Ginger Tea Top |
|
|
|
Prjónuð peysa úr DROPS Flora og DROPS Kid-Silk. Stykkið er prjónað ofan frá og niður með laskalínu, sléttprjóni og stuttum ermum. Stærð S - XXXL.
DROPS 244-15 |
|
------------------------------------------------------- UPPLÝSINGAR FYRIR MYNSTUR: ------------------------------------------------------- LASKALÍNA-1: Aukið út um 1 lykkju á undan/eftir 2 lykkjur sléttprjón í hverri skiptingu á milli framstykkis/bakstykkis og erma. Merkiþráðurinn situr á milli þessa 2 lykkja. Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður þannig: Á UNDAN MERKIÞRÆÐI: Lyftið uppslættinum á hægri prjón eins og prjóna eigi slétt, setjið til baka yfir á vinstri prjón, þ.e.a.s. uppslátturinn er snúinn, prjónið uppsláttinn slétt í fremri lykkjubogann (uppslátturinn snýr til hægri). Það á ekki að myndast gat. Á EFTIR MERKIÞRÆÐI: Prjónið uppsláttinn slétt í aftari lykkjubogann (uppslátturinn snýr til vinstri). Það á ekki að myndast gat. Síðan eru útauknar lykkjur prjónaðar í sléttprjóni. LASKALÍNA-2: Aukið út um 1 lykkju aukalega á undan/eftir merkiþræði á framstykki/bakstykki (ekki á ermum). Laskalína-1 er prjónuð sem viðbót við Laskalína-1. Þetta er gert þannig: Á UNDAN MERKIÞRÆÐI: Prjónið þar til 3 lykkjur eru eftir á undan merkiþræði, notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að aftan og lykkjan er prjónuð slétt í fremri lykkjubogann, svo ekki myndist gat. Á EFTIR MERKIÞRÆÐI: Prjónið 3 lykkjur á eftir merkiþræði (hugsanlega uppsláttur frá útaukningu í sömu umferð er ekki talinn sem lykkja hér), notið vinstri prjón til að taka upp þráðinn á milli 2 lykkja í umferðinni að neðan, þráðurinn er tekinn upp að framan og lykkjan er prjónuð í aftari lykkjubogann, svo ekki myndist gat. ÚRTAKA (á við um miðju undir ermum): Fækkið um 1 lykkju hvoru megin við merkiþráð þannig: Prjónið þar til 3 lykkjur eru eftir á undan merkiþræði, lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð, 2 lykkjur slétt (merkiþráðurinn situr á milli þessa 2 lykkja), 2 lykkjur slétt saman (2 lykkjur færri). GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er prjónað ofan frá og niður. Kantur í hálsmáli er prjónaður í hring á hringprjóna. Prjónuð er upphækkun fram og til baka á hringprjóna, síðan er berustykkið prjónað í hring á hringprjóna. Berustykkið skiptist fyrir fram- og bakstykki og ermar. Fram- og bakstykki er prjónað í hring á hringprjóna niður að klauf, afgangur af fram- og bakstykki er prjónað fram og til baka í 2 stykkjum. Ermar eru prjónaðar í hring á sokkaprjóna eða stuttan hringprjón. KANTUR Í HÁLSMÁLI: Fitjið upp 96-104-104-112-112-120 lykkjur á stuttan hringprjón 4,5 með 1 þræði DROPS Flora og 1 þræði DROPS Kid-Silk. Skiptið yfir á stuttan hringprjón 3,5 og prjónið stroffprjón (2 lykkjur slétt, 2 lykkjur brugðið) í 5 cm. Setjið eitt prjónamerki í byrjun á umferð. BERUSTYKKI: Setjið 4 merkiþræði í stykkið án þess að prjóna (merkiþræðirnir eru settir á milli 2 lykkja) þannig: Teljið 13-13-13-17-17-17 lykkjur og setjið 1. merkiþráð á undan næstu lykkju (ca hálft bakstykki), teljið 24 lykkjur og setjið 2. merkiþráð á undan næstu lykkju (ermi), teljið 24-28-28-32-32-36 lykkjur og setjið 3. merkiþráð á undan næstu lykkju (framstykki), teljið 24 lykkjur og setjið 4. merkiþráð á undan næstu lykkju (ermi), það eru eftir 11-15-15-15-15-19 lykkjur fram að byrjun á umferð (afgangur af bakstykki). Nú á að prjóna upphækkun aftan í hnakka. Klippið þræðina, nú er prjónað áfram á undan 3. merkiþræði. Skiptið yfir á hringprjón 4,5. Byrjið frá réttu – 3 lykkjur á undan 3. merkiþræði. Nú er prjónað fram og til baka þannig: UMFERÐ 1 (rétta): Prjónið sléttar lykkjur þar til 1 lykkja er eftir á undan 3. merkiþræði, sláið 1 sinni uppá prjóninn, prjónið 2 lykkjur slétt (merkiþráður situr á milli þessa lykkja), sláið 1 sinni uppá prjóninn, prjónið sléttar lykkjur þar til 1 lykkja er eftir á undan 4. merkiþræði, sláið 1 sinni uppá prjóninn, prjónið 2 lykkjur slétt (merkiþráður situr á milli þessa lykkja), sláið 1 sinni uppá prjóninn, prjónið sléttar lykkjur þar til 1 lykkja er eftir á undan 1. merkiþræði, sláið 1 sinni uppá prjóninn, prjónið 2 lykkjur slétt (merkiþráður situr á milli þessa lykkja), sláið 1 sinni uppá prjóninn, prjónið sléttar lykkjur þar til 1 lykkja er eftir á undan 2. merkiþræði, sláið 1 sinni uppá prjóninn, prjónið 2 lykkjur slétt (merkiþráður situr á milli þessa lykkja), sláið 1 sinni uppá prjóninn og prjónið 2 lykkjur slétt. Það hafa verið auknar út 8 lykkjur = 104-112-112-120-120-128 lykkjur. Snúið stykkinu. UMFERÐ 2 (ranga): * Prjónið brugðnar lykkjur fram að uppslætti (á undan merkiþræði), prjónið uppsláttinn brugðið í aftari lykkjubogann, prjónið 2 lykkjur brugðið (merkiþráður situr á milli þessa lykkja), lyftið næsta uppslætti af vinstri prjóni og setjið til baka yfir á vinstri prjón, en í gagnstæða átt (stingið inn vinstri prjóni aftan frá þegar uppslátturinn er settur til baka á prjóninn). Prjónið uppsláttinn brugðið í fremri lykkjubogann. Prjónið brugðnar lykkjur fram að næsta merkiþræði *, prjónið frá *-* 2 sinnum til viðbótar. Prjónið brugðnar lykkjur fram að uppslætti (á undan 3. merkiþræði), prjónið uppsláttinn brugðið í aftari lykkjubogann, prjónið 2 lykkjur brugðið (merkiþráður situr á milli þessa lykkja), lyftið næsta uppslætti af vinstri prjóni og setjið til baka yfir á vinstri prjón, en í gagnstæða átt (stingið inn vinstri prjóni aftan frá þegar uppslátturinn er settur til baka á prjóninn). Prjónið uppsláttinn brugðið í fremri lykkjubogann. Prjónið brugðnar lykkjur þar til prjónaðar hafa verið 2 lykkjur fram hjá þar sem fyrri umferð byrjaði. Snúið stykkinu. UMFERÐ 3 (rétta): Prjónið sléttar lykkjur þar til 1 lykkja er eftir á undan 3. merkiþræði, sláið 1 sinni uppá prjóninn, prjónið 2 lykkjur slétt (merkiþráður situr á milli þessa lykkja), sláið 1 sinni uppá prjóninn, prjónið sléttar lykkjur þar til 1 lykkja er eftir á undan 4. merkiþræði, sláið 1 sinni uppá prjóninn, prjónið 2 lykkjur slétt (merkiþráður situr á milli þessa lykkja), sláið 1 sinni uppá prjóninn, prjónið sléttar lykkjur þar til 1 lykkja er eftir á undan 1. merkiþræði, sláið 1 sinni uppá prjóninn, prjónið 2 lykkjur slétt (merkiþráður situr á milli þessa lykkja), sláið 1 sinni uppá prjóninn, prjónið sléttar lykkjur þar til 1 lykkja er eftir á undan 2. merkiþræði, sláið 1 sinni uppá prjóninn, prjónið 2 lykkjur slétt (merkiþráður situr á milli þessa lykkja), sláið 1 sinni uppá prjóninn og prjónið sléttar lykkjur þar til prjónaðar hafa verið 2 lykkjur fram hjá þar sem fyrri umferð byrjaði. Það hafa verið auknar út 8 lykkjur = 112-120-120-128-128-136 lykkjur. Snúið stykkinu. UMFERÐ 4 (ranga): Prjónið á sama hátt og í umferð 2. UMFERÐ 5 (rétta): Prjónið sléttar lykkjur þar til 1 lykkja er eftir á undan 3. merkiþræði, sláið 1 sinni uppá prjóninn, prjónið 2 lykkjur slétt (merkiþráður situr á milli þessa lykkja), sláið 1 sinni uppá prjóninn, prjónið sléttar lykkjur þar til 1 lykkja er eftir á undan 4. merkiþræði, sláið 1 sinni uppá prjóninn, prjónið 2 lykkjur slétt (merkiþráður situr á milli þessa lykkja), sláið 1 sinni uppá prjóninn, prjónið sléttar lykkjur þar til 1 lykkja er eftir á undan 1. merkiþræði, sláið 1 sinni uppá prjóninn, prjónið 2 lykkjur slétt (merkiþráður situr á milli þessa lykkja), sláið 1 sinni uppá prjóninn, prjónið sléttar lykkjur þar til 1 lykkja er eftir á undan 2. merkiþræði, sláið 1 sinni uppá prjóninn, prjónið 2 lykkjur slétt (merkiþráður situr á milli þessa lykkja), sláið 1 sinni uppá prjóninn og prjónið sléttar lykkjur þar til prjónaðar hafa verið 2 lykkjur fram hjá þar sem fyrri umferð byrjaði. Það hafa verið auknar út 8 lykkjur = 120-128-128-136-136-144 lykkjur. Snúið stykkinu. UMFERÐ 6 (ranga): Prjónið á sama hátt og í umferð 2. Upphækkun er lokið, klippið þræðina. LESTU ALLAN KAFLANN ÁÐUR EN ÞÚ PRJÓNAR ÁFRAM. Prjónið hringinn í sléttprjóni, byrjið umferð við prjónamerki í byrjun umferðar og aukið út fyrir laskalínu eins og útskýrt er að neðan. ATHUGIÐ PRJÓNFESTUNA! ATH: Það á að auka út auka lykkjum á framstykki / bakstykki, aukið er út sem viðbót við laskalína-1 til laskalína-2 á framstykki / bakstykki með jöfnu millibili. Lestu LASKALÍNA-1 og LASKALÍNA-2 í útskýringu að ofan og byrjið báðar útaukningar í næstu umferð. Aukið út fyrir laskalína-1 hvoru megin við 4 merkiþræðina í annarri hverri umferð þar til aukið hefur verið út 3-4-7-14-14-12 sinnum til viðbótar (aukið hefur verið út alls 6-7-10-17-17-15 sinnum með útaukningu í upphækkun). JAFNFRAMT er aukið út fyrir LASKALÍNA-2 á framstykki og bakstykki – lesið útskýringu að ofan (laskalína-2 er prjónuð sem viðbót við laskalína-1). Aukið út fyrir laskalína-2 í 6.-8.-8.-6.-4.-4. hverri umferð alls 6-5-6-8-10-11 sinnum. Haldið nú áfram með útaukningu fyrir laskalína-1 í annarri hverri umferð, en í annað hvert skipti sem aukið er út, aukið nú einungis á framstykki/ bakstykki (4 lykkjur fleiri). Þ.e.a.s. aukið út á framstykki/bakstykki í annarri hverri umferð og á ermum í 4. hverri umferð. Aukið svona út 14-16-14-8-10-14 sinnum á framstykki/bakstykki (7-8-7-4-5-7 sinnum á ermum) – munið eftir laskalína-2. Eftir alla útaukningu fyrir laskalína-1 og laskalína-2 eru 252-276-292-328-348-368 lykkjur í umferð. Það hefur verið aukið út alls 13-15-17-21-22-22 sinnum á ermum og alls 26-28-30-33-37-40 sinnum á framstykki/bakstykki (20-23-24-25-27-29 sinnum fyrir laskalína-1 og 6-5-6-8-10-11 sinnum fyrir laskalína-2). Það eru 50-54-58-66-68-68 lykkjur á milli merkiþráða á ermum og 76-84-88-98-106-116 lykkjur á milli merkiþráða á framstykki/bakstykki). Prjónið án útaukningar þar til stykkið mælist ca 20-22-23-24-26-28 cm, mælt eftir stroffi mitt að aftan. Nú skiptis stykkið fyrir fram- og bakstykki og ermar þannig (frá miðju að aftan), prjónið sléttar lykkjur að 1. merkiþræði (tilheyrir bakstykki) = 39-41-43-50-54-57 lykkjur, setjið næstu 50-54-58-66-68-68 lykkjur á þráð án þess að prjóna þær (ermi), fitjið upp 10-10-12-12-14-16 nýjar lykkjur í hlið undir ermi, prjónið sléttar lykkjur að 3. merkiþræði (framstykki) = 76-84-88-98-106-116 lykkjur, setjið næstu 50-54-58-66-68-68 lykkjur á þráð án þess að prjóna þær (ermi), fitjið upp 10-10-12-12-14-16 nýjar lykkjur í hlið undir ermi, prjónið sléttar lykkjur að byrjun á umferð (afgangur á bakstykki). Nú er fram- og bakstykkið og ermar prjónað áfram hvert fyrir sig. FRAM- OG BAKSTYKKI: = 172-188-200-220-240-264 lykkjur. Setjið einn merkiþráð mitt í nýjar lykkjur í hvorri hlið og látið merkiþræðina fylgja með áfram niður stykkið (þeir eru notaðir til að merkja klauf). Byrjið umferð við annan merkiþráðinn og prjónið í hring í sléttprjóni. Þegar stykkið mælist 21-21-22-23-23-23 cm frá skiptingu á að gera klauf í hliðum. Setjið síðustu 86-94-100-110-120-132 lykkjur á þráð og prjónið yfir fyrstu 86-94-100-110-120-132 lykkjur þannig: Prjónið 4 lykkjur í GARÐAPRJÓN – lesið útskýringu að ofan, prjónið sléttprjón jafnframt því sem aukið er út um 12-12-14-12-18-14 lykkjur jafnt yfir næstu 78-86-92-102-112-124 lykkjur (aukið út með uppslætti sem prjónaður er snúinn í næstu umferð) og endið með 4 lykkjur í garðaprjóni = 98-106-114-122-138-146 lykkjur. Skiptið yfir á hringprjón 3,5 og prjónið stroff með byrjun frá röngu þannig: Prjónið 4 kantlykkjur í garðaprjóni, * 2 lykkjur brugðið, 2 lykkjur slétt *, prjónið frá *-* þar til 6 lykkjur eru eftir, 2 lykkjur brugðið og 4 kantlykkjur í garðaprjóni. Haldið áfram fram og til baka með garðaprjóni yfir garðaprjón, sléttar lykkjur yfir sléttar lykkjur og brugðnar lykkjur yfir brugðnar lykkjur þar til stroffið mælist 3 cm og næsta umferð er prjónuð frá réttu. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Setjið til baka lykkjur sem settar voru á þráð á hringprjón 4,5 og prjónið á sama hátt. Stykkið mælist ca 50-52-54-56-58-60 cm frá öxl og niður. ERMI: Setjið 50-54-58-66-68-68 lykkjur af þræði í annarri hlið á sokkaprjóna eða stuttan hringprjón 4,5. Prjónið upp 1 lykkju í hverja af 10-10-12-12-14-16 lykkjum sem fitjaðar voru upp í hlið undir ermi = 60-64-70-78-82-84 lykkjur. Setjið 1 merkiþráð mitt í nýjar lykkjur og látið merkiþráðinn fylgja með í stykkinu (hann er notaður þegar fækka á lykkjum). Prjónið hringinn í sléttprjóni. Þegar stykkið mælist 4 cm frá skiptingu er fækkað um 1 lykkju hvoru megin við merkiþráðinn – lesið ÚRTAKA. Fækkið lykkjum svona með 2-2-2½-1½-1½-1 cm millibili alls 4-4-3-4-3-3 sinnum = 52-56-64-70-76-78 lykkjur. Prjónið þar til ermin mælist 14-12-12-11-10-8 cm frá skiptingu. Prjónið 1 umferð þar sem aukið er út um 4-4-4-6-8-10 lykkjur jafnt yfir = 56-60-68-76-84-88 lykkjur. Skiptið yfir á sokkaprjóna 3,5. Prjónið stroffprjón (2 lykkjur slétt, 2 lykkjur brugðið) í 3 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – passið uppá að affellingin dragi ekki stykkið saman. Ermin mælist 17-15-15-14-13-11 cm frá skiptingu. Prjónið hina ermina á sama hátt. FRÁGANGUR: Festið þræðina og saumið nokkur spor efst í klauf þannig að hún haldist aðeins saman efst í skiptingunni. |
|
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (39)
Jeannine wrote:
High tee
04.08.2023 - 08:44Heidi wrote:
Sand Dune
03.08.2023 - 23:56Edyta wrote:
Cynamonka ( cynamonowy mini sweterek)
03.08.2023 - 22:04Karin wrote:
Sehr feminin.
03.08.2023 - 20:14Andrea Ævarsdóttir wrote:
Fall favorite
03.08.2023 - 19:21Gitte wrote:
Winter warm tee
03.08.2023 - 18:52Jade Kuehnl wrote:
1/2 Sleeve Nutmeg Jumper
03.08.2023 - 16:11E Veiga wrote:
Cocoa Truffle Tee
03.08.2023 - 13:32Linda Van Keulen wrote:
Super leuk shirt met driekwartsmouwen, mijn favoriete shirt voor tussendoor als het niet meer zomerswarm is maar ook nog geen winterkou
03.08.2023 - 13:23