Dragonfly Wings Jacket |
|||||||||||||
|
|
||||||||||||
Prjónuð síð peysa úr DROPS Air. Stykkið er prjónað með gatamynstri, sjalkraga og v-hálsmáli. Stærð S - XXXL.
DROPS 212-27 |
|||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 til A.3. ÚRTAKA-1 (á við um hliðar): Öll úrtaka er gerð í umferð frá réttu. Passið uppá að fækka ekki lykkjum mitt í gatamynstri, þ.e.a.s. ef það er gatamynstur sem er byrjað nákvæmlega þar sem úrtakan á að vera, fækkið fyrst lykkjum þegar gatamynstrið hefur verið prjónað til loka. Prjónið þar til 4 lykkjur eru eftir á undan prjónamerki í hlið, prjónið 2 lykkjur slétt saman, prjónið 4 lykkjur slétt (prjónamerki situr mitt á milli þessa lykkja), lyftið 1 lykkju eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð. ÚRTAKA-2 (á við um v-hálsmál): Öll úrtaka er gerð í umferð frá réttu. Hægra framstykki: Fækkið lykkjum í byrjun á umferð frá réttu: Prjónið 6 kantlykkjur að framan eins og áður, lyftið 1 lykkju eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð slétt. Vinstra framstykki: Fækkið lykkjum í lok umferðar frá réttu: Prjónið þar til 8 lykkjur eru eftir í umferð, 2 lykkjur slétt saman, prjónið 6 kantlykkjur að framan eins og áður. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja). HNAPPAGAT (neðan frá og upp): Öll affelling fyrir hnappagötum er gerð í umferð frá réttu. Fellið af fyrir hnappagötum á hægri kant að framan. 1 HNAPPAGAT = prjónið þriðju og fjórðu lykkju frá kanti slétt saman, sláið síðan 1 sinni uppá prjóninn. Í næstu umferð (ranga) er uppslátturinn prjónaður brugðið = gat. Fellið af fyrir hnappagötum þegar stykkið mælist: S: 5, 14, 23, 31 og 39 cm M: 5, 14, 23, 32 og 41 cm L: 5, 14, 23, 32 og 41 cm XL: 5, 13, 21, 29, 36 og 43 cm XXL: 5, 13, 21, 29, 36 og 43 cm XXXL: 5, 13, 21, 29, 37 og 45 cm ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Fram- og bakstykki er prjónað fram og til baka. Lykkjum er fækkað fyrir v-hálsmáli, þar er fellt af fyrir handveg og framstykkin og bakstykkið er prjónað til loka hvert fyrir sig. Ermar eru prjónaðar fram og til baka. FRAM- OG BAKSTYKKI: Fitjið upp 190-202-218-222-246-262 lykkjur (meðtaldar 6 kantlykkjur að framan í hvorri hlið á stykki) á hringprjón 4,5 með Air. Prjónið 1 umferð brugðið frá röngu. Prjónið síðan stroff þannig: Prjónið 2 lykkjur GARÐAPRJÓN – sjá útskýringu að ofan, * 2 lykkjur slétt, 2 lykkjur brugðið *, prjónið frá *-* þar til 4 lykkjur eru eftir, endið með 2 lykkjur slétt og 2 lykkjur garðaprjón. Þegar stroffið mælist 5 cm, prjónið næstu umferð frá réttu þannig: Prjónið 2 lykkjur garðaprjón, 2 lykkjur slétt, 2 lykkjur garðaprjón (= kantur að framan), prjónið sléttar lykkjur og fækkið 13-11-13-11-13-11 lykkjur jafnt yfir þar til 6 lykkjur eru eftir, endið með 2 lykkjur brugðið, 2 lykkjur slétt og 2 lykkjur garðaprjón yfir kanta að framan = 177-191-205-211-233-251 lykkjur. Skiptið yfir á hringprjón 5,5. Fellið af fyrir HNAPPAGAT á hægra kanti að framan – sjá útskýringu að ofan. Prjónið 1 umferð frá röngu með sléttum lykkjum yfir sléttar lykkjur, brugðnum lykkjum yfir brugðnar lykkjur og garðaprjón yfir garðaprjón. Setjið 1 prjónamerki 47-51-54-56-61-66 lykkjur inn frá hvorri hlið, prjónamerkin merkja hliðar á stykki og það á að nota þau síðar þegar fækka á lykkjum í hvorri hlið (= 83-89-97-99-111-119 lykkjur á bakstykki). Í næstu umferð frá réttu er mynstrið prjónað þannig: Prjónið 2 lykkjur garðaprjón, 2 lykkjur slétt, 2 lykkjur brugðið (= kantur að framan), 0-0-0-3-0-2 lykkjur sléttprjón, A.1 (= 5 lykkjur), prjónið A.2 (= 14 lykkjur) yfir 154-168-182-182-210-224 lykkjur (= 11-12-13-13-15-16 sinnum á breidd), A.3 (= 6 lykkjur), 0-0-0-3-0-2 lykkjur sléttprjón og 2 lykkjur brugðið, 2 lykkjur slétt og 2 lykkjur garðaprjón yfir kant að framan. Haldið svona áfram með mynstur. ATHUGIÐ PRJÓNFESTUNA! LESTU ALLAN KAFLANN ÁÐUR EN ÞÚ PRJÓNAR ÁFRAM! Lykkjum er fækkað í hvorri hlið, lykkjum er fækkað fyrir v-hálsmáli og það eru felldar af lykkjur fyrir handveg þannig: Ef gatamynstrið gengur ekki jafnt upp á breiddina, prjónið þær lykkjur sem eftir eru í sléttprjóni. FÆKKIÐ LYKKJUM Í HLIÐUM ÞANNIG: Þegar stykkið mælist 12 cm, fækkið um 1 lykkju hvoru megin við hvert prjónamerki – sjá ÚRTAKA-1 (= 4 lykkjur færri). Fækkið lykkjum svona með 4½-4½-5-5-5½-5½ cm millibili alls 7 sinnum. FÆKKIÐ LYKKJUM FYRIR V-HÁLSMÁLI ÞANNIG: Þegar stykkið mælist 39-41-41-43-43-45 cm, byrjar úrtaka fyrir v-hálsmáli í næstu umferð frá réttu þannig: Fækkið um 1 lykkju innan við 6 kantlykkjur að framan – sjá ÚRTAKA-2. Fækkið lykkjum svona í 4. hverri umferð alls 6-5-7-7-8-8 sinnum, síðan í annarri hverri umferð alls 8-11-8-9-8-9 sinnum (= alls 14-16-15-16-16-17 lykkjur færri). FÆKKIÐ LYKKJUM FYRIR HANDVEG ÞANNIG: Þegar stykkið mælist 43-44-45-46-47-48 cm, fellið af lykkjur fyrir handveg í næstu umferð frá réttu þannig: Fellið af 3-4-5-5-5-6 lykkjur hvoru megin við prjónamerki (= 6-8-10-10-10-12 lykkjur felldar af fyrir handveg í hvorri hlið). Stykkin eru nú prjónuð til loka hvert fyrir sig (haldið áfram að fækka lykkjum fyrir v-hálsmáli á framstykki). Klippið frá. Látið lykkjur fyrir framstykki hvíla á prjóninum, á meðan prjónað er yfir lykkjur á bakstykki. BAKSTYKKI: = 63-67-73-75-87-93 lykkjurnar. Haldið áfram með gatamynstur eins og áður, en ysta lykkjan í hvorri hlið er prjónuð í garðaprjóni. Prjónið einungis gatamynstur sem gengur jafnt upp á breiddina, þær lykkjur sem eftir eru, eru prjónaðar í sléttprjóni. Þegar stykkið mælist 54-56-58-60-62-64 cm frá uppfitjunarkanti, fellið af miðju 25-27-27-27-29-29 lykkjur í næstu umferð frá réttu (= 19-20-23-24-29-32 lykkjur á hvorri öxl). Ef gatamynstur er byrjað er það prjónað til loka á hæðina, en ekki eru prjónaðar fleiri mynstureiningar á hæðina – lykkjurnar eru síðan prjónaðar í sléttprjóni og 1 kantlykkju í garðaprjóni í hvorri hlið á stykki. Axlirnar eru nú prjónaðar til loka hvor fyrir sig. Fellið af lykkjur fyrir hálsmáli í hverri umferð frá hálsmáli þannig: Fellið af 1 lykkju 2 sinnum = 17-18-21-22-27-30 lykkjur. Fellið af þegar stykkið mælist 60-62-64-66-68-70 cm frá uppfitjunarkanti. Prjónið hina öxlina á sama hátt. VINSTRA FRAMSTYKKI: Haldið áfram að fækka lykkjum fyrir v-hálsmáli á framstykki, eins og útskýrt er að ofan. Þegar stykkið mælist 54-56-58-60-62-64 cm frá uppfitjunarkanti, prjónið gatamynstur sem e.t.v. eru byrjuð á hæðina til loka, en ekki prjóna fleiri mynstureiningar á hæðina – lykkjurnar eru síðan prjónaðar í sléttprjóni og 1 kantlykkju í garðaprjóni í hvorri hlið á stykki. Þegar öll úrtaka fyrir v-hálsmáli hefur verið gerð til loka, eru 23-24-27-28-33-36 lykkjur eftir í umferð. Þegar stykkið mælist 60-62-64-66-68-70 cm frá uppfitjunarkanti, fellið af fyrstu 17-18-21-22-27-30 lykkjur í næstu umferð frá réttu = 6 lykkjur eftir fyrir sjalkraga. Haldið áfram með mynstur eins og áður yfir 6 lykkjur þar til sjalkraginn mælist ca 6-7-7-7-9-9 cm. Fellið af með sléttum lykkjum yfir sléttar lykkjur, garðaprjón yfir garðaprjón og brugðnum lykkjum yfir brugðnar lykkjur. HÆGRA FRAMSTYKKI: Prjónið eins og vinstra framstykki þar til stykkið mælist 60-62-64-66-68-70 cm frá uppfitunarkanti. Í næstu umferð frá réttu er mynstrið prjónað yfir fyrstu 6 lykkjur eins og áður, fellið af þær 17-18-21-22-27-30 lykkjur sem eftir eru. Klippið frá. Haldið áfram með mynstur yfir 6 lykkjur fyrir sjalkraga í ca 6-7-7-7-9-9 cm, stillið af við vinstra framstykki. Fellið af með sléttum lykkjum yfir sléttar lykkjur, garðaprjón yfir garðaprjón og brugðnum lykkjum yfir brugðnar lykkjur. ERMI: Fitjið upp 62-66-66-66-70-70 lykkjur (meðtalin 1 kantlykkja í hvorri hlið) á hringprjón 4,5 með Air. Prjónið 1 umferð brugðið frá röngu. Prjónið síðan frá réttu þannig: Prjónið 1 kantlykkju garðaprjón, 1 lykkja slétt * 2 lykkjur brugðið, 2 lykkjur slétt *, prjónið frá *-* þar til 4 lykkjur eru eftir, 2 lykkjur brugðið, 1 lykkja slétt og 1 kantlykkja garðaprjón. Þegar stroffið mælist 5 cm, prjónið 1 umferð slétt frá réttu þar sem fækkað er um 4-6-6-4-6-6 lykkjur jafnt yfir = 58-60-60-62-64-64 lykkjur. Skiptið yfir á hringprjón 5,5. Prjónið nú mynstur þannig: Prjónið 1 kantlykkju garðaprjón, 0-1-1-2-3-3 lykkjur sléttprjón, A.2 alls 4 sinnum á breidd, 0-1-1-2-3-3 lykkjur sléttprjón og 1 kantlykkja garðaprjón. Endurtakið mynstur á hæðina. Þegar ermin mælist 16 cm, aukið út 0-0-1-1-1-1 lykkjur í hvorri hlið á stykki innan við 1 kantlykkju (= 0-0-2-2-2-2 lykkjur fleiri). Aukið svona út með 6 cm millibili alls 0-0-1-2-3-4 sinnum = 58-60-62-66-70-72 lykkjur. Útauknar lykkjur eru prjónaðar í sléttprjóni. Þegar ermin mælist 47-46-45-44-43-41 cm frá uppfitjunarkanti, setjið 1 prjónamerki innan við 1 kantlykkju í byrjun ánæstu umferð – prjónamerki merkir hvar botninn á handveg byrjar. Nú eru ekki prjónuð fleiri gatamynstur, þau sem eru e.t.v. byrjuð eru prjónuð til loka. Prjónið síðan sléttprjón með 1 kantlykkju garðaprjón í hvorri hlið. Fellið af þegar ermin mælist alls 49-49-48-47-46-45 cm – sjá AFFELLING! Prjónið hina ermina á sama hátt. FRÁGANGUR: Saumið axlasauma innan við affellingarkantinn. Saumið sjalkragann saman mitt að aftan með lykkjuspori og saumið við hálsmál aftan í hnakka – saumurinn á að snúa inn að röngu. Saumið saman ermasauma, en skiljið eftir smá op 3-3-3-3-4-4 cm efst á ermi (þ.e.a.s. að prjónamerki á ermi). Saumið opið saman efst á ermi við botn á handveg og saumið síðan ermina við fram- og bakstykki. Saumið tölur í vinstri kant að framan. |
|||||||||||||
Skýringar á teikningu |
|||||||||||||
|
|||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (28)
Katrine Klitgaard wrote:
Hej! Kan denne strikkes i er andet garn end AIR? Jeg ville gerne strikke den i fx. Mohair eller en anden type uld. Det så ud som om at den Big Mohair havde samme strikkefasthed. Jeg har tidligere været lidt uheldig med aplacca faen og er lidt kureret for at prøve mig på det igen lige med det første. Vh. Katrine
29.05.2020 - 10:19DROPS Design answered:
Hej Katrine, Ja du kan prøve at bruge vores garnomregner, så ser du hvilke kvaliteter der kommer op som alternativ til DROPS Air. God fornøjelse!
29.05.2020 - 14:59Steffi wrote:
This is a random question I know but I've been asking myself that for a while now. On the overview page for patterns this one shows "needles" (for knitting) and a "diamond" - others show a "clock". What is that supposed to mean?? I couldn't find an explanation anywhere. Quick knit, long knit? Diamond?? Sorry for that random question on here and thanks for a reply! Love your yarn and patterns!
25.05.2020 - 11:41DROPS Design answered:
Dear Steffi, the "diamond" means the pattern is shown as a thumbmail in our home page - the clock is for the lattest patterns added online. Happy knitting!
25.05.2020 - 13:14Gitte wrote:
Hvornår mon opskriften kommer ??? Min første prioritet 🤞🏼🤞🏼
19.05.2020 - 11:09Maria Selvarolo wrote:
Quando metterete le spiegazioni per realizzare questo modello? Grazie!
17.04.2020 - 00:08Helena wrote:
Mooi, romantisch vest. Ik wil dit vest heel graag maken.
08.03.2020 - 18:24Doris Sandgren wrote:
Det mönstret vill jag ha så snygg, kofta.
15.01.2020 - 16:54Hélène wrote:
Très jolie veste gilet, distinguée et romantique,
21.12.2019 - 11:23Elena wrote:
Superbe modèle !
11.12.2019 - 01:29