Shell Seeker Cardigan |
|||||||||||||||||||||||||||||||
|
|
||||||||||||||||||||||||||||||
Hekluð peysa úr DROPS Belle. Stykkið er heklað neðan frá og upp með gatamynstri og kúlum. Stærð S - XXXL.
DROPS 240-4 |
|||||||||||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- LOFTLYKKJA: Ef þú heklar yst á heklunálinni þá kemur loftlykkjan oft til með að verða of stíf. 1 loftlykkja á að vera álíka löng og breiddin á 1 fastalykkju/stuðull. HEKLLEIÐBEININGAR: Allar umferðir byrja með 1 loftlykkju. Þessi loftlykkja kemur ekki í stað fyrstu lykkju, heldur kemur sem viðbót. MYNSTUR: Sjá mynsturteikningu A.1 til A.9. A.5/A.7 sýnir hvernig A.6 byrjar/endar á fram- og bakstykki í stærð M, L og XXXL. A.4/A.8 sýnir hvernig A.6 byrjar/endar á fram- og bakstykki í stærð S, XL og XXL. A.9 sýnir hálsmál á framstykkjum MÆLING: Öll mál sem vísað er í uppskrift eru tekin þegar stykkinu er haldið uppi. Það er vegna þess að mynstrið teygist þegar flíkin er mátuð. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Fram- og bakstykki er heklað fram og til baka, neðan frá og upp að handvegi. Síðan er bakstykkið og framstykkið heklað fram og til baka hvort fyrir sig að loknu máli. Ermarnar eru heklaðar fram og til baka, neðan frá og upp. Frágangur á stykkinu er útskýrður í uppskrift. Í lokin er heklaður kantur í kringum opið á peysunni og 4 snúrur til að hnýta við miðju að framan. FRAM- OG BAKSTYKKI: Heklið 202-242-242-282-282-322 LOFTLYKKJUR – sjá útskýringu að ofan, með heklunál 4 með DROPS Belle. Heklið 1 fastalykkju í 2. loftlykkju frá heklunálinni, síðan er hekluð 1 fastalykkja í hverja loftlykkju = 201-241-241-281-281-321 fastalykkjur + 1 loftlykkja – sjá HEKLLEIÐBEININGAR. Næsta umferð er hekluð frá réttu þannig: Heklið A.1 yfir fyrstu 11 fastalykkjur, heklið A.2 alls 18-22-22-26-26-30 sinnum, heklið A.3 yfir síðustu 10 fastalykkjur. Haldið svona áfram með mynstur fram og til baka. ATHUGIÐ HEKLFESTUNA! Þegar 2 fyrstu umferðir í (A) í A.1/A.2/A.3 hafa verið heklaðar 1 sinni á hæðina, heklið 4 umferðir í B alls 4 sinnum á hæðina, síðan er 4 umferðir í C heklaðar 1 sinni á hæðina. Þetta mynstur er nú tilbúið og stykkið mælist ca 18 cm frá uppfitjunarkanti. Næsta umferð er hekluð frá réttu þannig: STÆRÐ S, XL og XXL: Heklið A.4 yfir lykkjur í A.1, heklið A.6 alls 2-3-3 sinnum (passið uppá að mynstrið sé heklað rétt miðað við lykkjur í A.2), setjið 1 prjónamerki, heklið A.6 alls 5-7-7 sinnum, setjið 1 prjónamerki, heklið A.6 alls 2-3-3 sinnum (A.6 hefur nú verið heklað alls 9-13-13 sinnum og það er 1 prjónamerki í hvorri hlið á fram- og bakstykki), heklið A.8 yfir lykkjur í A.3. Haldið svona áfram með mynstur fram og til baka. STÆRÐ M, L og XXXL: Heklið A.5, heklið A.6 alls 3-3-4 sinnum (passið uppá að mynstrið sé heklað rétt miðað við lykkjurnar í A.2), setjið 1 prjónamerki, heklið A.6 alls 6-6-8 sinnum, setjið 1 prjónamerki, heklið A.6 alls 3-3-4 sinnum (A.6 hefur nú verið heklað alls 12-12-16 sinnum og það er 1 prjónamerki í hvorri hlið á fram- og bakstykki), heklið A.7 yfir lykkjur. Haldið svona áfram með mynstur fram og til baka. ALLAR STÆRÐIR: Þegar stykkið mælist ca 28-30-30-32-31-33 cm – lestu MÆLING og þú ert í umferð einungis með loftlykkjubogum og fastalykkjum, skiptið stykkinu við bæði prjónamerkin fyrir handveg og hvort stykki er heklað fyrir sig. HÆGRA FRAMSTYKKI: Haldið áfram með mynstur fram og til baka eins og áður, en snúið við handveg þegar 3 loftlykkjubogar eru eftir við prjónamerki (handvegur = 6 loftlykkjubogar) = 12-15-15-18-18-21 loftlykkjubogar (byrjið og endið umferð eins og áður). Þegar stykkið mælist ca 38-40-41-43-44-46 cm, heklið loftlykkjuboga / fastalykkjur fram og til baka eins og áður yfir allar lykkjur, án þess að hekla kúlur. JAFNFRAMT er lykkjum fækkað fyrir handveg mitt að framan þannig: Byrjið frá röngu og heklið eins og áður yfir fyrstu 10-13-12-15-14-17 loftlykkjuboga eins og útskýrt er í A.9 (það eru 2-2-3-3-4-4 loftlykkjubogar eftir mitt að framan), snúið og heklið til baka (A.9 sýnir einungis stærð S, en úrtakan er alveg eins í öllum stærðum, þannig að heklið þann fjölda loftlykkjuboga sem stendur í þinni stærð og fylgið A.9 fyrir úrtöku fyrir hálsmáli). Þ.e.a.s. það er heklað yfir 1 loftlykkjuboga færri í lok annarrar hverrar umferðar við hálsmál alls 3 sinnum eins og útskýrt er í A.9 = 7-10-9-12-11-14 loftlykkjubogar eftir á öxl. Haldið áfram að hekla loftlykkjuboga þar til stykkið mælist 48-50-52-54-56-58 cm – munið eftir MÆLING. Klippið þráðinn og festið. VINSTRA FRAMSTYKKI: Heklið eins og hægra framstykki, nema spegilmynd. Þegar fækka á lykkjum fyrir hálsmáli mitt að framan, byrjið frá réttu og heklið á sama hátt og hægra framstykki (fylgið A.9). BAKSTYKKI: Byrjið mynstrið 3 loftlykkjubogum á eftir prjónamerki í hlið, haldið áfram með A.6 fram og til baka eins og áður yfir næstu 24-30-30-36-36-42 loftlykkjuboga (byrjið og endið mynstrið eins og útskýrt er í A.5/A.7), snúið – það eru 3 loftlykkjubogar eftir við prjónamerki í hinni hliðinni. Þegar stykkið mælist ca 38-40-41-43-44-46 cm – stillið lengdina eftir framstykki, heklið loftlykkjuboga / fastalykkjur fram og til baka eins og áður yfir allar lykkjur, án þess að hekla kúlur. Þegar stykkið mælist ca 45-47-49-51-53-55 cm og næsta umferð er hekluð frá réttu – munið eftir MÆLING, heklið öxl þannig: Heklið fram og til baka eins og áður yfir fyrstu 7-10-9-12-11-14 loftlykkjuboga (byrjið og endið umferð með A.5/A.7 eins og áður). Klippið þráðinn og festið þegar stykkið mælist 48-50-52-54-56-58 cm. Snúið stykkinu, byrjið frá röngu og heklið öxl á sama hátt í hinni hlið á stykkinu (ekki er heklað yfir miðju 10-10-12-12-14-14 loftlykkjubogum = hálsmál). ERMI: Heklið 82-82-82-82-102-102 loftlykkjur með heklunál 4 með DROPS Belle. Heklið 1 fastalykkju í 2. loftlykkju frá heklunálinni, heklið síðan 1 fastalykkju í hverja loftlykkju = 81-81-81-81-101-101 fastalykkjur + 1 loftlykkja. Næsta umferð er hekluð frá réttu þannig: Heklið A.1 yfir fyrstu 11 fastalykkjur, heklið A.2 alls 6-6-6-6-8-8 sinnum, heklið A.3 yfir síðustu 10 fastalykkjur. Haldið svona áfram með mynstur fram og til baka. Þegar 2 fyrstu umferðir í (A) í A.1/A.2/A.3 hafa verið heklaðar 1 sinni á hæðina, heklið 4 umferðir í B alls 2 sinnum á hæðina, síðan er 4 umferðir í C heklaðar 1 sinni á hæðina. Þetta mynstur er nú tilbúið og stykkið mælist ca 11 cm frá uppfitjunarkanti. Næsta umferð er hekluð frá réttu þannig: Heklið A.5, heklið A.6 alls 4-4-4-4-5-5 sinnum (passið uppá að mynstrið sé heklað rétt miðað við lykkjurnar í A.2), heklið A.7 = 24-24-24-24-30-30 loftlykkjubogar. Haldið svona áfram með mynstur fram og til baka. STÆRÐ S, M, XXL og XXXL: Þegar stykkið mælist ca 47-43-41-37 cm, heklið loftlykkjuboga / fastalykkjur fram og til baka yfir allar lykkjur án þess að hekla kúlur. Heklið þar til ermin mælist 52-48-46-42 cm – munið eftir MÆLING. Klippið þráðinn og festið. Heklið hina ermina á sama hátt. STÆRÐ L og XL: Þegar stykkið mælist 14 cm, aukið út um 1 loftlykkjuboga yst í annarri hlið á stykki með því að hekla 1 loftlykkjuboga + 1 fastalykkju aukalega í fyrsta bogann í umferð. Endurtakið útaukningu í síðasta boganum í umferð þegar stykkið mælist ca 28 cm = 26-26 loftlykkjubogar í umferð. Þegar stykkið mælist ca 44-40 cm, heklið loftlykkjuboga / fastalykkjur fram og til baka yfir allar lykkjur án þess að hekla kúlur. Heklið þar til ermin mælist 49-45 cm – munið eftir MÆLING. Klippið þráðinn og festið. Heklið hina ermina á sama hátt. FRÁGANGUR: Leggið framstykkið að bakstykki með röngu á móti röngu og heklið aðra öxlina á framstykki saman með samsvarandi öxl á bakstykki þannig: * 1 fastalykkja um fyrsta / næsta loftlykkjuboga á framstykki, 1 loftlykkja, 1 fastalykkja um fyrsta / næsta loftlykkjuboga á bakstykki, 1 loftlykkja *, heklið frá *-* meðfram allri öxlinni, endið með 1 fastalykkju í síðustu lykkju. Klippið frá og festið. Heklið hina öxlina saman á sama hátt. Heklið ermarnar saman frá neðri kanti þannig: 1 fastalykkja í fyrstu lykkju í annarri hliðinni á ermi, 2 loftlykkjur, 1 fastalykkja í fyrstu lykkju í hinni hliðinni á ermi, * 2 loftlykkjur, hoppið yfir ca 1 cm, 1 fastalykkja í næstu lykkju í annarri hliðinni á ermi, 2 loftlykkjur, hoppið yfir ca 1 cm, 1 fastalykkja í næstu lykkju á hinni hliðinni á ermi *, heklið frá *-* þar til ca 5 cm eru eftir efst á erminni. Klippið þráðinn og festið. Heklið niður ermakúpuna við handveginn alveg eins og ermin var hekluð saman, þ.e.a.s. * 1 fastalykkja um fyrsta / næsta loftlykkjuboga á framstykki / bakstykki, 2 loftlykkjur, 1 fastalykkja um fyrsta / næsta loftlykkjuboga á ermakúpu, 2 loftlykkjur *, heklið frá *-* meðfram allri ermakúpunni / handvegi. Síðan er klaufin hekluð efst á erminni niður við botninn á handvegi alveg eins – sjá teikningu. KANTUR MEÐFRAM OPI Á PEYSU: Byrjið frá réttu neðst í hægra framstykki, heklið 1 fastalykkju í fyrstu lykkju, * 3 loftlykkjur, hoppið yfir ca 1½ cm, 1 fastalykkja um næstu lykkju / loftlykkjubogi *, heklið frá *-* upp meðfram framstykki, í kringum hálsmálið og niður meðfram vinstra framstykki. Klippið þráðinn og festið. SNÚRA: Heklið loftlykkjuröð ca 60 cm. Klippið þráðinn, þræðið í gegnum lykkjuna og hnýtið hnút í hvorn enda á snúrunni. Heklið 3 snúrur til viðbótar á sama hátt. Leggið snúruna saman tvöfalda – þræðið lykkjuna í gegnum ysta loftlykkjubogann mitt framan í hálsmáli, efst í hægra framstykki, þræðið endana í gegnum lykkjuna og herðið að. Festið aðra snúru á sama hátt ca 10 til 12 cm fyrir neðan þessa. Festið 2 snúrur á sama hátt í vinstra framstykki. Notið snúrurnar til að hnýta peysuna saman. |
|||||||||||||||||||||||||||||||
Skýringar á teikningu |
|||||||||||||||||||||||||||||||
|
|||||||||||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (21)
Lisa-Marie wrote:
Name der Tochter von Elvis Presley, die in diesem Jahr verstorben ist.
17.01.2023 - 22:10