Tundra Twilight |
|||||||
|
|
||||||
Prjónuð peysa úr 3 þráðum DROPS Alpaca og 3 þráðum DROPS Kid-Silk. Stykkið er prjónað ofan frá og niður í klukkuprjóni og hringlaga berustykki. Stærð S - XXXL.
DROPS 218-8 |
|||||||
------------------------------------------------------- UPPLÝSINGAR FYRIR MYNSTUR: ------------------------------------------------------- ÚTAUKNING (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 36 lykkjur) og deilið lykkjum með fjölda útaukninga sem á að gera (t.d. 18) = 2. Í þessu dæmi er aukið út með því að slá 1 sinni uppá prjóninn á eftir aðra hverja lykkju (herðið aðeins á uppslættinum til að koma í veg fyrir stór göt). Í næstu umferð er uppslátturinn prjónaður snúinn, svo ekki myndist gat. KLUKKUPRJÓN MEÐ UPPSLÆTTI (prjónað í hring): UMFERÐ 1: * Prjónið 1 lykkju slétt, sláið 1 sinni uppá prjóninn, lyftið 1 lykkju af prjóni eins og prjóna eigi brugðið *, prjónið frá *-* út umferðina. UMFERÐ 2: * Sláið 1 sinni uppá prjóninn, lyftu 1 lykkju eins og prjóna eigi brugðið, prjónið uppsláttinn og lyftu lykkjuna brugðið saman *, prjónið frá *-* út umferðina. UMFREÐ 3: * Prjónið uppsláttinn og lyftu lykkjuna slétt saman, sláið 1 sinni uppá prjóninn, lyftið 1 lykkju eins og prjóna eigi brugðið *, prjónið frá *-* út umferðina. Endurtakið umferð 2 og 3. MYNSTUR: Sjá mynsturteikningu A.1. ÚRTAKA (á við um mitt undir ermum): Öll úrtaka er gerð í umferð í klukkuprjóni þar sem uppslátturinn og slétta lykkjan er prjónað saman (stillið af að lykkjum er fækkað í einingum í klukkuprjóni). FÆKKIÐ UM 2 LYKKJUR TIL HÆGRI ÞANNIG (þ.e.a.s. byrjið 3 lykkjum + 2 uppsláttum á undan brugðinni lykkju með prjónamerki í): Lyftið yfir fyrstu lykkju slétt og uppslætti á hægri prjón eins og prjóna eigi slétt saman, prjónið 1 lykkju brugðið, steypið lyftu lykkjunni og uppslættinum yfir brugðnu lykkjuna, lyftið til baka lykkju á vinstri prjóni, lyftið lykkjunni og uppslættinum yfir lykkjuna sem sett var til baka á vinstri prjón, lyftið að lokum yfir lykkju sem eftir er á hægri prjóni (= 2 lykkjur færri). FÆKKIÐ UM 2 LYKKJUR TIL VINSTRI ÞANNIG (þ.e.a.s. byrjið strax eftir brugðna lykkju með prjónamerki í): Lyftið yfir fyrstu lykkju slétt og uppslátt á hægri prjón eins og prjóna eigi slétt saman, prjónið 2 næstu lykkjur slétt saman (þ.e.a.s. 1 lykkja brugðið + slétt lykkja og uppsláttur), steypið síðan lyftu lykkjunni og uppslætti yfir lykkjurnar sem prjónaðar voru saman (= 2 lykkjur færri). AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Kantur í hálsmáli og berustykki er prjónað í hring á sokkaprjóna/hringprjóna frá hægri öxl að aftan, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað í hring á hringprjóna, ofan frá og niður. Ermar eru prjónaðar í hring á sokkaprjóna, ofan frá og niður. ATH: Allur lykkjufjöldi sem gefinn er upp þegar klukkuprjón er prjónað er án uppsláttar þar sem uppslátturinn er talinn sem 1 lykkja saman með lykkju sem lyft er af prjóni. KANTUR Í HÁLSMÁLI: Fitjið upp36-36-38-40-42-44 lykkjur á sokkaprjóna 9 með 1 þræði af hvoru lit og tegund (= 6 þræðir). Prjónið stroff hringinn (= 1 lykkja slétt, 1 lykkja brugðið) í 3-3-3-4-4-4 cm. Þegar stroffið er tilbúið, prjónið 1 umferð slétt þar sem aukið er út um 18-18-20-20-22-22 lykkjur jafnt yfir – sjá ÚTAUKNING = 54-54-58-60-64-66 lykkjur. Skiptið yfir á sokkaprjóna eða hringprjóna 12. Setjið 1 prjónamerki í byrjun á umferð. Prjónið berustykki eins og útskýrt er að neðan. Berustykkið er nú mælt frá þessu prjónamerki. BERUSTYKKI: Prjónið KLUKKUPRJÓN MEÐ UPPSLÆTTI – sjá útskýringu að ofan. ATHUGIÐ PRJÓNFESTUNA! Þegar stykkið mælist 8-8-9-10-11-12 cm frá prjónamerki eftir kant í hálsmáli, prjónið A.1 hringinn (A.1 = ca 4 cm á hæð). JAFNFRAMT í fyrstu umferð í A.1 er aukið út um 28-28-30-30-32-34 lykkjur jafnt yfir = 82-82-88-90-96-100 lykkjur og í síðustu umferð í A.1 er aukið út um18-22-24-24-28-30 lykkjur jafnt yfir = 100-104-112-114-124-130 lykkjur. Þegar A.1 hefur verið prjónað til loka, prjónið klukkuprjón með uppslætti (byrjið með 1. umferð, endurtakið síðan umferð 2 og 3 eins og áður). Þegar stykkið mælist 20-21-22-24-26-28 cm frá prjónamerki, prjónið A.1 hringinn. JAFNFRAMT í fyrstu umferð er aukið út um 0-6-8-12-16-22 lykkjur jafnt yfir = 100-110-120-126-140-152 lykkjur. Þegar berustykkið mælist 21-23-24-26-28-30 cm frá prjónamerki, skiptist stykkið fyrir fram- og bakstykki og ermar eins og útskýrt er að neðan (ef málin passa, eru eftir nokkrar umferðir í A.1 þegar stykkið skiptist – afgangur af A.1 er prjónaður á fram- og bakstykki og ermum). Nú skiptist stykkið þannig: Setjið fyrstu 21-23-25-27-29-31 lykkjur á þráð fyrir ermi, fitjið upp 5-5-5-7-7-7 nýjar lykkjur á prjóninn (= í hlið undir ermi), prjónið A.1 yfir næstu 29-32-35-36-41-45 lykkjur (= framstykki), setjið næstu 21-23-25-27-29-31 lykkjur á þráð fyrir ermi, fitjið upp 5-5-5-7-7-7 nýjar lykkjur á prjóninn (= í hlið undir ermi) og prjónið A.1 eins og áður yfir 29-32-35-36-41-45 lykkjur sem eftir eru (= bakstykki). Klippið frá. Fram- og bakstykki og ermar er síðan prjónað hvert fyrir sig. FRAM- OG BAKSTYKKI: = 68-74-80-86-96-104 lykkjur. Byrjið umferð mitt í 5-5-5-7-7-7 lykkjum sem fitjaðar voru upp undir annarri erminni og prjónið A.1 til loka. Prjónið síðan klukkuprjón eins og áður í 9-9-10-10-11-12 cm. Prjónið A.1. Síðan er prjónað klukkuprjón eins og áður í ca 9-10-10-10-11-12 cm – endið með 2. umferð í klukkuprjónsmynstri. Stykkið mælist nú ca 25-25-26-26-28-30 cm frá skiptingu og nú eru eftir ca 6 cm að loka máli. Mátið e.t.v. peysuna og prjónið að óskaðri lengd, en passið uppá að enda með 2. umferð í klukkuprjónsmynstri. Skiptið yfir á hringprjón 9. Prjónið stroff hringinn (= 1 lykkja slétt, 1 lykkja brugðið), en passið uppá að stroffið passi fallega yfir mynstur í klukkuprjóni – í fyrstu umferð með stroffi er uppslátturinn prjónaður frá klukkuprjónslykkjum slétt saman með sléttum lykkjum í stroffi. Haldið áfram með sléttar lykkjur yfir sléttar lykkjur og brugðnum lykkjum yfir brugðnar lykkjur í 6 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING! Peysan mælist ca 56-58-60-62-66-70 cm frá öxl og niður. ERMI: Setjið 21-23-25-27-29-31 lykkjur af þræði í annarri hlið á stykki á sokkaprjóna 12 – prjóni að auki upp 1 lykkju í hverja og eina af 5-5-5-7-7-7 lykkjum sem fitjaðar voru upp undir ermi = 26-28-30-34-36-38 lykkjur. Lesið allan kaflann fyrir ermi áður en byrjað er að prjóna! Setjið 1 prjónamerki í miðju 5-5-5-7-7-7 lykkjur undir ermi. Látið prjónamerkið fylgja með í stykkinu. Prjónamerkið er notað síðar þegar fækka á lykkjum undir ermi. Byrjið umferð eftir lykkju með prjónamerki í (þ.e.a.s. lykkju með prjónamerki í er nú síðasta lykkja í umferð). Prjónið A.1 til loka á sama hátt og á fram- og bakstykki. Prjónið nú klukkuprjón hringinn í 9-9-10-10-11-12 cm. Prjónið síðan A.1 hringinn. Þegar A.1 hefur verið prjónað til loka, prjónið klukkuprjón til loka á undan stroffi neðst á ermi. JAFNFRAMT þegar ermin mælist 3 cm frá skiptingu, fækkið um 2 lykkjur til hægri mitt undir ermi (fækkið 2 lykkjum á undan lykkju með prjónamerki í) – sjá ÚRTAKA = 24-26-28-32-34-36 lykkjur. Þegar ermin mælist 7-7-6-6-5-5 cm frá skiptingu, fækkið um 2 lykkjur til vinstri mitt undir ermi (fækkið um 2 lykkjur á eftir lykkju með prjónamerki í) = 22-24-26-30-32-34 lykkjur. Fækkið lykkjum svona með 6-6-5-5-4-4 cm millibili þar til fækkað hefur verið um 2 lykkjur alls 4-4-5-6-7-8 sinnum mitt undir ermi = 18-20-20-22-22-22 lykkjur eftir. Prjónið klukkuprjón þar til ermin mælist ca 38-37-37-34-32-31 cm frá skiptingu – endið með 2. umferð í klukkuprjóni. Þetta eru ca 6 cm að loka máli, mátið e.t.v. peysuna og prjónið að óskaðri lengd, en passið uppá að endað sé í 2. umferð í klukkuprjónsmynstri. ATH: Það er styttra máli í stærri stærðum vegna víðari hálsmáls og lengra berustykki. Skiptið yfir á sokkaprjóna 9. Prjónið stroff hringinn alveg eins og neðst á fram- og bakstykki. Þegar stroffið mælist 6 cm, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING! Ermin mælist ca 44-43-43-40-38-37 cm frá skiptingu. Prjónið hina ermina á sama hátt. |
|||||||
Skýringar á teikningu |
|||||||
|
|||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (5)
Sanne Jensen wrote:
Det er ikke lykkedes mig at finde Drops Alpaca i farven 8120, lavendel mix - er den udgået? Hvis det er tilfældet, hvilken farve (eller evt. andet garn) kan jeg erstatte den med for at få nogenlunde samme farvespil?
13.07.2022 - 13:32DROPS Design answered:
Hej Sanne. Ja den har dessvärre utgått. Du kan använda t.ex. färg 4434 istället. Mvh DROPS Design
13.07.2022 - 13:42Lena Grøvdal wrote:
Men da burde dere skrevet det i oppskriften. Etter første helpatent så skriver dere strikk A1 , dere skriver ikke at man skal strikke sammen kastene..
04.03.2021 - 08:28Lena Grøvdal wrote:
Hei. Det er noe feil med oppskriften. Dere skriver man skal øke i A1, men når man strikker helpatent så blir det jo økt automatisk. Jeg har jo flere masker i smal str enn det dere skriver....
03.03.2021 - 13:54DROPS Design answered:
Hei Lena, Mens du strikker helpatent skal antall masker bli det samme (ingen økninger). Du lager kast den ene omgangen og strikke dem sammen med rett masken omgangen etter. Så du skal bare øke i A.1 der det står spesifisert i diagrammet. Håper dette hjelper og god fornøyelse!
04.03.2021 - 07:51María Jesús Alonso Abalde Alonso Abalde wrote:
Me parece muy elegante y diferente
07.08.2020 - 20:56Novella wrote:
Bonbon
17.07.2020 - 23:10