Autumn Woods Cardigan |
||||||||||
|
|
|||||||||
Prjónuð síð peysa úr DROPS Soft Tweed og DROPS Kid-Silk. Stykkið er prjónað neðan frá og upp í sléttprjóni, tvöföldum kanti að framan, v-hálsmáli og vösum. Stærð XS - XXL.
DROPS 237-24 |
||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- MYNSTUR: Sjá mynsturteikningu A.1 til A.3. Mynsturteikning sýnir allar umferðir í mynstri séð frá réttu. GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. ÚRTAKA (á við um úrtöku fyrir v-hálsmáli og handvegi): Öll úrtaka er gerð frá réttu! FÆKKIÐ UM 2 LYKKJUR Í BYRJUN Á UMFERÐ ÞANNIG: Prjónið 1 kantlykkju í garðaprjóni, 1 lykkja slétt, prjónið A.1 yfir næstu 3 lykkjur. FÆKKIÐ UM 2 LYKKJUR Í LOK UMFERÐAR ÞANNIG: Prjónið þar til 5 lykkjur eru eftir í umferð, prjónið A.1 yfir næstu 3 lykkjur, 1 lykkja slétt og 1 kantlykkja í garðaprjóni. FÆKKIÐ UM 1 LYKKJU Í BYRJUN Á UMFERÐ ÞANNIG: Prjónið 1 kantlykkju í garðaprjóni, 1 lykkja slétt, prjónið A.2 yfir næstu 3 lykkjur. FÆKKIÐ UM 1 LYKKJU Í LOK UMFERÐAR ÞANNIG: Prjónið þar til 5 lykkjur eru eftir í umferð, prjónið A.3 yfir næstu 3 lykkjur, 1 lykkja slétt og 1 kantlykkja í garðaprjóni. ÚTAUKNING (á við um ermar): Prjónið 1 lykkju slétt fram hjá prjónamerki, sláið 1 sinni uppá prjóninn, prjónið 1 lykkju slétt þar til 1 lykkja er eftir á undan prjónamerki, sláið 1 sinni uppá prjóninn. Í næstu umferð er uppslátturinn prjónaður snúinn slétt. HNAPPAGAT: Hnappagöt eru prjónuð, með byrjun frá réttu, þannig: Prjónið yfir fyrstu 8 lykkjurnar eins og áður, snúið og prjónið til baka yfir 8 lykkjurnar eins og áður, prjónið alls 3 umferðir yfir 8 lykkjurnar (síðasta umferðin er prjónuð frá réttu). Klippið þráðinn. Prjónið alls 4 umferðir eins og áður yfir þær 8 kantlykkjur að framan sem eftir eru (fyrsta umferð er prjónuð frá réttu) og prjónið síðustu lykkju frá réttu saman með næstu lykkju meðfram kanti á peysu eins og áður. Í síðustu umferð frá röngu er prjónað yfir allar kantlykkjur að framan og haldið er áfram eins og áður yfir allar kantlykkjur að framan. Prjónið hnappagöt þegar kantur að framan mælist: XS: 6, 15, 24, 33 og 41 cm. S: 6, 15, 24, 33 og 41 cm. M: 6, 15, 24, 33 og 41 cm. L: 6, 15, 24, 33 og 42 cm. XL: 6, 16, 25, 34 og 43 cm. XXL: 6, 16, 26, 35 og 44 cm. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er prjónað fram og til baka á hringprjóna, neðan frá og upp að handvegi. Síðan skiptist stykkið fyrir bakstykki og framstykki og stykkin eru prjónuð fram og til baka á hringprjóna hvert fyrir sig. Ermar eru prjónaðar í hring á sokkaprjóna / stuttan hringprjón upp það sem ermakúpan byrjar, síðan er ermakúpan prjónuð fram og til baka á hringprjóna. Að lokum eru prjónaðar upp lykkjur meðfram framstykkjum og prjónaður er tvöfaldur kantur að framan. FRAM- OG BAKSTYKKI: Fitjið upp 192-208-224-240-264-280 lykkjur á hringprjón 4 með 1 þræði DROPS Soft Tweed og 1 þræði DROPS Kid-Silk. Prjónið 1 umferð brugðið frá röngu. Í næstu umferð (frá réttu) er prjónað stroff þannig: 1 kantlykkja í GARÐAPRJÓN – sjá útskýringu að ofan, * 2 lykkjur slétt, 2 lykkjur brugðið *, prjónið frá *-* þar til 3 lykkjur eru eftir, 2 lykkjur slétt, 1 kantlykkja í garðaprjóni. Þegar stroffið mælist 4 cm, prjónið 1 umferð slétt (frá réttu) og fækkað er um 30-34-38-38-46-46 lykkjur jafnt yfir = 162-174-186-202-218-234 lykkjur. Skiptið yfir á hringprjón 5. Setjið 1 prjónamerki 41-44-47-51-55-59 lykkjur inn frá hvorri hlið. Látið prjónamerkin fylgja með í stykkinu, þau merkja hliðar á fram- og bakstykki og eru notuð þegar fækka á lykkjum í hvorri hlið. ATHUGIÐ PRJÓNFESTUNA! Þegar stykkið mælist 23 cm eru prjónaðir vasar þannig: VASAR: Nú prjónaður „vasapoki“ á hvort framstykki, í næstu umferð frá réttu er prjónað þannig: Vasarnir eru prjónaðir tvöfaldir og saumaðir saman í hlið í lokin. Prjónið 9-10-10-12-14-14 lykkjur slétt og setjið þær síðan á hjálparprjón/þráð, prjónið 27-29-29-31-33-35 lykkjur slétt, snúið. Nú eru vasarnir prjónaðir yfir 27-29-29-31-33-35 lykkjur þannig: Prjónið sléttprjón og fitjið upp 1 lykkju í lok 2 næstu umferða = 29-31-31-33-35-37 lykkjur fyrir vasa. Nýjar lykkjur eru prjónaðar í sléttprjóni. Þegar vasinn mælist 36 cm (mælt frá þar sem fyrstu lykkjurnar voru settar á þráð) prjónið vasann saman með peysu í næstu umferð frá réttu þannig: Prjónið kantlykkjur í hvorri hlið saman með lykkju á eftir/undan, prjónið sléttar lykkjur yfir næstu 90-96-108-116-124-136 lykkjur frá fram- og bakstykki, prjónið sléttar lykkjur yfir næstu 27-29-29-31-33-35 lykkjur, snúið og prjónið vasa yfir þessar lykkjur alveg eins. Þegar vasinn hefur verið prjónaður til loka eru prjónaðar sléttar lykkjur yfir síðustu 9-10-10-12-14-14 lykkjur. Setjið til baka allar lykkjur á prjóninn. Prjónið sléttprjón með 1 kantlykkju í garðaprjóni í hvorri hlið. YFIRLIT YFIR NÆSTA KAFLA: Þegar stykkið mælist 42-42-42-43-44-45 cm, byrjar úrtaka fyrir v-hálsmáli. JAFNFRAMT þegar lykkjum er fækkað fyrir v-hálsmáli eru lykkjur felldar af fyrir handvegi og hvort stykki er síðan prjónað til loka fyrir sig eins og útskýrt er að neðan. Lestu V-HÁLSMÁL og HANDVEGUR áður en þú prjónar áfram. V-HÁLSMÁL: Þegar stykkið mælist 42-42-42-43-44-45 cm, fækkið lykkjum fyrir v-hálsmáli í hvorri hlið í næstu umferð frá réttu – sjá ÚRTAKA. Fækkið um 2 lykkjur í hvorri hlið í 4. hverri umferð alls 4 sinnum í öllum stærðum. Fækkið síðan um 1 lykkju í hvorri hlið í 4. hverri umferð alls 4 sinnum í öllum stærðum. Fækkið síðan um 1 lykkju í hvorri hlið í 4. hverri umferð alls 3-3-4-4-5-5 sinnum. HANDVEGUR: JAFNFRAMT þegar stykkið mælist 47-48-49-50-51-52 cm og næsta umferð er prjónuð frá réttu, fellið af fyrir handveg þannig: Prjónið eins og áður þar til 2-3-4-4-4-5 lykkjur eru eftir á undan fyrra prjónamerki í hlið, fellið af 4-6-8-8-8-10 lykkjur fyrir handveg, prjónið eins og áður þar til 2-3-4-4-4-5 lykkjur eru eftir á undan seinna prjónamerki, fellið af 4-6-8-8-8-10 lykkjur fyrir handveg og prjónið eins og áður út umferðina. Framstykkin og bakstykkið er síðan prjónað hvert fyrir sig. VINSTRA FRAMSTYKKI (þegar flíkin er mátuð): Byrjið frá röngu, prjónið sléttprjón með 1 kantlykkju í garðaprjóni í hvorri hlið og haldið áfram með úrtöku fyrir v-hálsmáli. Að auki er lykkjum fækkað fyrir handveg þannig: HANDVEGUR: Í byrjun á næstu umferð frá réttu er fækkað um 1-1-1-2-2-2 lykkjur, síðan er fækkað um 1 lykkju í 4. hverri umferð alls 0-0-0-1-3-3 sinnum – munið eftir ÚRTAKA. Eftir allar úrtöku fyrir v-hálsmáli og handvegi eru 27-29-30-32-33-36 lykkjur eftir á öxl. Prjónið sléttprjón með 1 kantlykkju í garðaprjóni í hvorri hlið á stykki. Fellið af þegar stykkið mælist 66-68-70-72-74-76 cm. HÆGRA FRAMSTYKKI: Byrjið frá röngu, prjónið sléttprjón með 1 kantlykkju í garðaprjóni í hvorri hlið og haldið áfram með úrtöku fyrir v-hálsmáli frá réttu. Að auki er lykkjum fækkað fyrir handveg þannig: HANDVEGUR: Í lok næstu umferðar frá réttu er fækkað um 1-1-1-2-2-2 lykkjur, síðan er fækkað um 1 lykkju í 4. hverri umferð alls 0-0-0-1-3-3 sinnum – munið eftir ÚRTAKA. Eftir allar úrtöku fyrir v-hálsmáli og handvegi eru 27-29-30-32-33-36 lykkjur eftir á öxl. Prjónið sléttprjón með 1 kantlykkju í garðaprjóni í hvorri hlið á stykki. Fellið af þegar stykkið mælist 66-68-70-72-74-76 cm. BAKSTYKKI: = 76-80-84-92-100-106 lykkjur. Byrjið frá röngu og prjónið sléttprjón með 1 kantlykkju í garðaprjóni í hvorri hlið. Að auki er lykkjum fækkað fyrir handveg þannig: Í næstu umferð frá réttu er fækkað um 1-1-1-2-2-2 lykkjur í hvorri hlið á stykki, síðan er fækkað um 1 lykkju í hvorri hlið í 4. hverri umferð alls 0-0-0-1-3-3 sinnum – munið eftir ÚRTAKA = 74-78-82-86-90-96 lykkjur. Þegar stykkið mælist 63-65-67-69-71-73 cm fellið af miðju 18-18-20-20-22-22 lykkjur fyrir hálsmáli (28-30-31-33-34-37 lykkjur eftir á hvorri öxl). Hvor öxl er prjónuð til loka hvor fyrir sig. Í næstu umferð frá hálsmáli er felld af 1 lykkja fyrir hálsmáli = 27-29-30-32-33-36 lykkjur. Fellið af þegar stykkið mælist 66-68-70-72-74-76 cm. Prjónið hina öxlina á sama hátt. ERMI: Fitjið upp 44-44-48-48-52-52 lykkjur á sokkaprjóna 4 með 1 þræði í hvorri tegund. Prjónið 1 umferð slétt. Síðan er prjónað stroff hringinn (2 lykkjur slétt, 2 lykkjur brugðið) í 5 cm. Prjónið 1 umferð slétt þar sem fækkað er um 6-4-6-4-6-6 lykkjur jafnt yfir = 38-40-42-44-46-46 lykkjur. Setjið eitt prjónamerki í byrjun á umferð (mitt undir ermi). Látið prjónamerkið fylgja með í stykkinu – prjónamerkið er notað þegar auka á út mitt undir ermi. Skiptið yfir á sokkaprjóna 5 og prjónið sléttprjón hringinn. Þegar ermin mælist 9-10-8-10-8-10 cm, aukið út um 1 lykkju hvoru megin við prjónamerki – sjá ÚTAUKNING. Aukið svona út með 3½-3-3-2½-2-2 cm millibili alls 11-12-13-13-14-15 sinnum = 60-64-68-70-74-76 lykkjur. Þegar ermin mælist 46-46-46-43-42-42 cm, prjónið næstu umferð þannig: Byrjið 2-3-4-4-4-5 lykkjum á undan prjónamerki, fellið af 4-6-8-8-8-10 lykkjur, prjónið sléttprjón út umferðina = 56-58-60-62-66-66 lykkjur. Prjónið síðan ermakúpu þannig: Byrjið frá röngu og prjónið sléttprjón fram og til baka og fellið af lykkjur í byrjun á hverri umferð í hvorri hlið þannig: Fellið af 9-9-10-5-4-4 lykkjur í byrjun á hverri umferð alls 2-2-2-5-6-6 sinnum = 20-22-20-12-18-18 lykkjur. Fellið af. Prjónið hina ermina á sama hátt. FRÁGANGUR: Saumið axlasauma innan við affellingarkantinn. Saumið ermar í innan við 1 kantlykkju meðfram handvegi. Saumið hliðarsauma á báðum vösum. HÆGRI KANTUR AÐ FRAMAN: Kantur að framan er prjónaður neðan frá og upp, þess vegna eru lykkjur prjónaðar upp meðfram hægra framstykki með endann á þræði (með þessu er hægt að prjóna áfram með dokkuna án þess að þurfa að klippa þráðinn frá í lokin) þannig: Hafið endann á þræðinum ca 90-100 cm langan, notið endann á þræðinum til að prjóna lykkjurnar upp með, byrjið neðst á framstykki og prjónið upp 1 lykkju í hverja prjónaða umferð meðfram öllu framstykkinu innan við 1 kantlykkju, notið hringprjón 4,5 og 1 þráð í hvorri tegund. Fitjið upp 16 lykkjur á prjóninn neðst á framstykki (þ.e.a.s. frá röngu). Prjónið kant að framan yfir 16 kantlykkjur að framan og prjónið kant að framan saman með lykkjum sem prjónaðar voru upp meðfram kanti á framstykki þannig: UMFERÐ 1 (rétta): Lyftið yfir fyrstu lykkju á hægri prjón eins og prjóna eigi brugðið með þráðinn framan við stykkið, * prjónið 1 lykkju slétt, lyftið yfir 1 lykkju á hægri prjón eins og prjóna eigi brugðið með þráðinn framan við stykkið *, prjónið frá *-* þar til 1 lykkja er eftir af 16 kantlykkjum að framan, lyftið yfir síðustu lykkjunni á hægri prjón eins og prjóna eigi slétt, með þráðinn aftan við stykkið, prjónið næstu lykkju slétt, steypið lyftu lykkjunni yfir lykkjuna sem var prjónuð slétt, snúið. UMFERÐ 2 (ranga): * Lyftið yfir fyrstu / næstu lykkju á hægri prjón eins og prjóna eigi brugðið með þráðinn framan við stykkið, prjónið 1 lykkju slétt *, prjónið frá *-* yfir allar 16 kantlykkjur að framan, snúið. Endurtakið umferð 1 og 2. Prjónið HNAPPAGAT – sjá útskýringu að ofan. Þegar allar lykkjur af framstykki hafa verið prjónaðar saman með kanti að framan, prjónið yfir 16 kantlykkjur að framan þannig: UMFERÐ 1: * Lyftið yfir fyrstu / næstu lykkju á hægri prjón eins og prjóna eigi brugðið, með þráðinn framan við stykkið, prjónið 1 lykkju slétt *, prjónið frá *-* yfir 16 lykkjur. Endurtakið umferð 1 bæði frá réttu og frá röngu í 6½ cm. Í næstu umferð frá réttu eru allar lykkjur prjónaðar 2 og 2 slétt saman og síðan er fellt af. VINSTRI KANTUR AÐ FRAMAN: Kantur að framan er prjónaður neðan frá og upp. Byrjað er að taka upp lykkjur efst við öxl á framstykki, prjónið upp 1 lykkju í hverja prjónaða umferð meðfram öllu framstykkinu innan við 1 kantlykkju, notið hringprjón 4,5 og 1 þráði í hvorri tegund. Eftir að lykkjur hafa verið teknar upp eru fitjaðar upp 16 lykkjur í lok umferðar. Prjónið nú kant að framan yfir 16 lykkjurnar og prjónið kant að framan saman með lykkjum sem prjónaðar voru upp meðfram kanti á framstykki þannig: UMFERÐ 1 (ranga): Prjónið 1 lykkju slétt, * lyftið yfir 1 lykkju á hægri prjón eins og prjóna eigi brugðið með þráðinn framan við stykkið, prjónið 1 lykkju slétt *, prjónið frá *-* þar til 1 lykkja er eftir af 16 kantlykkjum að framan, lyftið yfir 2 næstu lykkjum á hægri prjón eins og prjóna eigi brugðið saman með þráðinn framan við stykkið, snúið. UMFERÐ 2 (rétta): Prjónið 2 lykkjur slétt saman, * lyftið yfir 1 lykkju á hægri prjón eins og prjóna eigi brugðið með þráðinn framan við stykkið, prjónið 1 lykkju slétt *, prjónið frá *-* þar til 1 lykkja er eftir, lyftið yfir síðustu lykkju á hægri prjón eins og prjóna eigi brugðið með þráðinn framan við stykkið, snúið. Endurtakið umferð 1 og 2. Þegar allar lykkjur frá framstykki hafa verið prjónaðar saman með kanti að framan er prjónað yfir 16 kantlykkjur að framan þannig: UMFERÐ 1: * Prjónið 1 lykkju slétt, lyftið yfir næstu lykkju á hægri prjón eins og prjóna eigi brugðið með þráðinn framan við stykkið *, prjónið frá *-* yfir 16 lykkjur. Endurtakið umferð 1 bæði frá réttu og frá röngu í 6½ cm. Í næstu umferð frá réttu eru allar lykkjur prjónaðar 2 og 2 slétt saman og síðan er fellt af þannig: Lyftið 1 lykkju yfir á hægri prjón eins og prjóna eigi slétt, prjónið 1 lykkju slétt, steypið lyftu lykkjunni yfir, fellið lykkjuna af. FRÁGANGUR: Saumið saman kant að framan mitt að aftan og saumið við kant í hálsmáli á bakstykki. Saumið tölur í vinstri kant að framan. |
||||||||||
Skýringar á teikningu |
||||||||||
|
||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (13)
Paulina wrote:
Har ni något alternativ till Mohair om man inte tål det, som går att kombinera med soft tweed? Eller en annan kombination av olika garngrupper ex?
10.10.2022 - 23:37DROPS Design answered:
Hej Paulina, ja du kan også strikke DROPS Soft Tweed sammen med feks DROPS Alpaca eller DROPS Flora eller en anden kvalitet fra garngruppe A. Prøv vores konverterare. Välj DROPS Kid-Silk, välj antal gram i din storlek, välj 1 tråd :)
11.10.2022 - 15:52Paulina wrote:
Har ni något alternativ till Mohair om man inte tål det, som går att kombinera med soft tweed?
07.10.2022 - 14:41Margaretha wrote:
Autum dream
07.08.2022 - 11:49