Spring Snowflake |
|||||||||||||
|
|
||||||||||||
Prjónuð peysa úr DROPS Air eða DROPS Paris. Stykkið er prjónað ofan frá og niður með tvöföldum kanti í hálsmáli, laskalínu, gatamynstri og klauf í hliðum. Stærð S - XXXL.
DROPS 249-4 |
|||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 (= ermi) og A.2 (= framstykki og bakstykki). Veldu mynsturteikningu fyrir þína stærð (á við um A.1). Jafnóðum sem lykkjum er aukið út fyrir laskalínu, eru nýjar lykkjur prjónaðar inn í mynstur eins og útskýrt er í A.1 og A.2, þ.e.a.s. lykkjur eru prjónaðar í sléttprjóni þar til nægilega margar lykkjur eru í heilt gatamynstur. Lykkjur sem ekki ganga jafnt upp í mynstri þegar aukið er út, eru prjónaðar í sléttprjóni. ÚTAUKNING (jafnt yfir): Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn, svo ekki myndist gat. LASKALÍNA: Aukið út um 1 lykkju á undan/eftir 1 lykkju sléttprjón í hverri skiptingu á milli framstykkis/bakstykkis og erma (það er 1 merki í hverri af þessum lykkjum = 4 merki. Síðan í mynstri eru þessar 4 lykkjur með merki í kallaðar laskalykkjur). Aukið út um 1 lykkju með því að slá 1 sinni uppá prjóninn, í næstu umferð er uppslátturinn prjónaður slétt – svo það myndist gat. ÚRTAKA (á við um mitt undir ermum): Fækkið um 2 lykkjur í umferð með því að fækka um 1 lykkju hvoru megin við lykkju með merki í þannig: Prjónið þar til 3 lykkjur eru eftir á undan lykkju með merki í, prjónið 2 lykkjur slétt saman, 3 lykkjur slétt (merkið situr í miðju af þessum 3 lykkjum), lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 2 lykkjur færri). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Í mynstrinu hafa verið notaðir stuttir og langir prjónar, byrjið á lengdinni sem passar og skiptið um ef þarf. Stykkið er prjónað ofan frá og niður frá hægri öxl að aftan og allt stykkið er prjónað í hring á hringprjóna. Prjónaður er upp tvöfaldur kantur í hálsmáli áður en berustykkið er prjónað. Þegar berustykkið hefur verið prjónað til loka, skiptist stykkið fyrir fram- og bakstykki og ermar. Fram- og bakstykkið er prjónað til loka niður á við og í hring á hringprjóna, á meðan ermar eru látnar bíða. Fram- og bakstykki skiptist fyrir klauf í hvorri hlið, síðan er framstykkið og bakstykkið prjónað til loka fram og til baka hvort fyrir sig. Ermar eru síðan prjónaðar niður á við í hring á sokkaprjóna / hringprjóna. KANTUR Í HÁLSMÁLI: Fitjið upp 90-94-94-102-106-112 lykkjur á hringprjón 5 með DROPS Air eða DROPS Paris. Skiptið yfir á hringprjón 3,5 (lykkjur eru fitjaðar upp á grófari prjóna til að uppfitjunarkanturinn verði teygjanlegur). Prjónið sléttprjón hringinn í 3 cm. Í næstu umferð er prjónaður kantur í hálsmáli (= uppábrot) þannig: Prjónið (2 lykkjur slétt saman, sláið 1 sinni uppá prjóninn) umferðina hringinn. Síðan er prjónað sléttprjón hringinn þar til kantur í hálsmáli mælist 7 cm frá uppfitjunarkanti. Nú er kanturinn í hálsmáli brotinn inn að röngu, þannig að kanturinn verði tvöfaldur. Síðan er næsta umferð prjónuð í sléttprjóni eins og áður jafnframt því sem 4. hver lykkja í umferð er prjónuð saman með 4. hverri lykkju frá uppfitjunarkanti. Nú hefur myndast tvöfaldur kantur í hálsmáli sem mælist ca 3 cm. Setjið 1 merkiþráð í þessa umferð, berustykkið er nú mælt frá þessum merkiþræði. BERUSTYKKI: Skiptið yfir á hringprjón 5 og prjónið 1 umferð sléttprjón þar sem aukið er út um 6-2-2-14-10-4 lykkjur jafnt yfir – lesið ÚTAUKNING = 96-96-96-116-116-116 lykkjur. Setjið 4 merki í stykkið eins og útskýrt er að neðan. Merkin eru sett í stykkið án þess að prjóna lykkjurnar og merkin eru notuð þegar auka á út fyrir laskalínu. Teljið 15-15-15-17-17-17 lykkjur (= ermi), setjið 1. merki í næstu lykkju, teljið 31-31-31-39-39-39 lykkjur (= framstykki), setjið 2. merki í næstu lykkju, teljið 15-15-15-17-17-17 lykkjur (= ermi), setjið 3. merki í næstu lykkju, teljið 31-31-31-39-39-39 lykkjur (= bakstykki), setjið 4. merki í síðustu lykkju. Nú á að prjóna MYNSTUR jafnframt því sem aukið er út fyrir LASKALÍNA, fyrsta umferð er prjónuð þannig: Aukið út 1 lykkju fyrir LASKALÍNA á eftir 4. merki – lesið útskýringu að ofan, prjónið MYNSTUR A.1 – lesið útskýringu að ofan (= ermi), aukið út 1 lykkju fyrir laskalínu hvoru megin við 1. merki, prjónið A.2A, prjónið A.2B alls 2-2-2-3-3-3 sinnum, prjónið A.2C (= framstykki), aukið út 1 lykkju fyrir laskalínu hvoru megin við 2. merki, prjónið A.1 (= ermi), aukið út 1 lykkju fyrir laskalínu hvoru megin við 3. merki, prjónið A.2A, prjónið A.2B alls 2-2-2-3-3-3 sinnum, prjónið A.2C (= bakstykki), aukið út 1 lykkju fyrir laskalínu á undan 4. merki, prjónið lykkju með 4. merki í sléttprjóni. Haldið svona áfram með mynstur og aukið út fyrir laskalínu hvoru megin við 4 laskalykkur í annarri hverri umferð alls 16-16-18-22-20-12 sinnum (ásamt útaukningu eins og útskýrt er í fyrstu umferð) = 224-224-240-292-276-212 lykkjur. ATHUGIÐ PRJÓNFESTUNA! Haldið síðan áfram með útaukningu þannig: Aukið út fyrir laskalínu í annarri hverri umferð á framstykki og bakstykki, en á ermum er nú einungis aukið út í 4. hverri umferð (= til skiptis 4 og 8 lykkjur fleiri). Endurtakið þessa útaukningu alls 4-8-10-6-8-20 sinnum á framstykki og bakstykki og 2-4-5-3-4-10 sinnum á ermum. Á eftir síðustu útaukningu eru 248-272-300-328-324-332 lykkjur í umferð og stykkið mælist ca 18-22-25-25-25-29 cm frá merkiþræði eftir kant í hálsmáli. Prjónið síðan án þess að auka út þar til stykkið mælist 20-22-25-25-26-29 cm frá merkiþræði. Nú skiptist berustykkið fyrir fram- og bakstykki og ermar. SKIPTING FYRIR FRAM- OG BAKSTYKKI OG ERMAR: Setjið fyrstu 51-55-61-67-65-61 lykkjur á þræði fyrir ermi (= lykkjur á milli 4. og 1. merkis), fitjið upp 7-7-7-7-15-23 nýjar lykkjur á prjóninn (= í hlið undir ermi), prjónið næstu 73-81-89-97-97-105 lykkjur í mynstri eins og áður (= framstykki), setjið næstu 51-55-61-67-65-61 lykkjur á þráð fyrir ermi (= lykkjur á milli 2. og 3. merkis), fitjið upp 7-7-7-7-15-23 nýjar lykkjur á prjóninn (= í hlið undir ermi), prjónið síðustu 73-81-89-97-97-105 lykkjur í mynstri eins og áður (= bakstykki). Fram- og bakstykki og ermar er síðan prjónað hvert fyrir sig. Héðan er nú stykkið mælt! FRAM- OG BAKSTYKKI: = 160-176-192-208-224-256 lykkjur. Setjið 1 merki í hvora hlið á fram- og bakstykki, í miðju 7-7-7-7-15-23 lykkjur sem fitjaðar voru upp undir hvorri ermi. Látið merkin fylgja áfram með í stykkinu, merkin eru notuð þegar stykkinu er skipt upp fyrir klauf í hvorri hlið. Prjónið sléttprjón fram að fyrra merki, umferðin byrjar hér og prjónað er í hring. Haldið áfram með A.2 hringinn yfir allar lykkjur – passið uppá að mynstrið haldi rétt áfram yfir lykkjur frá berustykki. Prjónið þar til stykkið mælist ca 22-22-21-21-22-21 cm frá skiptingunni – stillið af að prjónaðar hafa verið minnst 5 umferðir sléttprjón eftir umferð með gatamynstri. Nú skiptist stykkið fyrir klauf í hvorri hlið við hvort merki, framstykkið og bakstykkið er prjónað til loka hvort fyrir sig. FRAMSTYKKI: = 80-88-96-104-112-128 lykkjur, síðan er prjónað fram og til baka á prjóninn. Í fyrstu umferð (= rétta), byrjar stroff jafnframt því sem aukið er út um 35-37-41-45-47-55 lykkjur jafnt yfir í umferð = 115-125-137-149-159-183 lykkjur, prjónið þannig: Skiptið yfir á hringprjón 3,5, prjónið 1 lykkju GARÐAPRJÓN – lesið útskýringu að ofan, prjónið stroff (= 1 lykkja slétt, 1 lykkja brugðið – munið eftir útaukning), þar til 2 lykkjur eru eftir, endið með 1 lykkju slétt og 1 lykkju í garðaprjóni. Þegar stroffið mælist 8 cm, fellið af með ítalskri affellingu, eða fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca 54-56-58-60-62-64 cm frá öxl. BAKSTYKKI: Prjónið á sama hátt og framstykki. ERMAR: Setjið 51-55-61-67-65-61 lykkjur af þræði í annarri hliðinni á stykki á sokkaprjóna / hringprjóna 5 og prjónið einnig upp 1 lykkju í hverja af 7-7-7-7-15-23 lykkjum sem fitjaðar voru upp undir ermi = 58-62-68-74-80-84 lykkjur. Setjið 1 merki í miðju á 7-7-7-7-15-23 nýjum lykkjum undir ermi. Byrjið umferð við merki og haldið áfram með A.1 hringinn á erminni – passið uppá að mynstrið haldi rétt áfram yfir lykkjur frá berustykki, lykkjur sem ekki ganga jafnt upp í mynstri mitt undir ermi eru prjónaðar í sléttprjóni. Þegar ermin mælist 2 cm frá skiptingunni, fækkið um 2 lykkjur mitt undir ermi – lesið ÚRTAKA. Fækkið lykkjum svona í annarri hverri umferð alls 0-0-0-5-6-7 sinnum, síðan er lykkjum fækkað í hverjum 2 cm alls 4-5-8-5-6-6 sinnum = 50-52-52-54-56-58 lykkjur. Prjónið síðan þar til stykkið mælist ca 39-38-36-36-35-32 cm frá skiptingunni – stillið af að prjónaðar séu nokkrar umferðir sléttprjón eftir umferð með gati. Það eru eftir ca 6-6-6-7-7-7 cm að loka máli. Mátið e.t.v. peysuna og prjónið að óskaðri lengd á undan stroffi. Í næstu umferð byrjar stroffið jafnframt því sem aukið er út um 8-8-10-10-10-10 lykkjur jafnt yfir í umferð = 58-60-62-64-66-68 lykkjur – prjónað er þannig: Skiptið yfir á sokkaprjóna 3,5 og prjónið stroff hringinn (= 1 lykkja slétt, 1 lykkja brugðið). Þegar stroffið mælist 6-6-6-7-7-7 cm, fellið af með ítalskri affellingu eða fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Ermin mælist ca 45-44-42-43-42-39 cm frá skiptingunni. |
|||||||||||||
Skýringar á teikningu |
|||||||||||||
|
|||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (36)
Sabine Chennault wrote:
Spring breeze
21.01.2024 - 19:37Annarita wrote:
Spring Delight
20.01.2024 - 13:27Martine wrote:
Hvitveis
20.01.2024 - 11:49Pia wrote:
❤
20.01.2024 - 04:31Erika wrote:
A touch of wool
19.01.2024 - 17:23Gillian Johnstone wrote:
Pavlova
19.01.2024 - 15:47Rakel wrote:
Double cream
19.01.2024 - 12:34Beate Junker wrote:
Blumig
18.01.2024 - 19:46Feentraum wrote:
Wunderschönes zartes Modell, schmeichelt Vielen.
18.01.2024 - 19:45Fleur wrote:
Sweet honey sweater
18.01.2024 - 18:46