DROPS Melody uni colour 71% Alpakka, 25% Ull, 4% Polyamide |
1364.00 kr /50g |
Panta |
Þegar smellt er á PANTA hnappinn þá verður þér vísað á heimasíðu Handverkskúnst
Þegar smellt er á PANTA hnappinn þá verður þér vísað á heimasíðu Handverkskúnst
Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!
-------------------------------------------------------
Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér
-------------------------------------------------------
DROPS Melody uni colour 71% Alpakka, 25% Ull, 4% Polyamide 1364.00 kr /50g Panta |
Þegar smellt er á PANTA hnappinn þá verður þér vísað á heimasíðu Handverkskúnst
Þegar smellt er á PANTA hnappinn þá verður þér vísað á heimasíðu Handverkskúnst
Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!
= slétt frá réttu með natur | |
= slétt frá röngu með natur | |
= slétt frá réttu með sægrænn | |
= slétt frá röngu með sægrænn |
Hvert mynstur okkar hefur sérstök kennslumyndbönd til að hjálpa þér.
Þessi skref - fyrir - skref kennslumyndbönd gætu aðstoðað þig:
Af hverju er prjón-/heklfesta svo mikilvæg?
Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.
Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.
Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.
Sjá DROPS kennsla: Hvernig á að mæla prjónfestu
Sjá DROPS myndband: Hvernig á að kanna prjónfestu /gera prufu
Hvernig veit ég hversu margar dokkur ég þarf af garni?
Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.
Get ég notað annað garn en sem stendur í mynstri?
Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.
Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.
Sjá DROPS kennsla: Get ég notað annað garn en það sem gefið er upp í mynstri?
Hvað er garnflokkur?
Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.
Smelltu hér til að fá yfirlit yfir garn í hverjum garnflokki
Hvernig nota ég garnreiknivélina?
Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).
Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.
Af hverju gefið þið upp garn sem hætt er í framleiðslu í mynstrunum?
Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.
Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.
Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.
Hvaða stærð á ég að prjóna?
Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.
Þú finnur stærðartöfluna neðst á mynstrinu.
Af hverju fæ ég aðra prjónfestu með uppgefinni prjónastærð?
Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.
Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.
Sjá DROPS Kennsla: Hvernig á að mæla prjónfestu
Sjá DROPS myndband: Hvernig á að kanna prjónfestu / gera prufu
Af hverju er mynstrið unnið frá toppi og niður?
Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.
Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.
Hvernig á að prjóna samkvæmt mynsturteikningu?
Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.
Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.
Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.
Sjá DROPS Kennsla: Hvernig á að lesa prjón mynsturteikningu
Hvernig á að hekla samkvæmt mynsturteikningu?
Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..
Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.
Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.
Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.
Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.
Sjá DROPS Kennsla: Hvernig á að lesa hekl mynsturteikningu
Hvernig á að lesa nokkrar mynsturteikningar samtímis í sömu umferð/hring
Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.
Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.
Sjá DROPS Kennsla: Hvernig á að lesa prjón mynsturteikningu
Sjá DROPS Kennsla: Hvernig á að lesa hekl mynsturteikningu
Af hverju eru ermar styttri í stærri stærðum?
Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.
Hvar á flíkinni er lengdin mæld?
Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.
Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.
Sjá DROPS Kennsla: Hvernig á að lesa úr stærðarteikningu
Hvað er endurtekning?
Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.
Af hverju byrjar stykkið á fleiri loftlykkjum en sem unnið er með?
Af hverju er aukið út á undan stroff kanti þegar stykkið er unnið ofan frá og niður?
Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.
Af hverju er slegið uppá prjóninn ásamt því að fella af?
Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.
Sjá DROPS myndband: Hvernig á að fella af með uppslætti
Hvernig á að auka út/fella af í 3. og 4. hverri umferð?
Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.
Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð
Hvernig get ég gert peysu í hring í stað fram- og til baka?
Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.
Sjá DROPS kennslumyndband: Hvernig á að klippa upp fyrir handveg
Get ég prjónað peysu fram og til baka í stað þess að prjóna í hring?
Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.
Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?
Af hverju er mynstrið aðeins öðruvísi en sem ég sé á myndinni?
Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.
Vertu bara viss um að fylgja vel leiðbeiningunum og skýringum á mynsturteikningu fyrir þína stærð!
Hvernig breyti ég kvenmanns stærð á peysu yfir í karlmanns stærð?
Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.
Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.
Hvernig er hægt að koma í veg fyrir að trefjar losni frá loðnum flíkum?
Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.
Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:
1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.
2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.
3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.
4. Þvoðu flíkina samkvæmt leiðbeiningum á leiðbeiningar miða á garninu.
Af hverju hnökrar flíkin mín?
Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.
Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.
Driftwood |
|||||||||||||
|
|
||||||||||||
Prjónuð peysa í garðaprjóni með röndum og hettu úr DROPS Melody. Stærð S - XXXL.
DROPS 175-2 |
|||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar prjónast slétt í öllum umferðum. RENDUR: Sjá mynsturteikningu A.1. Mynsturteikning sýnir allar umferðir í mynstri séð frá réttu. Veljið mynsturteikningu fyrir rétta stærð. MÁL: Öll mál eru gerð þegar stykkinu er haldið uppi, annars kemur peysan til með að verða of löng þegar hún er mátuð miðað við mál í mynsturteikningu. Þetta er mikilvægt þar sem áferðin gerir það að flíkin teygist á lengdina. ÚRTAKA: Fækkið lykkjun innan við 3 kantlykkjur í garðaprjóni í hvorri hlið með því að prjóna 2 lykkjur slétt saman. Öll úrtaka er gerð frá réttu! ÚTAUKNING-1 (á við um ermar): Aukið út um 1 lykkju innan við 2 kantlykkjur í garðaprjóni í hvorri hlið. Aukið út um 1 lykkju með því að slá 1 sinni uppá prjóninn, í næstu umferð er uppslátturinn prjónaður snúinn slétt svo ekki myndist gat. ÚTAUKNING-2: Til þess að reikna út hvernig auka eigi jafnt út, teljið fjölda lykkja í umferð (t.d. 56 lykkjur), mínus 16 kantlykkjur í hvorri hlið að framan og deilið með fjölda útaukninga sem á að gera (t.d. 24) = 1,6. Í þessu dæmi þá er aukið út eftir ca til skiptis hverja og aðra hverja lykkju. Aukið út um 1 lykkju með því að slá 1 sinni uppá prjóninn, í næstu umferð er uppslátturinn prjónaður snúinn slétt svo ekki myndist gat. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er prjónað fram og til baka á hringprjóna í stykkjum og saumað saman í lokin. BAKSTYKKI: Fitjið upp 54-58-62-68-74-78 lykkjur á hringprjóna 9 með 2 þráðum í litnum ljós sægrænn. Takið frá annan þráðinn og prjónið GARÐAPRJÓN – sjá útskýringu að ofan. ATHUGIÐ PRJÓNFESTUNA! Þegar stykkið mælist 14-15-16-17-18-19 cm – LESIÐ MÁL, prjónið RENDUR eins og útskýrt er í A.1. JAFNFRAMT þegar lykkjufjöldinn mælist 24 cm í öllum stærðum er fækkað um 1 lykkju í hvorri hlið – LESIÐ ÚRTAKA (= 2 lykkjur færri). Fækkið lykkjum svona með 7-7-7-8-8-8 cm millibili alls 6 sinnum í öllum stærðum = 42-46-50-56-62-66 lykkjur. Þegar A.1 hefur verið prjónað til loka er haldið áfram með litnum natur til loka. Þegar stykkið mælist 63-65-67-69-71-73 cm – munið eftir MÁL, fellið af fyrir handveg í byrjun hverrar umferðar í hvorri hlið þannig: 3 lykkjur 0-0-1-1-1-1 sinnum, 2 lykkjur 1-1-0-1-2-2 sinnum og 1 lykkja 1-2-2-3-3-4 sinnum = 36-38-40-40-42-44 lykkjur. Prjónið síðan áfram þar til stykkið mælist 81-84-87-90-93-96 cm. Fellið nú af miðju 8-8-10-10-12-12 lykkjur fyrir hálsmáli og hvor öxl er prjónuð til loka fyrir sig. Fellið af 1 lykkju í næstu umferð frá hálsmáli = 13-14-14-14-14-15 lykkjur eftir á öxl. Prjónið áfram þar til stykkið mælist 83-86-89-92-95-98 cm – munið eftir MÁL og fellið af með 2 þráðum (þetta er gert til að affellingarkanturinn verði ekki stífur). Prjónið hina öxlina á sama hátt. HÆGRA FRAMSTYKKI: Fitjið upp 43-45-47-50-53-55 lykkjur (meðtaldar 16 kantlykkjur við miðju að framan) á hringprjóna 9 með 2 þráðum í litnum ljós sægrænn. Takið frá annað þráðinn og prjónið garðaprjón. Þegar stykkið mælist 14-15-16-17-18-19 cm prjónið rendur eins og útskýrt er í A.1 á sama hátt og á bakstykki. Þegar stykkið mælist 24 cm í öllum stærðum byrjar úrtaka í hlið og fækkið lykkjum á sama hátt og á bakstykki = 37-39-41-44-47-49 lykkjur. Þegar stykkið mælist 63-65-67-69-71-73 cm fellið af fyrir handveg í byrjun hverrar umferðar frá hlið á sama hátt og á bakstykki = 34-35-36-36-37-38 lykkjur. Þegar stykkið mælist 77-80-83-86-89-92 cm setjið ystu 17-17-18-18-19-19 lykkjur við miðju að framan á þráð fyrir hálsmáli (til að sleppa við að klippa frá þráðinn sem prjónað er með, prjónið lykkjurnar áður en þær eru settar á þráðinn). Fellið síðan af fyrir hálsmáli í byrjun hverrar umferðar frá hálsmáli þannig: 2 lykkjur 1 sinni og 1 lykkja 2 sinnum = 13-14-14-14-14-15 lykkjur eftir á prjóni fyrir öxl. Prjónið síðan áfram þar til stykkið mælist 83-86-89-92-95-98 cm – munið eftir MÁL og fellið af með 2 þráðum í litnum natur. VINSTRA FRAMSTYKKI: Fitjið upp og prjónið á sama hátt og framstykki, en með úrtöku í gangstæðri hlið. ERMI: Fitjið upp 20-22-22-24-24-26 lykkjur á hringprjóna 9 með 2 þráðum í litnum natur. Takið frá annan þráðinn og prjónið garðaprjón fram og til baka. Þegar stykkið mælist 10 cm er aukið út um 1 lykkju í hvorri hlið – LESIÐ ÚTAUKNING-1. Aukið svona út með 5-5-4-3½-3-3 cm millibili alls 8-8-9-10-11-11 sinnum = 36-38-40-44-46-48 lykkjur. Þegar stykkið mælist 47-47-46-45-44-43 cm fellið af fyrir ermakúpu í byrjun hverrar umferðar í hvorri hlið þannig: 3 lykkjur 1 sinni, 2 lykkjur 1-1-2-2-2-2 sinnum og 1 lykkja 3-3-3-5-6-7 sinnum. Fellið síðan af 2 lykkjur í byrjun hverrar umferðar í hvorri hlið þar til stykkið mælist 54-54-54-55-55-55 cm. Fellið af 3 lykkjur í byrjun á 2 næstu umferðum og fellið síðan af þær lykkjur sem eftir eru með 2 þráðum í litnum natur. Öll ermin mælist ca 55-55-55-56-56-56 cm ofan frá og niður. Prjónið aðra ermi á sama hátt. FRÁGANGUR: Saumið axlasauma. Saumið ermar í. Saumið sauma undir ermum og hliðarsauma í eitt – saumið kant í kant yst í lykkjubogana svo að saumurinn verði flatur, en skiljið eftir ca 20 cm neðst niðri í hvorri hlið á fram- og bakstykki fyrir klauf. HETTA: Prjónið upp frá réttu ca 56 til 68 lykkjur í kringum hálsmál (meðtaldar lykkjur á böndum við miðju að framan) á hringprjóna 9 með litnum natur. Prjónið garðaprjón fram og til baka og aukið JAFNFRAMT úr jafnt yfir til 80-82-84-86-88-90 lykkjur í fyrstu umferð – LESIÐ ÚTAUKNING-2 (ekki er aukið út yfir ystu 16 lykkjur í hvorri hlið). Þegar hettan mælist 35-35-36-36-37-37 cm fellið laust af með 2 þræði natur. Leggið hettuna saman tvöfalda og saumið hana saman efst uppi með lykkjuspori. SNÚRA: Peysan er með 4 snúrubönd, 2 stykki með 2 þráðum í litnum natur og 2 stykki með 1 þræði í litnum natur + 1 þræði í litnum ljós sægrænn. 1 snúruband = klippið 2 þræði ca 2,8 metra. Tvinnið þræðina saman þar til þeir taka í, leggið snúruna aftur saman þá kemur hún til með að tvinna sig aftur saman. Hnýtið hnút á hvorn enda (snúrubandið á að vera ca 1 meter þegar það er tilbúið, klippið e.t.v. í rétta lengd). Festið eitt snúruband í litnum natur + í litnum sægrænn á utanverða peysuna í vinstri hlið ca 2 cm undir handveg (mátið e.t.v. peysuna og staðsetjið snúrubandið eftir hvað passar). Hitt snúrubandið er fest yst á hægra framstykki ca 22-23-24-25-26-27 cm frá öxl og niður. Festið eitt snúruband í litnum natur ca 2 cm undir handveg á innanverðir peysu í hægri hlið. Festið annað snúruband í litnum natur er fest yst á vinstra framstykki ca 22-23-24-25-26-27 cm frá öxl og niður. |
|||||||||||||
Skýringar á teikningu |
|||||||||||||
|
|||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Með yfir 40 ára prjóna- og hekl hönnun, býður DROPS Design uppá eitt umfangsmesta vöruúrval af mynstrum án endurgjalds á netinu – þýdd á 17 tungumálum. Í dag þá erum við komin í 304 vörulista og 11422 mynstur - 6940 mynstur sem eru þýdd á íslensku.
Við vinnum hörðum höndum við að færa þér það besta sem prjón og hekl hefur uppá að bjóða, innblástur, ráðgjöf og auðvitað frábært gæða garn á ótrúlegu verði! Langar þig að nota mynstrin okkar fyrir annað en til einkanota? Þú getur lesið hér ákvæði hvað leyfilegt er að gera í textanum Copyright em> sem er neðst á öllum mynstrunum okkar.
Athugasemdir / Spurningar (32)
Eveline wrote:
Ik heb 450 gram melody, maar nu ik het patroon lees is me niet duidelijk of ik met 2 draden brei of met een. wer staat toch na de opzet " verwijder een draad! en er staat nergens dat het vest met dubbele draad of met 1 draad gebreid wordt.
27.03.2024 - 23:33DROPS Design answered:
Dag Eveline,
Je breit met 1 draad. Je zet alleen op met 2 draden. Na het opzetten brei je verder met 1 draad en knip je de andere draad af (die blijft dus wel in de opzetrand zitten).
28.03.2024 - 17:32Claudia wrote:
Liebes DROPS-Team, könnt Ihr mir hier bitte sagen, wieviel Garn ich benötige, wenn ich die Jacke einfarbig stricken möchte? Vielen Dank Euch! Liebe Grüße
01.10.2022 - 10:36DROPS Design answered:
Liebe Claudia, leider haben wir keine Erfahrung damit, da diese Jacke mit Streifen gestrickt wurde, und die haben wir nicht mehr um sie auszuwieggen - am besten kalkulieren Sie beide Farben zusammen - sicher brauchen Sie etwas weniger, gerne kann Ihnen Ihr DROPS Laden damit (auch per Telefon oder per E-Mail) weiterhelfen. Viel Spaß beim stricken!
03.10.2022 - 08:31Mirjam Van Der Panne wrote:
Ik ben begonnen met de mouwen op nld. 7 omdat 8 echt te grof werd. Nu heb ik de grootste maat gekozen maar vind de mouw erg smal, klopt dat?
25.03.2021 - 08:31DROPS Design answered:
Dag Mirjam,
Als je een kleinere naald neemt wordt het breiwerk ook kleiner. Het beste kun je een proeflapje maken om te kijken of de stekenverhouding klopt. Pas eventueel de naalddikte aan totdat je de juiste stekenverhouding hebt, zoals aangegeven in het patroon.
26.03.2021 - 15:54Dania wrote:
Ich möchte diese Jacke gern mit Drops Bomull-Lin Stricken in Größe M Stricken. Können Sie mir sagen soviel Wolle ich dann dafür brauchen würde ? Vielen Dank Mit freundlichen Grüßen D. Sult
02.02.2021 - 11:25DROPS Design answered:
Liebe Dania, sorry für die verspäte Antwort, Ihre Frage wurde leider übersehen; Bomull-Lin gehört zur Garngruppe C und diese Jacke wird mit Melody = Garngruppe D gestrickt. So wird hier Bomull-Lin keine Alternative zur Melody sein. Hier lesen Sie mehr über Garnalternativen. Viel Spaß beim stricken!
26.04.2021 - 14:06Ioana wrote:
Thank you very much for the swift reply! I forgot to also aks: are the measurement in gauge swatch given after the swatch is blocked? I assume so, but just to be sure 🙂
11.01.2021 - 14:32DROPS Design answered:
Dear Ilona, the measurements for the gauge should be the one of the finished garment, you can wash and let your swatch dry before measuring it - and then adjust needle size if required. Happy knitting!
11.01.2021 - 15:19Ioana wrote:
Hi! I would like to knitt this garnment in Air but unfortunately the yarn converted doesn't give this alternative. I have sufficient yarn for the garnment for sure but I am not sure if I should stick to the measurements in the pattern or alterations should be made.
11.01.2021 - 11:51DROPS Design answered:
Dear Iona, this jacket is worked with Melody, which is Yarn group D while Air is yarn group C - Air isn't therefore a possible alternative to Melody, reason why yarn converter doesn't give any result - you can try out with 2 strands: Air (= yarn group C) + 1 yarn group A (= to match 3 strands yarn group A). Happy knitting!
11.01.2021 - 14:19Ruth wrote:
Das Melody Garn fusselt sehr stark, gibt es da einen Trick um das zu reduzieren?
09.07.2019 - 09:43DROPS Design answered:
Liebe Ruth, hier finden Sie einige Tipps. Viel Spaß beim stricken!
09.07.2019 - 13:45Ruth wrote:
Hallo, ich habe die Jacke gestrickt und finde sie super gemütlich! Allerdings fusselt das Garn sehr sehr stark. Gibt es dafür eine Lösung? Viele Grüße Ruth
09.07.2019 - 09:42Fi wrote:
How many balls of each colour do I need to make the largest size Thanks
25.04.2019 - 09:56DROPS Design answered:
Dear Fi, you will find the required total amount of each colour under the header, ie in size XXXL you require 450 g off white / 50 g a ball Melody = 9 balls off white + 200 g light sea green/50 a ball Melody = 4 balls light sea green. Happy knitting!
25.04.2019 - 09:58Karin wrote:
Kriebelt/prikt dit garen?
30.01.2019 - 15:41DROPS Design answered:
Dag Karin,
Ja, hier zit o.a. alpaca in, dus als je gevoelig bent voor 'kriebelen' dan is dit garen minder geschikt/
30.01.2019 - 16:08