Hvernig á að prjóna blóm - Marguerite

Í þessu DROPS myndbandi sýnum við hvernig þú heklar blómamynstur - Marguerite .
Fitjið upp þann fjölda lykkja sem er deilanlegur með 4+1 (+ e.t.v. kantlykkjur). Í myndbandinu höfum við nú þegar fitjað upp 16 + 1 lykkjur og byrjum á umferð 1. Fyrst sýnum við umferð 1-4 einungis með grænum lit, síðan sýnum við umferð 1-2 með bláfjólubláum lit og umferð 3-4 með grænum lit. Að lokum sýnum við 6 mynstureiningar af umferð 1-4.
UMFERÐ 1 (rétta): Prjónið allar lykkjur slétt.
UMFERÐ 2 (ranga): Prjónið 1 lykkju slétt * hafðu þráðinn að þér, prjónið 3 lykkjur brugðnar saman, látið lykkjurnar vera á vinstri prjón, sláið 1 sinni uppá hægri prjóninn, stingið hægri prjón í gegnum 3 sömu lykkjurnar, sækið bandið og dragið í gegnum allar 3 lykkjurnar, takið lykkjurnar yfir á vinstri prjón, 1 lykkja slétt *, endurtakið frá *-* út umferðina.
UMFERÐ 3 (skiptið um lit): Prjónið allar lykkjur slétt.
UMFERÐ 4: Prjónið 1 lykkju slétt, 1 lykkju brugðna, * 1 lykkja slétt, hafðu þráðinn að þér, prjónið 3 lykkjur brugðnar saman, látið lykkjurnar vera á vinstri prjón, sláið 1 sinni uppá hægri prjón, stingið hægri prjón í gegnum 3 sömu lykkjurnar, sækið bandið og dragið í gegnum allar 3 lykkjurnar, takið lykkjurnar yfir á vinstri prjón *, endurtakið frá *-* út umferðina og endið með 1 lykkja slétt, 1 lykkja brugðin og 1 lykkja slétt. Í myndbandinu notum við garnið DROPS Snow, en prufan í hvítu og bleiku er prjónuð úr DROPS Safran.