Sunny Trails |
|||||||||||||||||||||||||||||||||||||
|
|
||||||||||||||||||||||||||||||||||||
Hekluð peysa með laskalínu úr DROPS Lima. Stykkið er heklað ofan frá og niður með stuðlum og röndum í áferð með fimmföldum stuðlum. Stærð S - XXXL.
DROPS 207-28 |
|||||||||||||||||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- LOFTLYKKJA: Ef þú heklar yst á heklunálinni þá kemur loftlykkjan oft til með að verða of stíf. 1 loftlykkja á að vera álíka löng og breiddin á 1 fastalykkju. HEKLLEIÐBEININGAR: Í byrjun á hverri umferð með fastalykkjum, skiptið út fyrstu fastalykkjunni með 1 loftlykkju, þ.e.a.s. í byrjun á að hoppa yfir 1. lykkjuna frá fyrri umferð. Umferð endar með 1 keðjulykkju í 1. loftlykkju í byrjun á umferð. Í byrjun á hverri umferð með hálfum stuðlum, skiptið út fyrsta hálfa stuðulinn með 2 loftlykkjum, þ.e.a.s. hoppið yfir 1. lykkju frá fyrri umferð. Umferðin endar með 1 keðjulykkju í 2. loftlykkju í byrjun á umferð. Í byrjun á hverri umferð með stuðlum, skiptið út fyrsta stuðli með 3 loftlykkjum, þ.e.a.s. hoppið yfir 1. lykkju frá fyrri umferð. Umferðin endar með 1 keðjulykkju í 3. loftlykkju í byrjun á umferð. ÚTAUKNING/ÚRTAKA (jafnt yfir): Til þess að reikna út hvernig fjölga/fækka eigi lykkjum jafnt í umferð, teljið fjölda lykkja í umferð (t.d. 70 lykkjur) og deilið með fjölda útaukninga/úrtöku sem á að gera (t.d. 10) = 7. Í þessu dæmi er aukið út með því að hekla 2 lykkjur í sömu lykkju í 7. hverja lykkju. Ef fækka á lykkjum, heklið þá 6. og 7. hverja lykkju saman. MYNSTUR: Sjá mynsturteikningu A.1 til A.4. A.1 og A.3 sýnir hvernig umferðin byrjar og endar. Sjá LEIÐBEININGAR. HEKLLEIÐBEININGAR: Ef A.2a mælist meira en 4½ cm á hæðina, skiptið út fimmföldu stuðlunum fyrir fjörfalda stuðla, þ.e.a.s. bregðið þræðinum 1 sinni færra um heklunálina. Byrjið umferð með 6 loftlykkjum í stað 7 loftlykkja. Ef A.2a mælist minna en 4½ cm á hæðina, skiptið út fimmföldu stuðlunum fyrir sexfalda stuðla, þ.e.a.s. bregðið þræðinum 1 sinni oftar um heklunálina. Byrjið umferð með 8 loftlykkjum í stað 7 loftlykkja. LASKALÍNA: Aukið út fyrir laskalínu í hverja skiptingu á milli fram- og bakstykkis og erma þannig: Aukið út um 16 lykkjur þannig: Á eftir prjónamerki: Heklið 1 lykkju í fyrstu lykkju á eftir prjónamerki, heklið næst 2 lykkjur í hverja af næstu 2 lykkjum (= 2 lykkjur fleiri). Á undan prjónamerki: Byrjið 3 lykkjum á undan prjónamerki, heklið 2 lykkjur í hverja af fyrstu 2 lykkjum, heklið 1 lykkju í lykkju á undan prjónamerki (= 2 lykkjur fleiri). Aukið út um 8 lykkjur þannig: Á eftir prjónamerki: Heklið 1 lykkju í fyrstu lykkju á eftir prjónamerki, heklið næst 2 lykkjur í næstu lykkju (= 1 lykkja fleiri). Á undan prjónamerki: Byrjið 2 lykkjum á undan prjónamerki, heklið 2 lykkjur í fyrstu lykkju, heklið 1 lykkju í lykkju á undan prjónamerki (= 1 lykkja fleiri). ÚRTAKA (á við um ermar): Fækkið um 1 stuðul hvoru megin við prjónamerki þannig: Heklið þar til 3 stuðlar eru eftir á undan prjónamerki, heklið 2 STUÐLA SAMAN – sjá útskýringu að neðan, heklið 1 stuðul í hvorn af næstu 2 stuðlum (prjónamerki situr mitt á milli þessa lykkja), heklið 2 stuðla saman. HEKLIÐ 2 STUÐLA SAMAN: Heklið 1 stuðul, en bíðið með að bregða þræðinum um heklunálina og að draga þráðinn í gegn í lokin, heklið 1 stuðul til viðbótar alveg eins. Bregðið þræðinum 1 sinni um heklunálina og dragið þráðinn í gegnum allar lykkjurnar á heklunálinni (= 1 stuðull færri). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Kantur í hálsmáli og berustykki er heklað í hring, ofan frá og niður. Berustykkið skiptist fyrir fram- og bakstykki og ermar. Fram- og bakstykki er heklað í hring, ofan frá og niður. Ermar í hring, ofan frá og niður KANTUR Í HÁLSMÁLI: Heklið 70-74-76-84-86-90 loftlykkjur – sjá LOFLYKKJA, með heklunál 4,5 með Lima og tengið saman í hring með 1 keðjulykkju í 1. loftlykkju. Heklið 1 fastalykkju í hverja loftlykkju – sjá HEKLLEIÐBEININGAR = 70-74-76-84-86-90 fastalykkjur. Heklið 1 umferð með 1 stuðul í aftari lykkjubogann í hverja fastalykkju. Heklið síðan 1 umferð með 1 fastalykkju í aftari lykkjubogann á hverjum stuðli jafnframt því sem aukið er út um 10-6-12-4-6-10 fastalykkjur jafnt yfir – sjá ÚTAUKNING/ÚRTAKA = 80-80-88-88-92-100 fastalykkjur. Heklið 1 umferð með 1 fastalykkju í aftari lykkjubogann í hverja fastalykkju = 80-80-88-88-92-100 fastalykkjur – ATHUGIÐ HEKLFESTUNA! Setjið 4 prjónamerki (þetta er gert án þess að hekla) þannig: Setjið 1 prjónamerki í byrjun á umferð, setjið annað prjónamerki eftir næstu 28-28-32-32-34-38 lykkjur (= bakstykki), setjið þriðja prjónamerki eftir næstu 12 lykkjur (= ermi), setjið fjórða prjónamerki eftir næstu 28-28-32-32-34-38 lykkjur (= framstykki), nú eru eftir 12 lykkjur fram að fyrsta prjónamerki (= ermi). BERUSTYKKI: Heklið síðan í hring eftir mynsturteikningu – sjá MYNSTUR þannig: Heklið A.1a (sýnir hvernig umferðin byrjar og endar), endurtakið A.2a umferðina hringinn – JAFNFRAMT í fyrstu umferð er aukið út fyrir LASKALÍNA í hverri skiptingu á milli fram- og bakstykkis og erma – sjá útskýringu að ofan. Aukið út í hverri umferð þannig: Aukið út um 16 lykkjur alls 6-7-7-6-7-7 sinnum, síðan er aukið út um 8 lykkjur alls 6-7-8-13-13-15 sinnum. Þegar A.1a/A.2a hefur verið heklað alls 3 sinnum á hæðina, heklið A.1b/A.2b, síðan er heklað áfram með 1 stuðul í hverja lykkju (í gegnum báða lykkjubogana). Eftir síðustu útaukningu fyrir laskalínu eru 224-248-264-288-308-332 stuðlar í umferð og stykkið mælist ca 18-20-22-25-27-28 cm frá kanti í hálsi. Heklið áfram þar til stykkið mælist 21-23-25-27-29-31 cm frá kanti í hálsi. Næsta umferð er hekluð þannig: Heklið 67-73-78-85-92-101 stuðla (= bakstykki), heklið 6-6-8-8-10-10 lausar loftlykkjur (= í hlið undir ermi), hoppið yfir 42-48-52-56-58-60 stuðla (= ermi), heklið 70-76-80-88-96-106 stuðla (= framstykki), heklið 6-6-8-8-10-10 lausar loftlykkjur (= í hlið undir ermi), hoppið yfir 42-48-52-56-58-60 stuðla (= ermi), heklið þá 3-3-2-3-4-5 stuðla sem eftir eru (= bakstykki). Heklið síðan fram- og bakstykki og ermar til loka fyrir sig. Klippið frá. HÉÐAN ER NÚ MÆLT! FRAM- OG BAKSTYKKI: Byrjið á að hekla í 4.-4.-5.-5.-6.-6. loftlykkju af 6-6-8-8-10-10 loftlykkjum sem heklaðar voru í handvegi á fram- og bakstykki þannig: Heklið 1 keðjulykkju, 3 loftlykkjur (= 1 stuðull), 1 stuðul í hverja og eina af næstu 2-2-3-3-4-4 loftlykkjum, 1 stuðul í hvern stuðul, 1 stuðul í hvern stuðul, 1 stuðul í hverja og eina af 6-6-8-8-10-10 loftlykkjum undir ermi, heklið 1 stuðul í hvern stuðul og endið með 1 stuðul í hverja og eina af síðustu 3-3-4-4-5-5 loftlykkjum undir ermi = 152-164-176-192-212-232 stuðlar. Haldið áfram hringinn með stuðlum þar til stykkið mælist 30 cm frá skiptingu. Klippið frá og festið enda. Peysan mælist ca 54-56-58-60-62-64 cm frá öxl og niður. ERMI: Byrjið á að hekla í 4.-4.-5.-5.-6.-6. loftlykkju af 6-6-8-8-10-10 loftlykkjum sem heklaðar voru í handveg á fram- og bakstykki þannig: Heklið 1 keðjulykkju, 3 loftlykkjur (= 1 stuðull), 1 stuðul í hverja af 2-2-3-3-4-4 næstu loftlykkjum, 1 stuðul í hvern stuðul og endið með 1 stuðul í hverja af síðustu 3-3-4-4-5-5 loftlykkjum undir ermi = 48-54-60-64-68-70 stuðlar. Setjið 1 prjónamerki í byrjun á umferð. Haldið áfram hringinn með stuðlum. Þegar heklaðar hafa verið 2 umferðir frá skiptingu, fækkið um 2 stuðla mitt undir ermi – sjá ÚRTAKA-1. Fækkið lykkjum svona í 3. hverri – annarri hverri- hverri-hverri-hverri-hverri umferð alls 4-6-8-10-11-11 sinnum = 40-42-44-44-46-48 stuðlar. Haldið svona áfram þar til stykkið mælist ca 41-39-38-36-34-33 cm frá skiptingu (styttra mál í stærri stærðum vegna víðari hálsmáls og lengra berustykkis). Heklið 1 umferð þar sem fækkað er um 12-14-12-12-12-12 stuðla jafnt yfir (fækkið um 1 stuðul með því að hekla 2 stuðla saman) = 28-28-32-32-34-36 stuðlar. Heklið nú í hring eftir mynsturteikningu þannig: Heklið A.3 (sýnir hvernig umferðin byrjar og endar), endurtakið A.4 umferðina hringinn. Haldið áfram þar til A.3/A.4 hefur verið heklað til loka, klippið frá og festið enda. Heklið hina ermina á sama hátt. KANTUR Í HÁLSMÁLI: Byrjið við miðju að aftan og festið þráðinn með 1 keðjulykkju í fastalykkju, heklið 1 loftlykkju (= 1 fastalykkja), heklið 1 fastalykkju í hvern stuðul umferðina hringinn = 70-74-76-84-86-90 fastalykkjur. Klippið frá og festið enda. |
|||||||||||||||||||||||||||||||||||||
Skýringar á teikningu |
|||||||||||||||||||||||||||||||||||||
|
|||||||||||||||||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (13)
Bettina wrote:
J'aime sa couleurs ainsi que les points fantaisie un joli pull pour l'automne.
10.07.2019 - 21:38Bertha wrote:
Sehr schöner Pullover! Wann oder wo gibt's die Anleitung?
26.06.2019 - 13:14Johanna wrote:
Love the colour, love the yarn and especially love to crochet !!
15.06.2019 - 23:04