Flamingo Parade |
||||||||||||||||||||||||||||||||||
|
|
|||||||||||||||||||||||||||||||||
Prjónuð peysa með flamingo fuglum úr DROPS Merino Extra Fine. Stykkið er prjónað ofan frá og niður með hringlaga berustykki og norrænu mynstri. Stærð S - XXXL.
DROPS 201-11 |
||||||||||||||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- UPPHÆKKUN (aftan í hnakka): Til þess að peysan verði aðeins hærri aftan í hnakka þegar berustykkið er prjónað, er hægt að prjóna upphækkun eins og útskýrt er að neðan. Hoppið yfir þennan kafla ef ekki er óskað eftir upphækkun. Setjið 1 prjónamerki í byrjun á umferð (mitt að aftan). Byrjið frá réttu með ljós grágrænn og prjónið 15-15-16-16-18-18 lykkjur slétt, snúið, herðið á þræði og prjónið 30-30-32-32-36-36 lykkjur brugðið. Snúið herðið á þræði og prjónið 45-45-48-48-54-54 lykkjur slétt, snúið, herðið á þræði og prjónið 60-60-64-64-72-72 lykkjur brugðið. Snúið, herðið á þræði og prjónið 75-75-80-80-90-90 lykkjur slétt, snúið, herðið á þræði og prjónið brugðið að miðju að aftan. Prjóni síðan BERUSTYKKI eins og útskýrt er í uppskrift. ÚTAUKNING (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 108 lykkjur) og deilið með fjölda útaukninga sem á að gera (t.d. 24) = 4,5. Í þessu dæmi er aukið út með því að slá 1 sinni uppá prjóninn til skiptis á eftir ca 4. og 5. hverja lykkju. Í næstu umferð er uppslátturinn prjónaður snúinn svo ekki myndist gat. MYNSTUR: Sjá mynsturteikningu A.1 og A.2. Veldu mynsturteikningu fyrir þína stærð (á við um A.1) A.1 er prjónað í sléttprjóni. Þar sem það eru löng hopp á milli litaskipta, verður að vefja þráðunum um hvern annan á eftir ca 7. hverja lykkju, svo að það verði ekki langir lausir þræðir á bakhlið. LEIÐBEININGAR: Til að koma í veg fyrir að prjónfestan verði of stíf þegar mynstrið er prjónað er mikilvægt að herða ekki á þráðum á bakhlið á stykki. Skiptið e.t.v. yfir á grófari prjóna þegar mynstrið er prjónað. ÚRTAKA (á við um miðju undir ermi): Byrjið 3 lykkjum á undan prjónamerki, prjónið 2 lykkjur slétt saman, 2 lykkjur slétt (prjónamerki er staðsett mitt á milli þessa 2 lykkja), takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri). AFFELLING: Til að koma í veg fyrir að affelingarkanturinn verði stífur er hægt að fella af með grófari prjónum. Eða að slá 1 sinni uppá prjóninn á eftir ca 8. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Kantur í hálsmáli og berustykki er prjónað í hring á hringprjón, ofan frá og niður. Berustykkið skiptist fyrir fram- og bakstykki og ermar. Fram- og bakstykki heldur áfram í hring á hringprjón, ofan frá og niður. Ermar eru prjónaðar í hring á sokkaprjóna/ stuttan hringprjón, ofan frá og niður. KANTUR Í HÁLSMÁLI: Fitjið upp 108-112-116-120-124-128 lykkjur á stuttan hringprjón 3 með litnum ljós gráblár. Byrjun á umferð = mitt að aftan. Prjónið 1 umferð slétt. Skiptið yfir í litinn ljós grágrænn og prjónið stroff hringinn (= 2 lykkjur slétt, 2 lykkjur brugðið) í ca 2½-3 cm. Skiptið yfir á stuttan hringprjón 4. Prjónið 1 umferð slétt þar sem aukið er út um 24-20-27-23-30-26 lykkjur jafnt yfir – sjá ÚTAUKNING = 132-132-143-143-154-154 lykkjur. Prjónið 1 umferð slétt (uppslátturinn er prjónaður snúinn slétt). Síðan er hægt að prjóna UPPHÆKKUN aftan í hnakka – sjá útskýringu að ofan. Ef ekki er óskað eftir upphækkun, farðu beint áfram í BERUSTYKKI. BERUSTYKKI: Sjá LEIÐBEININGAR og prjónið A.1 hringinn (= 12-12-13-13-14-14 mynstureiningar með 11 lykkjum). ATHUGIÐ PRJÓNFESTUNA! JAFNFRAMT í hverri umferð merktri með ör í A.1 er aukið út þannig – sjá ÚTAUKNING: ÖR-1: Aukið út 33-44-44-44-44-44 lykkjur jafnt yfir = 165-176-187-187-198-198 lykkjur (nú er pláss fyrir 15-16-17-17-18-18 mynstureiningar með 11 lykkjum). ÖR-2: Aukið út 33-33-44-44-44-44 lykkjur jafnt yfir = 198-209-231-231-242-242 lykkjur (nú er pláss fyrir 18-19-21-21-22-22 mynstureiningar með 11 lykkjum). ÖR-3: Aukið út 22-22-22-33-44-44 lykkjur jafnt yfir = 220-231-253-264-286-286 lykkjur (nú er pláss fyrir 20-21-23-24-26-26 mynstureiningar með 11 lykkjum). ÖR-4: Aukið út 22-33-33-33-33-44 lykkjur jafnt yfir = 242-264-286-297-319-330 lykkjur (nú er pláss fyrir 22-24-26-27-29-30 mynstureiningar með 11 lykkjum). ÖR-5: Aukið út 11-11-11-22-33-33 lykkjur jafnt yfir = 253-275-297-319-352-363 lykkjur (nú er pláss fyrir 23-25-27-29-32-33 mynstureiningar með 11 lykkjum). ÖR-6: Aukið út 11-21-23-25-24-29 lykkjur jafnt yfir = 264-296-320-344-376-392 lykkjur (nú er pláss fyrir 33-37-40-43-47-49 mynstureiningar með 8 lykkjum). ÖR-7: Aukið út 12-16-19-22-20-25 lykkjur jafnt yfir = 276-312-339-366-396-417 lykkjur (nú er pláss fyrir 92-104-113-122-132-139 mynstureiningar með 3 lykkjum). Í síðustu umferð í A.1, aukið út 0-0-1-2-2-1 lykkjur jafnt yfir (aukið út í grunnlit) = 276-312-340-368-398-418 lykkjur. Þegar A.1 hefur verið prjónað til loka mælist stykkið ca 23-23-23-27-27-27 cm frá uppfitjunarkanti mitt að framan. Afgangur af stykkinu er prjónaður með litnum ljós gráblár. Prjónið síðan sléttprjón þar til stykkið mælist 23-23-25-27-29-31 cm frá uppfitjunarkanti mitt að framan (þ.e.a.s. ca 0-0-2-0-2-4 cm áfram eftir A.1). Næsta umferð er prjónuð þannig: Prjónið 41-46-50-55-61-65 lykkjur sléttprjón (= ½ bakstykki), setjið næstu 56-64-70-74-76-78 lykkjur á þráð fyrir ermi, fitjið upp 8-8-10-10-12-14 nýjar lykkjur á prjóninn (= í hlið undir ermi), prjónið 82-92-100-110-123-131 lykkjur sléttprjón (= framstykki), setjið næstu 56-64-70-74-76-78 lykkjur á þráð fyrir ermi, fitjið upp 8-8-10-10-12-14 nýjar lykkjur á prjóninn (= í hlið undir ermi) og prjónið þær 41-46-50-55-62-66 lykkjur sem eftir eru í sléttprjóni (= ½ bakstykki). Klippið frá. Prjónið síðan fram- og bakstykki og ermar hvert fyrir sig. HÉÐAN ER NÚ MÆLT! FRAM- OG BAKSTYKKI: = 180-200-220-240-270-290 lykkjur. Setjið 1 prjónamerki mitt í 8-8-10-10-12-14 lykkjur undir ermi í annarri hlið á stykki. Byrjið umferð við prjónamerki og prjónið sléttprjón hringinn. Þegar prjónaðir hafa verið alls 3-3-3-4-4-5 cm með litnum ljós gráblár eftir A.1 á berustykki (þ.e.a.s. á eftir grindverki), byrjar gatamynstur á fram- og bakstykki. Prjónið A.2A hringinn (= 18-20-22-24-27-29 mynstureiningar með 10 lykkjum). A.2A er prjónað alls 3 sinnum á hæðina í öllum stærðum, en síðasta endurtekningin endar eftir umferð merktri með stjörnu í A.2A. Prjónið síðan sléttprjón hringinn þar til stykkið mælist 23-25-25-25-25-25 cm frá skiptingu (eða að óskaðri lengd, nú eru eftir ca 4 cm að loka máli). Í næstu umferð er aukið út um 36-40-44-48-54-58 lykkjur jafnt yfir = 216-240-264-288-324-348 lykkjur. Þetta er gert til að koma í veg fyrir að stroffið dragist saman. Skiptið yfir á hringprjón 3 og prjónið stroff hringinn (= 2 lykkjur slétt, 2 lykkjur brugðið) í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING! Peysan mælist ca 54-56-58-60-62-64 cm frá öxl og niður. ERMI: Setjið 56-64-70-74-76-78 lykkjur af þræði í annarri hlið á stykki á sokkaprjóna 4 og prjónið að auki upp 1 lykkju í hverja og eina af 8-8-10-10-12-14 lykkjum sem fitjaðar voru upp undir ermi = 64-72-80-84-88-92 lykkjur. Setjið 1 prjónamerki mitt í 8-8-10-10-12-14 lykkjur undir ermi. Látið prjónamerki fylgja með í stykkinu, það er notað síðar þegar lykkjum er fækkað mitt undir ermi. Lesið afgang af kafla um ermi áður en prjónað er áfram! Byrjið umferð við prjónamerki og prjónið sléttprjón hringinn (með litnum ljós gráblár). Þegar stykkið mælist 2-2-3-3-3-3 cm frá skiptingu, fækkið um 2 lykkjur mitt undir ermi – sjá ÚRTAKA! Fækkið lykkjum svona með 4-3-2-2-1½-1½ cm millibili alls 10-13-16-17-18-19 sinnum = 44-46-48-50-52-54 lykkjur. JAFNFRAMT þegar prjónaðir hafa verið alls 3-3-3-4-4-5 cm með litnum ljós gráblár eftir A.1 á berustykki (þ.e.a.s. á eftir grindverki), byrjar gatamynstur á ermi. Fyrsta umferðin er prjónuð þannig (reiknað er með að fyrsta úrtakan undir ermi er gerð í S, M og XL og að það séu 62-70-80-82-88-92 lykkjur í umferð þegar gatamynstrið byrjar): Prjónið 0-4-4-0-3-0 lykkjur sléttprjón, prjónið A.2A yfir næstu 60-60-70-80-80-90 lykkjur (= 6-6-7-8-8-9 mynstureiningar með 10 lykkjum), prjónið A.2B (= 2 lykkjur) og endið með 0-4-4-0-3-0 lykkjur sléttprjón. Haldið svona áfram með mynstur, en passið uppá að götin í A.2 séu staðsett beint yfir hvert annað þegar lykkjum er fækkað mitt undir ermi. A.2 er prjónað alls 2 sinnum á hæðina í öllum stærðum, en síðasta endurtekningin endar eftir umferð merktri með stjörnu í A.2A. Prjónið síðan sléttprjón hringinn yfir allar lykkjur þar til stykkið mælist ca 39-39-38-36-35-33 cm frá skiptingu (eða að óskaðri lengd, nú eru eftir 4 cm að loka máli – ATH: Styttra mál í stærri stærðum vegna víðari hálsmáls og lengra berustykkis). Prjónið 1 umferð slétt þar sem aukið er út um 4-2-0-2-0-2 lykkjur jafnt yfir = 48-48-48-52-52-56 lykkjur. Skiptið yfir á sokkaprjón 3. Prjónið stroff hringinn (= 2 lykkjur slétt, 2 lykkjur brugðið) í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING! Ermin mælist ca 43-43-42-40-39-37 cm frá skiptingu. Prjónið hina ermina á sama hátt. |
||||||||||||||||||||||||||||||||||
Skýringar á teikningu |
||||||||||||||||||||||||||||||||||
|
||||||||||||||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (24)
Andrea wrote:
Sorry, denkfehler
21.01.2019 - 11:15Andrea wrote:
Die Flamingos stehen so doch falsch rum, oder?
21.01.2019 - 10:28DROPS Design answered:
Liebe Andrea, der Pullover wird oben nach unten gestrickt, deshalb sind die Flamingos auch von oben nach unten. Wenn der Pullover fertig ist, sind die Flamingo korrekt. Viel Spaß beim stricken!
21.01.2019 - 12:36Melania García Villalon wrote:
Lo llamaría "Pink Spring". Esperando con ganas que saquen este patrón pronto, para adulto y niños por favor!! 😍😍
14.01.2019 - 16:25Isabelle DUFRAISSE wrote:
Ce serait très chouette en taille enfant ou junior
11.01.2019 - 18:37