Spring Lineup |
|||||||||||||||||||||||||
|
|
||||||||||||||||||||||||
Prjónuð peysa úr DROPS Belle. Stykkið er prjónað ofan frá og niður í vinkil með röndum. Stærð S - XXXL.
DROPS 210-14 |
|||||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað í hring): *1 umferð slétt og 1 umferð brugðið*, endurtakið frá *-*. MYNSTUR: Sjá mynsturteikningu A.1. Mynsturteikningar A.2 og A.3 sýna hvernig stykkin eru prjónuð þegar prjónað fram og til baka. ÚTAUKNING (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 104 lykkjur) og deilið lykkjum með fjölda útaukninga sem á að gera (t.d. 8) = 13. Í þessu dæmi er aukið út með því að slá 1 sinni uppá prjóninn á eftir 13. hverja lykkju. Í næstu umferð er uppslátturinn prjónaður snúinn slétt svo ekki myndist gat. ÚTAUKNING-2: Aukið út um 1 lykkju hvoru megin við lykkjur með prjónamerki í (= 8 lykkjur fleiri í umferð): Aukið út þannig: Prjónið fram að lykkju með prjónamerki í, sláið 1 sinni uppá prjóninn, prjónið næstu lykkju slétt, sláið 1 sinni uppá prjóninn. Í næstu umferð er uppslátturinn prjónaður slétt (eða brugðið ef það er brugðin umferð í A.1), það eiga að myndast göt. Prjónið síðan nýjar lykkjur inn í mynstur A.1. ÚRTAKA: Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), lyftið 1 lykkju eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Kantur í hálsmáli og berustykki er prjónað í hring á hringprjóna, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað í hring á hringprjóna, ofan frá og niður. Síðan skiptist stykkið mitt fram/mitt aftan og prjónað er fram og til baka í 2 stykkjum (= hliðar). Kanturinn með garðaprjóni neðst niðri er prjónaður í hring í lokin. Ermar eru prjónaðar í hring á sokkaprjóna/stuttan hringprjón, ofan frá og niður. Síðan skiptist stykkið mitt á ermi og prjónað er fram og til baka í smá tíma (= neðri hlið á ermi). Kanturinn með garðaprjóni neðst niðri er prjónaður í hring í lokin. KANTUR Í HÁLSMÁLI: Fitjið upp 96-100-104-112-116-120 lykkjur á hringprjón 3,5 með litnum ljós beige. Prjónið GARÐAPRJÓN – sjá útskýringu að ofan í 2 cm. Prjónið síðan 1 umferð slétt þar sem aukið er út um 0-0-8-8-8-24 lykkjur jafnt yfir – sjá ÚTAUKNING-1 = 96-100-112-120-124-144 lykkjur. Skiptið yfir á hringprjón 4. Nú eru sett 4 prjónamerki í stykkið. Setjið prjónamerki í stykkið þannig: Setjið eitt prjónamerki í fyrstu lykkju í umferð (= mitt að aftan), hoppið yfir næstu 23-24-27-29-30-35 lykkjur, setjið eitt prjónamerki í næstu lykkju (= mitt á öxl), hoppið yfir næstu 23-24-27-29-30-35 lykkjur, setjið eitt prjónamerki í næstu lykkju (= mitt að framan), hoppið yfir næstu 23-24-27-29-30-35 lykkjur, setjið eitt prjónamerki í næstu lykkju (= mitt á öxl), nú eru 23-24-27-29-30-35 lykkjur á milli síðasta og fyrsta prjónamerki í umferð. BERUSTYKKI: Nú er mynstur prjónað þannig: Prjónið A.1 hringinn í umferð, JAFNFRAMT er aukið út um 1 lykkju hvoru megin við lykkjur með prjónamerki í – sjá ÚTAUKNING-2. Aukið svona út í annarri hverri umferð alls 40-44-48-51-56-59 sinnum = 416-452-496-528-572-616 lykkjur. ATHUGIÐ PRJÓNFESTUNA! Stykkið mælist ca 29-31-34-36-40-42 cm frá eftir kanti í hálsmáli og niður í prjónstefnu (þ.e.a.s. mælt meðfram útaukningu á annarri öxlinni og mitt fram/mitt aftan) og ca 35-37-40-43-48-50 cm meðfram miðjulykkju við hverja af útaukningum. Næsta umferð er prjónuð þannig: Prjónið fyrstu 65-71-76-82-91-99 lykkjur (= hálft bakstykki), setjið næstu 79-85-97-101-105-111 lykkjur á þráð fyrir ermi og fitjið upp 8-8-10-12-12-12 nýjar lykkjur á prjóninn (= í hlið undir ermi), prjónið næstu 129-141-151-163-181-197 lykkjur (= framstykki), setjið næstu 79-85-97-101-105-111 lykkjur á þráð fyrir ermi og fitjið upp 8-8-10-12-12-12 nýjar lykkjur á prjóninn (= í hlið undir ermum), prjónið næstu 64-70-75-81-90-98 lykkjur (= hálft bakstykki). Setjið 1 prjónamerki í miðjulykkju á hvorri öxl og setjið 1 prjónamerki í miðjulykkju á framstykki. Látið prjónamerkin sitja þarna – HÉÐAN ER NÚ MÆLT! FRAM- OG BAKSTYKKI: = 274-298-322-350-386-418 lykkjur. Setjið eitt prjónamerki mitt í nýjar lykkjur sem fitjaðar voru upp undir ermum í hvorri hlið (= 4-4-5-6-6-6 nýjar lykkjur hvoru megin við prjónamerki). Haldið áfram hringinn með mynstur A.1 og aukið út um 1 lykkju hvoru megin við miðjulykkju á framstykki og bakstykki í annarri hverri umferð eins og áður, JAFNFRAMT í fyrstu umferð með útaukningu byrjar úrtaka í hvorri hlið – sjá ÚRTAKA. Fækkið lykkjum svona í annarri hverri umferð (sömu umferð og aukið er út í mitt að framan og mitt að aftan). Haldið svona áfram þar til stykkið mælist ca 13-13-12-11-8-8 cm mitt að framan (mælt frá prjónamerki sem var sett í miðjulykkju) – stillið af að endað sé í umferð án útaukninga og úrtöku og að 3 rendur í sama lit hafa verið prjónaðar til loka á hæðina (þannig að það eru 3 rendur í sama lit sem ekki brotna). Nú eru eftir ca 5 cm í garðaprjóni að loka máli. Klippið frá. Setjið lykkju með prjónamerki í mitt að aftan + lykkjur að framan á undan lykkju með prjónamerki í mitt að framan á 1 þráð (= hálft bakstykki + hálft framstykki), nú á að prjóna yfir þessar lykkjur aðeins síðar. Nú er hálft framstykki og hálft bakstykki á prjóni. HÁLFT FRAMSTYKKI/BAKSTYKKI: Sjá mynsturteikningu A.2 fyrir þennan hluta. Prjónað er með litnum ljós beige til loka. Byrjið frá réttu og fellið af lykkju með prjónamerki í mitt að framan/mitt að aftan. Haldið áfram í sléttprjóni, litur ljós beige og úrtöku hvoru megin við prjónamerki í hliðum – JAFNFRAMT er fækkað um 2 lykkjur í byrjun á hverri umferð. Haldið svona áfram þar til 3 lykkjur eru eftir í umferð, klippið frá, þræðið þráðinn í gegnum þær lykkjur sem eftir eru og festið vel. HÁLFT FRAMSTYKKI/BAKSTYKKI: Setjið lykkjur af þræði á hringprjón 4 og prjónið á sama hátt og hitt hálfa framstykkið/bakstykkið. NEÐRI KANTUR: Byrjið í annarri hliðinni og prjónið upp ca 202-218-236-256-282-306 lykkjur meðfram öllum neðri kantinum á hringprjón 3,5 með litnum ljós beige – prjónið upp innan við úrtöku, þannig að úrtakan verði ekki sýnileg. Prjónið garðaprjón í 5 cm. Fellið af – sjá AFFELLING. ERMI: Setjið 79-85-97-101-105-111 lykkjur af þræði í annarri hlið á stykki á stuttan hringprjón eða sokkaprjóna 4, prjónið að auki upp 1 lykkju í hverja af 8-8-10-12-12-12 lykkjum sem fitjaðar voru upp í hlið undir ermi = 87-93-107-113-117-123 lykkjur. Setjið eitt prjónamerki mitt í nýjar lykkjur sem fitjaðar voru upp (= 4-4-5-6-6-6 nýjar lykkjur hvoru megin við prjónamerki). Látið prjónamerkið fylgja með í stykkinu. Haldið áfram hringinn með A.1 og aukið út hvoru megin við miðjulykkju á efri hlið á ermi í annarri hverri umferð, JAFNFRAMT í fyrstu umferð með útaukningu byrjar úrtaka hvoru megin við prjónamerki mitt undir ermi – munið eftir ÚRTAKA. Fækkið lykkjum svona í hverri umferð 6-10-22-24-24-24 sinnum (= alls 6-10-22-24-24-24 lykkjur færri í þessum umferðum) = 81-83-85-98-93-99 lykkjur. Haldið síðan áfram með úrtöku undir ermi og útaukningu yfir ermi í annarri hverri umferð (þannig að lykkjufjöldinn haldist stöðugur) til loka. Haldið svona áfram þar til stykkið mælist ca 23-21-19-16-11-10 cm frá prjónamerki í miðjulykkju – stillið af að endað sé eftir umferð án útaukninga og úrtöku og að 3 rendur í sama lit hafa verið prjónaðar til loka á hæðina (þannig að 3 rendurnar í sama lit brotna ekki). Nú eru eftir ca 3 cm í garðaprjóni að loka máli. Klippið frá. Nú á að prjóna fram og til baka – sjá mynsturteikningu A.3 fyrir þennan hluta. Byrjið frá réttu og fellið af miðju lykkju mitt á ermi (þ.e.a.s. sú lykkja sem aukið er út hvoru megin við). Haldið áfram í sléttprjóni og úrtöku við prjónamerki mitt undir ermi – JAFNFRAMT eru felldar af 2 lykkjur í byrjun á hverri umferð. Haldið svona áfram þar til 3 lykkjur eru eftir í umferð, klippið frá, þræðið þráðinn í gegnum þær lykkjur sem eftir eru. Prjónið hina ermina á sama hátt. KANTUR Á ERMI: Byrjið mitt undir ermi og prjónið upp ca 59-61-63-65-67-69 lykkjur meðfram öllum neðri kanti á sokkaprjóna 3,5 með litnum ljós beige – prjónið upp innan við úrtöku, þannig að úrtakan verði ekki sýnileg. Prjónið garðaprjón hringinn í 3 cm. Fellið af – munið eftir AFFELLING. Prjónið hinn kant á ermi á sama hátt. |
|||||||||||||||||||||||||
Skýringar á teikningu |
|||||||||||||||||||||||||
|
|||||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (65)
Estela T wrote:
Hermoso. Quiero pronto la explicación
16.01.2020 - 02:02Pierrette wrote:
Très joli. Moderne. Il me plaît beaucoup
13.01.2020 - 20:25Barbro wrote:
Fantastisk design stickad i ett perfekt sommargarn.
21.12.2019 - 14:59Sylvie wrote:
Moderne et frais.ideal pour avantager une carrure trop petite ou des épaules tombantes !
17.12.2019 - 18:12Vicky Williams wrote:
This is lovely! Elegant and also unusual design. Hope it gets through.
10.12.2019 - 15:06