Sandy Wrap |
||||||||||||||||
|
|
|||||||||||||||
Prjónuð peysa með framhliðum sem skarast og gatamynstri, prjónuð ofan frá og niður úr DROPS Alpaca og DROPS Kid-Silk. Stærð S - XXXL.
DROPS 186-24 |
||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 og A.2. Mynsturteikning sýnir allar umferðir í mynstri séð frá réttu. ÚTAUKNING-1: Öll útaukning er gerð frá réttu! Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn brugðið, svo ekki myndist gat. ÚTAUKNING-2 (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 93 lykkjur), mínus kanta að framan í garðaprjóni (t.d. 2 lykkjur) og deilið með fjölda lykkja sem eftir eru með fjölda útaukninga sem á að gera (t.d. 17) = 5,3. Í þessu dæmi þá er aukið út eftir ca 5. hverja lykkju og ekki er aukið út yfir lykkjur í garðaprjóni. Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn brugðið svo ekki myndist gat. ÚRTAKA (jafnt yfir): Til þess að reikna út hvernig fækka eigi jafnt í umferð, teljið fjölda lykkja í umferð (t.d. 45 lykkjur) og deilið þessum lykkjufjölda með fjölda úrtöku sem á að gera (t.d. 7) = 6,4. Í þessu dæmi þá eru prjónaðar ca 5. og 6. hver lykkja slétt saman. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er prjónað fram og til baka á hringprjón ofan frá og niður í stykkjum og saumað saman í lokin. Ermar eru prjónaðar fram og til baka á hringprjón neðan frá og upp. BAKSTYKKI: Prjónið hægri öxl þannig: Fitjið upp 28-30-32-34-36-38 lykkjur á hringprjón 5 með 1 þræði Alpaca + 1 þræði Kid-Silk (= 2 þræðir). Prjónið 2 umferðir GARÐAPRJÓN – sjá útskýringu að ofan. Prjónið síðan þannig: UMFERÐ 1 (rétta): Prjónið 2 kantlykkjur í garðaprjóni (= að hálsi), sléttar lykkjur þar til eftir er 1 lykkja, 1 kantlykkja í garðaprjóni (= að handvegi). UMFERÐ 2 (ranga): Prjónið 1 kantlykkju í garðaprjóni, brugðnar lykkjur þar til eftir eru 2 lykkjur, 2 kantlykkjur í garðaprjóni. Klippið frá og geymið stykkið. Prjónið vinstri öxl þannig: Fitjið upp 28-30-32-34-36-38 lykkjur á hringprjón 5 með 1 þræði Alpaca + 1 þræði Kid-Silk (= 2 þræðir). Prjónið 2 umferðir garðaprjón. Prjónið síðan þannig: UMFERÐ 1 (rétta): Prjónið 1 kantlykkju í garðaprjóni (= að handveg), sléttar lykkjur þar til eftir eru 2 lykkjur, 2 kantlykkjur í garðaprjóni (= að hálsi). UMFERÐ 2 (ranga): Prjónið 2 kantlykkjur í garðaprjóni, brugðnar lykkjur þar til eftir er 1 lykkja, 1 kantlykkja i garðaprjóni. Nú eru prjónaðar saman hægri og vinstri öxl þannig: Snúið stykkinu (= vinstri öxl) og prjónið eins og áður yfir 28-30-32-34-36-38 lykkjur, fitjið upp 15-15-17-17-19-19 nýjar lykkjur í lok umferðar (= háls), síðan eru prjónaðar 28-30-32-34-36-38 lykkjur á hægri öxl inn á prjóninn = 71-75-81-85-91-95 lykkjur fyrir bakstykki. ATHUGIÐ PRJÓNFESTUNA! Nýjar lykkjur sem fitjaðar voru upp fyrir háls að miðju að aftan eru prjónaðar í garðaprjóni, aðrar lykkjur á bakstykki eru prjónaðar í sléttprjóni og garðaprjóni eins og áður (þ.e.a.s. miðju 19-19-21-21-23-23 lykkjur + 1 kantlykkja í hvorri hlið eru prjónaðar í garðaprjóni, aðrar lykkjur eru prjónaðar í sléttprjóni). Þegar prjónaðar hafa verið 4 umferðir garðaprjón yfir nýjar lykkjur fyrir hálsmáli, prjónið áfram í sléttprjóni og 1 kantlykkju í garðaprjóni í hvorri hlið. Þegar stykkið mælist 12-13-13-14-14-13 cm frá uppfitjunarkanti eru fitjaðar upp nýjar lykkjur í lok hverrar umferðar í hvorri hlið fyrir handveg þannig: Fitjið upp 1 lykkju 2-1-2-2-2-3 sinnum, 2 lykkjur 1-2-2-3-4-5 sinnum og 4 lykkjur 1 sinni = 87-93-101-109-119-129 lykkjur. Haldið síðan áfram með sléttprjóni með 1 kantlykkju í garðaprjóni í hvorri hlið. Þegar stykkið mælist 4 cm frá þar sem fitjað var upp fyrir síðustu lykkjur fyrir handveg er aukið út um 1 lykkju innan við 1 kantlykkju í garðaprjóni í hvorri hlið – lesið ÚTAUKNING-1. Aukið svona út með 14-15-15-16-17-17 cm millibili alls 3 sinnum = 93-99-107-115-125-135 lykkjur. Haldið síðan áfram þar til stykkið mælist 49-52-54-56-59-61 cm frá öxl og niður. Nú er aukið út um 17-16-18-20-20-25 lykkjur jafnt yfir – lesið ÚTAUKNING-2 (jafnt yfir) = 110-115-125-135-145-160 lykkjur. Skiptið yfir á hringprjón 4. Prjónið stroff frá réttu þannig: 1 kantlykkja í garðaprjóni, (3 lykkjur slétt, 2 lykkjur brugðið) þar til 4 lykkjur eru eftir á prjóni, 3 lykkjur slétt, 1 kantlykkja í garðaprjóni. Þegar stroffið mælist 5 cm er fellt af með sléttum lykkjum yfir sléttar lykkjur og brugðnum lykkjum yfir brugðnar lykkjur. Stykkið mælist ca 54-57-59-61-64-66 cm frá öxl og niður. HÆGRA FRAMSTYKKI: Fitjið upp 28-30-32-34-36-38 lykkjur á hringprjón 5 með 1 þræði Alpaca + 1 þræði Kid-Silk (= 2 þræðir). Prjónið 1 umferð garðaprjón, Nú er mynstur prjónað frá réttu þannig: 1 kantlykkja í garðaprjóni, 12-14-16-18-20-22 lykkjur sléttprjón, A.1 (= 13 lykkjur), 2 kantlykkjur í garðaprjóni. Haldið áfram fram og til baka svona, JAFNFRAMT er aukið út með því að slá uppá prjóninn og fyrir handveg þannig: Þegar stykkið mælist 2 cm frá uppfitjunarkanti byrjar útaukning fyrir uppslætti. Aukið út um 1 lykkju á undan A.1 + 2 lykkjur garðaprjón – munið eftir ÚTAUKNING-1. Aukið svona út í annarri hverri umferð alls 52-55-57-59-63-65 sinnum, JAFNFRAMT þegar stykkið mælist 12-13-13-14-14-13 cm frá uppfitjunarkanti eru fitjaðar upp nýjar lykkjur fyrir handveg í lok hverrar umferðar frá röngu þannig: Fitjið upp 1 lykkju 2-1-2-2-2-3 sinnum, 2 lykkjur 1-2-2-3-4-5 sinnum og 4 lykkjur 1 sinni (= alls 8-9-10-12-14-17 nýjar lykkjur fyrir handveg). Nýjar lykkjur fyrir handveg eru prjónaðar með sléttprjóni. Þegar stykkið mælist 4 cm frá þar sem fitjaðar voru upp síðustu lykkjur fyrir handveg er aukið út um 1 lykkju innan við 1 kantlykkju í garðaprjóni í hlið. Aukið svona út með 14-15-15-16-17-17 cm millibili alls 3 sinnum. Þegar öll útaukning hefur verið gerð eru 91-97-102-108-116-123 lykkjur. Stykkið mælist ca 49-52-54-56-59-61 cm frá öxl og niður. Nú er aukið út um 20-19-24-28-30-38 lykkjur jafnt yfir = 111-116-126-136-146-161 lykkjur. Skiptið yfir á hringprjón 4. Prjónið stroff frá réttu þannig: 1 kantlykkja í garðaprjóni, (3 lykkjur slétt, 2 lykkjur brugðið) þar til 5 lykkjur eru eftir, 3 lykkjur slétt, 2 kantlykkjur í garðaprjóni. Þegar stroffið mælist 5 cm fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Stykkið mælist ca 54-57-59-61-64-66 cm frá öxl og niður. VINSTRA FRAMSTYKKI: Fitjið upp 28-30-32-34-36-38 lykkjur á hringprjón 5 með 1 þræði Alpaca + 1 þræði Kid-Silk (= 2 þræðir). Prjónið 2 umferðir GARÐAPRJÓN – sjá útskýringu að ofan. Nú er prjónað mynstur frá réttu þannig: 2 kantlykkjur í garðaprjóni, A.2 (= 13 lykkjur), 12-14-16-18-20-22 lykkjur slétt, 1 kantlykkja í garðaprjóni. Haldið áfram fram og til baka svona, JAFNFRAMT er aukið út með uppslætti og handveg þannig: Aukið út um 1 lykkju á eftir 2 kantlykkjum í garðaprjóni + A.2 – munið eftir ÚTAUKNING. Aukið svona út í annarri hverri umferð alls 52-55-57-59-63-65 sinnum, JAFNFRAMT þegar stykkið mælist 12-13-13-14-14-13 cm frá uppfitjunarkanti eru fitjaðar upp nýjar lykkjur fyrir handveg í lok hverrar umferðar frá réttu þannig: Fitjið upp 1 lykkju 2-1-2-2-2-3 sinnum, 2 lykkjur 1-2-2-3-4-5 sinnum og 4 lykkjur 1 sinni (= alls 8-9-10-12-14-17 nýjar lykkjur fyrir handveg). Nýjar lykkjur fyrir handveg eru prjónaðar í sléttprjóni. Þegar stykkið mælist 4 cm frá þar sem fitjaðar voru upp síðustu lykkjur fyrir handveg er aukið út um 1 lykkju innan við 1 kantlykkju í garðaprjóni að hlið. Aukið svona út með 14-15-15-16-17-17 cm millibili alls 3 sinnum. Þegar öll útaukning hefur verið gerð eru 91-97-102-108-116-123 lykkjur. Stykkið mælist ca 49-52-54-56-59-61 cm frá öxl og niður. Nú eru auknar út 20-19-24-28-30-38 lykkjur jafnt yfir = 111-116-126-136-146-161 lykkja. Skiptið yfir á hringprjón 4. Prjónið stroff frá réttu þannig: 2 kantlykkjur með garðaprjóni, (3 lykkjur slétt, 2 lykkjur brugðið) þar til 4 lykkjur eru eftir, 3 lykkjur slétt, 1 kantlykkja í garðaprjóni. Þegar stroffið mælist 5 cm er fellt af með sléttum lykkjum yfir sléttar lykkjur og brugðnum lykkjum yfir brugðnar lykkjur. Stykkið mælist ca 54-57-59-61-64-66 cm frá öxl og niður. ERMI: Fitjið upp 45-50-50-55-55-60 lykkjur á hringprjón 4. Prjónið stroff frá réttu þannig: 1 kantlykkja í garðaprjóni, (3 lykkjur slétt, 2 lykkjur brugðið) þar til 4 lykkjur eru eftir, 3 lykkjur slétt, 1 kantlykkja í garðaprjóni. Þegar stroffið mælist 4 cm er skipt yfir á hringprjón 5. Prjónið 1 umferð slétt þar sem fækkað er um 7-11-8-13-10-14 lykkjur jafnt yfir = 38-39-42-42-45-46 lykkjur. Haldið síðan áfram með sléttprjóni og 1 kantlykkju í garðaprjóni í hvorri hlið, JAFNFRAMT þegar stykkið mælist 9-8-9-9-5-11 cm aukið út um 1 lykkju í hvorri hlið – lesið ÚTAUKNING. Aukið svona út með ca 6-5-4-3-3-2 cm millibili alls 6-7-8-10-11-12 sinnum = 50-53-58-62-67-70 lykkjur. Haldið síðan áfram í sléttprjón og 1 kantlykkju í garðaprjóni í hvorri hlið. Þegar ermin mælist 43-42-41-40-39-37 cm fellið af fyrir ermakúpu í byrjun á hverri umferð í hvorri hlið þannig: Fellið af 4 lykkjur 1 sinni, 2 lykkjur 2-2-3-3-3-4 sinnum, 1 lykkja 3-4-4-4-4-4 sinnum, 2 lykkjur 2-2-2-2-3-3 sinnum og 4 lykkjur 1 sinni = 12-13-14-18-19-18 lykkjur. Fellið af þær lykkjur sem eftir eru. Ermin mælist ca 52-52-51-50-50-49 cm. Prjónið hina ermina á sama hátt. FRÁGANGUR: Saumið axlasauma innan við uppfitjunarkantinn. Saumið ermar í við fram- og bakstykki. Saumið saum undir ermum og síðan niður yfir hliðarsauma. Saumið eina tölu í vinstri hliðarsaum (frá réttu á flíkinni) beint yfir stroff. Saumið seinni töluna á hægri hliðarsaum (innanverðu á flíkinni) beint yfir stroff. Stykkinu er lokið með því að hneppa tölunum í gegnum eitt af götum í mynstri A.1/A.2 neðst niðri við stroff. |
||||||||||||||||
Skýringar á teikningu |
||||||||||||||||
|
||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (16)
Annie Soulié wrote:
Mon coup de coeur pour l'hiver prochain.
30.01.2018 - 09:29Isa wrote:
Quero mesmo muito fazer este modelo! Já me imagino com ele nas noites de verão à beira-mar!!!
03.01.2018 - 00:21Sylvie wrote:
Ce modèle a croisé mon cœur !
13.12.2017 - 12:10Christine Thebault-Smith wrote:
This pattern had now made its way to the very top of my list!
13.12.2017 - 06:49Chloé Thiffault wrote:
Ce modèle fait partie de mes coups de coeur.
12.12.2017 - 18:12Mariann wrote:
I'm so in love with the crossed front, so simple yet stylish! :3
11.12.2017 - 22:29