvorri hlið þar til stykkið mælist 53-54-55-55-56-56 cm, fellið síðan af 3 lykkjur 1 sinni í hvorri hlið. Fellið af þær lykkjur sem eftir eru, ermin mælist ca 54-55-56-56-57-57 cm. Prjónið aðra ermi alveg eins. FRÁGANGUR: Saumið ermar í. Notið endann á þræðinum frá byrjun á stykki til að sauma lítil spor upp og niður í kringum gatið í miðju á ferning. Herðið á þræðinum og dragið gatið saman og festið enda. |
||||||||||||||||||||||||||||
Skýringar á teikningu |
||||||||||||||||||||||||||||
|
||||||||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (41)
Remacle Cécile wrote:
Vraiment un magifique ouvrage
14.12.2016 - 05:54