Forest Whispers |
||||||||||
|
|
|||||||||
Prjónuð peysa úr DROPS Delight og DROPS Brushed Alpaca Silk. Stykkið er prjónað neðan frá og upp með perluprjóni, sjalkraga, vösum og klauf í hliðum. Stærð S - XXXL.
DROPS 230-45 |
||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1. Mynsturteikning sýnir allar umferðir í mynstri séð frá réttu. ÚRTAKA-1 (jafnt yfir): Til þess að reikna út hvernig fækka eigi lykkjum jafnt í umferð, teljið fjölda lykkja í umferð (t.d. 103 lykkjur), mínus kantlykkjur (t.d. 2 lykkjur) og deilið þeim 101 lykkjum sem eftir eru með fjölda úrtöku sem á að gera (t.d. 37) = 2,7. Í þessu dæmi er lykkjum fækkað með því að prjóna ca aðra hverja og 3. hverja lykkju slétt saman. ÚTAUKNING (á við um mitt undir ermum): Aukið út um 1 lykkju innan við 1 kantlykkju garðaprjón í hvorri hlið með því að slá 1 sinni uppá prjóninn. Í næstu umferð er uppslátturinn prjónaður snúinn, svo ekki myndist gat. Prjónið síðan nýjar lykkjur inn í A.1. LEIÐBEININGAR: Til að mynstrið gangi jafnt upp, prjónið 1 lykkju fleiri á milli vasa og hlið á vinstra framstykki en á hægra framstykki. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4 hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er prjónað fram og til baka í stykkjum, neðan frá og upp og saumað saman í lokin. Ermar eru prjónaðar fram og til baka á hringprjóna. BAKSTYKKI: Fitjið upp 103-109-119-129-141-153 lykkjur (meðtalin 1 kantlykkja í hvorri hlið) á hringprjón 5 með 1 þræði í hvorri tegund (= 2 þræðir). Næsta umferð er prjónuð frá réttu þannig: 1 kantlykkja í GARÐAPRJÓN – sjá útskýringu að ofan, * 1 lykkja slétt, 1 lykkja brugðið *, prjónið frá *-* þar til 2 lykkjur eru eftir í umferð, prjónið 1 lykkju slétt og endið með 1 kantlykkju í garðaprjóni. Haldið svona áfram með stroff í 12 cm. Þegar stroffið hefur verið prjónað til loka, prjónið 1 umferð slétt frá réttu þar sem fækkað er um 37-39-41-45-49-53 lykkjur jafnt yfir – sjá ÚRTAKA, fitjið upp 1 nýja lykkju í lok umferðar (= kantlykkja). Skiptið yfir á hringprjón 7. Snúið og prjónið 1 kantlykkju í garðaprjóni, prjónið brugðnar lykkjur út umferðina og fitjið upp 1 nýja lykkju í lok umferðar (= kantlykkja) = 68-72-80-86-94-102 lykkjur. Prjónið nú mynstur A.1 með 1 kantlykkju í garðaprjóni í hvorri hlið. ATHUGIÐ PRJÓNFESTUNA! Þegar stykkið mælist 50-51-52-53-54-55 cm frá uppfitjunarkanti, fellið af 2-2-4-5-6-8 lykkjur í byrjun á næstu 2 umferðum = 64-68-72-76-82-86 lykkjur. Prjónið A.1 og 1 kantlykkju í garðaprjóni í hvorri hlið. Þegar stykkið mælist 68-70-72-74-76-78 cm, fellið af miðju 10-10-10-12-12-12 lykkjur fyrir hálsmáli og hvor öxl er prjónuð til loka fyrir sig. Fellið síðan af 1 lykkju í næstu umferð frá hálsmáli = 26-28-30-31-34-36 lykkjur fyrir öxl. Þegar stykkið mælist 70-72-74-76-78-80 cm, fellið af – sjá AFFELLING. Prjónið hina öxlina á sama hátt. VASASTYKKI: Fitjið upp 24 lykkjur á hringprjón 7 með 1 þræði í hvorri tegund (= 2 þræðir). Prjónið sléttprjón með 1 kantlykkju í garðaprjóni í hvorri hlið. Þegar vasastykkið mælist 7 cm, prjónið mynstur A.1 og 1 kantlykkju í garðaprjóni í hvorri hlið. Þegar vasastykkið mælist 16 cm, fellið af 1 lykkju í byrjun á næstu 2 umferðum = 22 lykkjur – stillið af að síðasta umferðin sem er prjónuð sé 1. umferð í A.1 (þetta er mikilvægt til að mynstrið gangi jafnt upp þegar vasastykkið er prjónaður við peysuna). Setjið lykkjur á hjálparprjón og geymið stykkið. Prjónið 3 vasastykki alveg eins til viðbótar = 4 vasastykki. HÆGRA FRAMSTYKKI: Fitjið upp 73-77-81-91-97-103 lykkjur (meðtalin 1 kantlykkja í hvorri hlið) á hringprjón 5 með 1 þræði í hvorri tegund (= 2 þræðir). Næsta umferð er prjónuð frá réttu þannig: 1 kantlykkja í garðaprjóni, * 1 lykkja slétt, 1 lykkja brugðið *, prjónið frá *-* þar til 2 lykkjur eru eftir í umferð, prjónið 1 lykkju slétt og endið með 1 kantlykkju í garðaprjóni. Haldið svona áfram með stroff í 12 cm. Þegar stroffið hefur verið prjónað til loka, prjónið 1 umferð slétt frá réttu þar sem fækkað er um 27-29-29-35-37-39 lykkjur jafnt yfir – munið eftir ÚRTAKA, fitjið upp 1 nýja lykkju í lok umferðar (= kantlykkja). Skiptið yfir á hringprjón 7. Snúið og prjónið 1 kantlykkju í garðaprjóni, prjónið brugðnar lykkjur út umferðina = 47-49-53-57-61-65 lykkjur. Prjónið nú mynstur A.1 með 1 kantlykkju í garðaprjóni í hvorri hlið. Þegar stykkið mælist 31 cm – stillið af að næsta umferð sem er prjónuð sé fyrsta umferð í A.1 (þetta er mikilvægt til að mynstrið passi við mynstur á vasastykki), prjónið næstu umferð frá réttu þannig: Prjónið fyrstu 23-25-27-27-29-31 lykkjur, setjið eitt prjónamerki hér, prjónið næstu 22 lykkjur, setjið eitt prjónamerki hér (= 1 prjónamerki hvoru megin við vasaop), prjónið síðustu 2-2-4-8-10-12 lykkjur eins og áður. Snúið og prjónið til baka frá röngu þannig: Prjónið fram að fyrra prjónamerki. Nú eru lykkjur prjónaðar ein og ein frá vasaopi saman með lykkjur eina og eina af vasastykki, jafnframt því sem fellt er af þannig (passið uppá að rangan á vasastykki liggi að röngu að hægra framstykki og að lykkjur séu prjónaðar saman í mynstri A.1): Prjónið fyrstu lykkju á vasastykki saman með fyrstu lykkju á vasaopi, jafnframt því sem fellt er af. Endurtakið þar til allar lykkjur á vasastykki og vasaopi hafa verið prjónaðar saman og felldar af. Prjónið þær lykkjur sem eftir eru í umferð eins og áður. Takið prjónamerkin úr. Snúið og prjónið fram að vasaopi, prjónið frá réttu yfir 22 lykkjur á öðru vasastykki, prjónið út umferðina = 47-49-53-57-61-65 lykkjur. Nú eru 2 vasastykki á hægra framstykki sem síðar eru saumuð saman. Haldið áfram með A.1 og 1 kantlykkju í garðaprjóni í hvorri hlið. Þegar stykkið mælist 50-51-52-53-54-55 cm frá uppfitjunarkanti eru felldar af 2-2-4-5-6-8 lykkjur í byrjun á næstu umferð frá hlið (þ.e.a.s. í næstu umferð frá röngu) = 45-47-49-52-55-57 lykkjur. Prjónið A.1 og 1 kantlykkju í garðaprjóni í hvorri hlið. Þegar stykkið mælist 70-72-74-76-78-80 cm, fellið af fyrstu 26-28-30-31-34-36 lykkjur í næstu umferð frá röngu fyrir öxl, prjónið síðustu 19-19-19-21-21-21 lykkjur í umferð. Prjónið nú kraga þannig: UMFERÐ 1 (= frá réttu): Prjónið mynstur eins og áður yfir fyrstu 11-11-11-13-13-13 lykkjur, prjónið sléttar lykkjur yfir síðustu 8 lykkjurnar. UMFERÐ 2 (= frá röngu): Prjónið sléttar lykkjur yfir fyrstu 8 lykkjur, prjónið mynstur eins og áður yfir síðustu 11-11-11-13-13-13 lykkjur. UMFERÐ 3: Prjónið mynstur eins og áður yfir fyrstu 11-11-11-13-13-13 lykkjur, snúið. UMFERÐ 4: Prjónið mynstur eins og áður yfir 11-11-11-13-13-13 lykkjur. Endurtakið umferð 1 til 4 þar til kraginn mælist 7-7-7-8-8-8 cm þar sem stykkið er styst (þ.e.a.s. á vinstri hlið séð frá réttu = að öxl). Fellið af – munið eftir AFFELLING. VINSTRA FRAMSTYKKI: Fitjið upp 73-77-81-91-97-103 lykkjur (meðtalin 1 kantlykkja í hvorri hlið) á hringprjón 5 með 1 þræði í hvorri tegund (= 2 þræðir). Næsta umferð er prjónuð frá réttu þannig: 1 kantlykkja í garðaprjóni, * 1 lykkja slétt, 1 lykkja brugðið *, prjónið frá *-* þar til 2 lykkjur eru eftir í umferð, prjónið 1 lykkju slétt og endið með 1 kantlykkju í garðaprjóni. Haldið svona áfram með stroff í 12 cm. Þegar stroffið hefur verið prjónað til loka, prjónið 1 umferð slétt frá réttu þar sem fækkað er um 27-29-29-35-37-39 lykkjur jafnt yfir – munið eftir ÚRTAKA, skiptið yfir á hringprjón 7. Snúið og prjónið brugðnar lykkjur út umferðina, fitjið upp 1 nýja lykkju í lok umferðar (= kantlykkja) = 47-49-53-57-61-65 lykkjur. Prjónið nú mynstur A.1 með 1 kantlykkju í garðaprjóni í hvorri hlið. Þegar stykkið mælist 31 cm – stillið af að næsta umferð sem er prjónuð sé fyrsta umferð í A.1 (þetta er mikilvægt til að mynstrið passi við mynstur á vasastykki), prjónið næstu umferð frá réttu þannig: Prjónið fyrstu 3-3-5-9-11-13 lykkjur – sjá LEIÐBEININGAR, setjið eitt prjónamerki hér, prjónið næstu 22 lykkjur, setjið eitt prjónamerki hér (= prjónamerki hvoru megin við vasaop), prjónið síðustu 22-24-26-26-28-29 lykkjur eins og áður. Snúið og prjónið til baka frá röngu þannig: Prjónið fram að fyrra prjónamerki. Nú eru lykkjur prjónaðar ein og ein frá vasaopi saman með lykkjur eina og eina af vasastykki, jafnframt því sem fellt er af þannig (passið uppá að rangan á vasastykki liggi að röngu að vinstra framstykki og að lykkjur séu prjónaðar saman í mynstri A.1): Prjónið fyrstu lykkju á vasastykki saman með fyrstu lykkju á vasaopi, jafnframt því sem fellt er af. Endurtakið þar til allar lykkjur á vasastykki og vasaopi hafa verið prjónaðar saman og felldar af. Prjónið þær lykkjur sem eftir eru í umferð eins og áður. Takið prjónamerkin úr. Snúið og prjónið fram að vasaopi, prjónið frá réttu yfir 22 lykkjur á öðru vasastykki, prjónið út umferðina = 47-49-53-57-61-65 lykkjur. Nú eru 2 vasastykki á hægra framstykki sem síðar eru saumuð saman. Haldið áfram með A.1 og 1 kantlykkju í garðaprjóni í hvorri hlið. Þegar stykkið mælist 50-51-52-53-54-55 cm frá uppfitjunarkanti eru felldar af 2-2-4-5-6-8 lykkjur í byrjun á næstu umferð frá hlið (þ.e.a.s. í næstu umferð frá réttu) = 45-47-49-52-55-57 lykkjur. Prjónið A.1 og 1 kantlykkju í garðaprjóni í hvorri hlið. Þegar stykkið mælist 70-72-74-76-78-80 cm, fellið af fyrstu 26-28-30-31-34-36 lykkjur í næstu umferð frá röngu fyrir öxl, prjónið síðustu 19-19-19-21-21-21 lykkjur í umferð. Prjónið nú kraga þannig: UMFERÐ 1 (= frá réttu): Prjónið mynstur eins og áður yfir fyrstu 11-11-11-13-13-13 lykkjur, prjónið sléttar lykkjur yfir síðustu 8 lykkjurnar. UMFERÐ 2 (= frá röngu): Prjónið sléttar lykkjur yfir fyrstu 8 lykkjur, prjónið mynstur eins og áður yfir síðustu 11-11-11-13-13-13 lykkjur. UMFERÐ 3: Prjónið mynstur eins og áður yfir fyrstu 11-11-11-13-13-13 lykkjur, snúið. UMFERÐ 4: Prjónið mynstur eins og áður yfir 11-11-11-13-13-13 lykkjur. Endurtakið umferð 1 til 4 þar til kraginn mælist 7-7-7-8-8-8 cm þar sem stykkið er styst (þ.e.a.s. á vinstri hlið séð frá réttu = að öxl). Fellið af – munið eftir AFFELLING. ERMI: Fitjið upp 54-58-58-60-60-64 lykkjur (meðtalin 1 kantlykkja í hvorri hlið) á hringprjón 5 með 1 þræði í hvorri tegund (= 2 þræðir). Næsta umferð er prjónuð frá réttu þannig: 1 kantlykkja í garðaprjóni, * 1 lykkja slétt, 1 lykkja brugðið *, prjónið frá *-* þar til 1 lykkja er eftir í umferð og endið með 1 kantlykkju í garðaprjóni. Haldið svona áfram með stroff í 10 cm. Þegar stroffið hefur verið prjónað til loka, prjónið 1 umferð slétt frá réttu þar sem fækkað er um 16-18-18-18-18-20 lykkjur jafnt yfir – munið eftir ÚRTAKA = 38-40-40-42-42-44 lykkjur. Skiptið yfir á hringprjón 7. Prjónið 1 umferð brugðið til baka frá röngu með 1 kantlykkju í garðaprjóni í hvorri hlið. Nú er prjónað mynstur A.1 og 1 kantlykkja í garðaprjóni í hvorri hlið. Þegar ermin mælist 12 cm, aukið út um 1 lykkju innan við 1 kantlykkju í garðaprjóni í hvorri hlið – sjá ÚTAUKNING. Aukið svona út með 4½-4½-3-3-2½-2 cm millibili alls 7-7-9-9-10-11 sinnum = 52-54-58-60-62-66 lykkjur. Prjónið áfram þar til ermin mælist 44-44-42-41-39-37 cm. Setjið 1 prjónamerki í hvora hlið á ermi – prjónamerkin merkja byrjun á botni á handvegi. Prjónið þar til ermin mælist alls 46-46-45-45-43-43 cm. Fellið af – munið eftir AFFELLING. Prjónið hina ermina á sama hátt. FRÁGANGUR: Saumið axlasauma innan við affellingarkantinn – passið uppá að saumurinn sé ekki stífur. Saumið ermasauma saman, en skiljið eftir smá op/klauf ca 2-2-3-4-4-6 cm efst á ermi. Saumið klaufina efst á ermi við botninn á handvegi og saumið síðan ermina við fram- og bakstykki – sjá teikningu. Saumið hliðarsaum innan við 1 kantlykkju í garðaprjóni að stroffi (= 12 cm klauf í hvorri hlið). Endurtakið í hinni hliðinni. Saumið kragann saman mitt að aftan og saumið síðan kragann við kant í hálsmáli. Leggið vasastykkin að hvoru öðru og saumið í kringum allan kantinn. |
||||||||||
Skýringar á teikningu |
||||||||||
|
||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (32)
Heike Radacher wrote:
Kann es stimmen dass man nach dem Bündchen im Rückenteil 37 Maschen abnehmen soll?
18.04.2024 - 19:29DROPS Design answered:
Liebe Frau Radacher, ja genau, für die gleiche Breite braucht man mehr Maschen für Bündchen mit den kleineren Nadeln als für das Muster mit den grösseren Nadeln, deshalb muss man abnehmen. Viel Spaß beim Stricken!
19.04.2024 - 08:36Agnieszka wrote:
Cześć. Mam pytanie. Jak zrobić tył swetra, żeby pasy kolorów były takie jak z przodu swetra. Bo rozumiem że dwie części przodu i oba rękawy zacząć nowym motkiem wełny Drops Delight. Proszę o podpowiedź. Pozdrawiam serdecznie Agnieszka
01.02.2024 - 10:33DROPS Design answered:
Witaj Agnieszko, kiedy rzędy są krótsze, jak tu na przodach, pasy będą szersze. Jak zaczniesz robić tył, pasy będą węższe. Aby miały taką samą szerokość jak te na przodach, musisz posiłkować się nowym motkiem włóczki Delight. Pozdrawiamy!
03.02.2024 - 08:08Anke Hoffmann wrote:
Wieviel Wolle benötige ich für die Jacke in Größe M?
27.01.2024 - 18:47Anke Hoffmann wrote:
Wieviel Wolle benötige ich für die Größe M?
27.01.2024 - 18:46DROPS Design answered:
Liebe Frau Hoffmann, die Garnmenge für jede Größe finden Sie im Kopfteil oben, das Gewicht durch 50 g (Delight) / 25 g (Brushed Alpaca Silk) teilen, um die Knäuelanzahl zu finden. Viel Spaß beim stricken!
29.01.2024 - 11:55Jessica Teunissen wrote:
Ik vind de kleur garen bij dit patroon erg mooi, maar helaas niet meer te bestellen. Ik zoek me suf naar een mooi alternatief, maar vind niets dat de kleuren op vergelijkbare afstand heeft en niet dichter op elkaar. Heeft u misschien een tip?
28.12.2023 - 21:50DROPS Design answered:
Dag Jessica,
Kleurkeuze is heel persoonlijk en daarom lastig om te adviseren. Wat je zou kunnen doen is langs gaan bij een wolwinkel om daar de kleuren te vergelijken. Of je bestelt extra garen en de kleuren die je niet mooi vindt stuur je terug (controleer de voorwaarden voor retourneren bij de betreffende webwinkel).
30.12.2023 - 17:53Kari Ingebrigtsen wrote:
Det står ikke noe om når man skal strikke striper. Er det striper på bakstykket også?
20.12.2023 - 15:05DROPS Design answered:
Hej Kari. DROPS Delight är ett flerfärgat print-garn så striperna kommer naturligt när man stickar. Mvh DROPS Design
21.12.2023 - 13:32Kari Ingebrigtsen wrote:
Strikkes hele Forrest Whispers med dobbel tråd, eller bare vrangborden?
18.12.2023 - 10:17DROPS Design answered:
Hei Kari. Hele jakken :) mvh DROPS Design
18.12.2023 - 11:10Leentje De Feyter wrote:
Wat wordt er bedoeld met bv brei 13 steken zoals ze voorkomen,( en brei de laatste 8 steken )\r\nEerste deel begrijp ik maar en brei de laatste 8 steken wat of hoe moet ik dat ?
09.12.2023 - 13:15DROPS Design answered:
Dag Leentje,
Als het goed is heb je dan nog 8 steken op de linker naald die je moet breien. De steken die je voor die 8 steken breit, brei je op dezelfde manier als je dat deed in de naalden daarvoor.
10.12.2023 - 16:19Francine wrote:
Je veux remplacer la Alpaca Silk (25 gr. / 280 mètres) par la Big mérino 50 gr. / 75 mètres) pour la grandeur Large. Combien dois-je en commander? Merci à l’avance!
01.04.2023 - 21:30DROPS Design answered:
Bonjour Francine, utilisez notre convertisseur pour calculer la quantité dans la nouvelle laine - notez bien que la texture sera alors différente, pensez toujours bien à tricoter votre échantillon et n'hésitez pas à demander conseil à votre magasin, on pourra alors vous aider, même par mail ou téléphone. Bon tricot!
11.04.2023 - 10:19Ida Gorm Hansen wrote:
Hej. Der står at lommerne skal strikkes ens. Når første lomme strikkes på, passer det med mønstret, men når 2. lommepose strikkes på, passer mønstret ikke mere, for der er jo strikket en vrang pind. Er der noget jeg har misforstået?
13.12.2022 - 13:41