Sweet Spring Cardigan |
|||||||||||||||||||||||||
|
|
||||||||||||||||||||||||
Prjónuð peysa úr 2 þráðum DROPS Kid-Silk. Stykkið er prjónað ofan frá og niður með laskalínu, v-hálsmáli, köðlum og gatamynstri. Stærð S - XXXL.
DROPS 241-11 |
|||||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 til A.4. Mynsturteikning sýnir allar umferðir í mynstri séð frá réttu. LASKALÍNA: Aukið út um 1 lykkju á undan/eftir 1 lykkju sléttprjón (lykkja með prjónamerki í) í hverri skiptingu á milli framstykkis/bakstykkis og erma (= 8 lykkjur fleiri í umferð). Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn brugðið svo ekki myndist gat. Síðan eru nýjar lykkjur prjónaðar í sléttprjóni. V-HÁLSMÁL: Öll útaukning er gerð frá réttu! Sláið 1 sinni uppá prjóninn innan við 11 lykkjur (1 kantlykkja + A.1 / A.3) í hvorri hlið (= 1 lykkja fleiri). Í næstu umferð (ranga) er uppslátturinn prjónaður snúinn brugðið svo ekki myndist gat. Síðan eru nýjar lykkjur prjónaðar í sléttprjóni. Aukið er út um alls 2 lykkjur í hverri útaukningsumferð (1 lykkja í hvorri hlið við miðju að framan). ÚRTAKA (á við um ermar): Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð. HNAPPAGAT (á við um hægri kant að framan, séð þegar flíkin er mátuð): Fellið af fyrir 3 hnappagötum í hægri kanti að framan. 1 hnappagat = prjónið 2 lykkjur saman og sláið 1 sinni uppá prjóninn. Í næstu umferð er uppslátturinn prjónaður slétt svo það myndist gat. Fellið af fyrir hnappagötum ca 8, 16 og 24 cm frá neðri kanti. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Berustykkið er prjónað fram og til baka á hringprjóna frá miðju að framan, ofan frá og niður. Ermar eru prjónaðar með kaðli og gatamynstri. Jafnframt er aukið út fyrir v-hálsmáli og laskalínu. Berustykkið skiptist fyrir fram- og bakstykki og ermar. Fram- og bakstykki er prjónað fram og til baka á hringprjóna, ofan frá og niður. Ermar eru prjónaðar í hring á sokkaprjóna / stuttan hringprjón, ofan frá og niður. Að lokum er prjónaður kantur í hálsmáli/að framan í kringum allt opið á peysunni. BERUSTYKKI: Fitjið upp 72-74-76-78-80-82 lykkjur (meðtalin 1 kantlykkja í hvorri hlið við miðju að framan) á hringprjóna 5 með 2 þráðum DROPS Kid-Silk. Prjónið 1 umferð brugðið að röngu. YFIRLIT YFIR NÆSTA KAFLA: Nú byrjar mynstrið á ermum, jafnframt því sem aukið er út fyrir laskalínu og v-hálsmáli – lestu því allan næsta kafla áður en þú byrjar að prjóna. Setjið 4 prjónamerki í stykkið þannig (þetta er gert án þess að prjóna lykkjurnar): Teljið 3 lykkjur (framstykki), setjið 1 prjónamerki í næstu lykkju, teljið 22 lykkjur (ermi), setjið 1 prjónamerki í næstu lykkju, teljið 18-20-22-24-26-28 lykkjur (bakstykki), setjið 1 prjónamerki í næstu lykkju, teljið 22 lykkjur (ermi), setjið 1 prjónamerki í næstu lykkju, það eru 3 lykkjur á prjóni á eftir síðasta prjónamerki (framstykki). Síðan er prjónað þannig: 1 kantlykkja í GARÐAPRJÓN – sjá útskýringu að ofan, A.1, sláið 1 sinni uppá prjóninn, prjónið lykkju með prjónamerki slétt, sláið 1 sinni uppá prjóninn, A.2, sláið 1 sinni uppá prjóninn, prjónið lykkjuna með prjónamerki slétt, sláið 1 sinni uppá prjóninn, prjónið sléttprjón yfir næstu 18-20-22-24-26-28 lykkjur, sláið 1 sinni uppá prjóninn, prjónið lykkjuna með prjónamerki slétt, sláið 1 sinni uppá prjóninn, A.2, sláið 1 sinni uppá prjóninn, prjónið lykkju með prjónamerki slétt, sláið 1 sinni uppá prjóninn, A.3, 1 kantlykkja í garðaprjóni. Haldið svona áfram með þetta mynstur og haldið áfram með útaukningu fyrir LASKALÍNA í hverri skiptingu á milli framstykkis/bakstykkis og erma í hverri umferð frá réttu – sjá útskýringu að ofan. Þegar A.2 hefur verið prjónað 1 sinni á hæðina er haldið áfram með A.4 (26 lykkjur) yfir lykkjur í A.2. þegar A.1 og A.3 hefur verið prjónað einu sinni á hæðina, endurtakið 4 síðustu umferðir. Haldið áfram með útaukningu fyrir laskalínu í annarri hverri umferð (þ.e.a.s. í hverri umferð frá réttu) þar til aukið hefur verið út alls 10-13-15-15-21-22 sinnum hvoru megin við 4 lykkjur með prjónamerki. Haldið áfram með útaukningu fyrir laskalínu, en í annað hvert skipti sem aukið er út, aukið nú einungis út á fram- og bakstykki (4 lykkjur fleiri). Þ.e.a.s. aukið út á fram- og bakstykki í annarri hverri umferð og á ermum í 4. hverri umferð. Aukið svona út 14-14-14-16-14-16 sinnum á fram- og bakstykki (7-7-7-8-7-8 sinnum á ermum). Nú hefur verið aukið út alls 24-27-29-31-35-38 sinnum á berustykki og 17-20-22-23-28-30 sinnum á ermum. JAFNFRAMT í umferð með ör í A.1/ A.3, byrjar útaukning fyrir V-HÁLSMÁL í hvorri hlið við miðju að framan – sjá útskýringu að ofan, þannig: Aukið út í 8.-8.-8.-6.-6.-6. hverri umferð 2-2-3-4-5-6 sinnum. ATHUGIÐ PRJÓNFESTUNA! Á eftir síðustu útaukningu fyrir laskalínu er prjónað áfram án útaukningar þar til stykkið mælist 22-25-27-29-33-36 cm. Nú eru 264-290-310-326-366-390 lykkjur í umferð. Næsta umferð er prjónuð þannig: Prjónið fyrstu 38-41-44-47-52-56 lykkjur (framstykki), setjið næstu 60-66-70-72-82-86 lykkjur á þráð fyrir ermi, fitjið upp 16-16-16-20-20-22 nýjar lykkjur á prjóninn (í hlið undir ermi), prjónið næstu 68-76-82-88-98-106 lykkjur (bakstykki), setjið næstu 60-66-70-72-82-86 lykkjur á þráð fyrir ermi, fitjið upp 16-16-16-20-20-22 nýjar lykkjur á prjóninn (í hlið undir ermi) og prjónið þær 38-41-44-47-52-56 lykkjur (framstykki) sem eftir eru. Héðan er nú stykkið mælt! FRAM- OG BAKSTYKKI: = 176-190-202-222-242-262 lykkjur. Haldið áfram í sléttprjóni og 1 kantlykkju í garðaprjóni í hvorri hlið og A.1/A.3 við miðju að framan. Þegar stykkið mælist 16-15-15-15-13-12 cm frá skiptingu, prjónið 1 umferð slétt frá réttu þar sem aukið er út um 28-34-42-46-46-50 lykkjur jafnt yfir = 204-224-244-268-288-312 lykkjur. Skiptið yfir á hringprjón 4. Næsta umferð er prjónuð frá röngu þannig: 1 kantlykkja í garðaprjóni, * 2 lykkjur brugðið, 2 lykkjur slétt *, prjónið frá *-* þar til 3 lykkjur eru eftir í umferð, prjónið 2 lykkjur brugðið og endið með 1 kantlykkju í garðaprjóni. Haldið svona áfram með stroff í 8 cm. Fellið af aðeins laust. Peysan mælist ca 52-54-56-58-60-62 cm frá öxl. ERMI: Setjið 60-66-70-72-82-86 lykkjur af þræði í annarri hlið á stykki á stuttan hringprjón / sokkaprjóna 5 og prjónið að auki upp 1 lykkju í hverja af 16-16-16-20-20-22 lykkjum sem fitjaðar voru upp í hlið undir ermi = 76-82-86-92-102-108 lykkjur. Setjið 1 prjónamerki mitt í 16-16-16-20-20-22 lykkjur undir ermi og látið prjónamerkið fylgja með í stykkinu, það á að nota það aðeins síðar þegar fækka á lykkjum. Byrjið umferð við prjónamerkið og haldið áfram með A.4 og sléttprjón hringinn. Þegar stykkið mælist 3 cm frá skiptingu er fækkað um 2 lykkjur mitt undir ermi – sjá ÚRTAKA. Fækkið lykkjum svona með 2½-2-1½-1-1-1 cm millibili alls 10-11-13-16-19-20 sinnum = 56-60-60-60-64-68 lykkjur. Prjónið áfram þar til stykkið mælist 37-35-33-32-28-25 cm frá skiptingu – eða óskaðri lengd. Skiptið yfir á sokkaprjóna 4 og prjónið stroff hringinn (= 2 lykkjur slétt, 2 lykkjur brugðið) í 8 cm. Fellið af aðeins laust. Ermin mælist alls 45-43-41-40-36-33 cm frá skiptingu. Prjónið hina ermina á sama hátt. KANTUR AÐ FRAMAN / KANTUR Í HÁLSMÁLI: Setjið 1 prjónamerki mitt aftan í hnakka á bakstykki, prjónamerkið á að nota þegar talinn er helmingur af lykkjum í kanti að framan/hálsmáli. Kantur að framan er prjónaður upp innan við 1 kantlykkju í garðaprjóni á framstykki og það er 1. umferð sem er prjónuð í kringum hálsmál. Byrjið neðst á hægra framstykki frá réttu og prjónið upp ca 119-125-131-137-143-149 lykkjur meðfram öllum kantinum að framan upp að prjónamerki í hnakka, á hringprjóna 4 – látið prjónamerkið sitja hér. Haldið áfram að prjóna upp ca 119-125-131-137-143-149 lykkjur meðfram öllum kanti að framan og niður að kanti á vinstra framstykki, alls á lykkjufjöldinn að vera deilanlegur með 4 + 2 = ca 238-250-262-274-286-298 lykkjur. Það er mikilvæt að stroffið verði ekki of laust og með of margar lykkjur, en stroffið á heldur ekki að draga kantana saman að framan vegna of margra lykkja. Næsta umferð er prjónuð frá röngu þannig: 2 lykkjur í garðaprjóni, * 2 lykkjur brugðið, 2 lykkjur slétt *, prjónið frá *-* þar til 4 lykkjur eru eftir, prjónið 2 lykkjur brugðið og endið með 2 lykkjur garðaprjón. Haldið svona áfram með stroff. Þegar stykkið mælist 1½ cm er fellt af fyrir HNAPPAGAT í hægri kanti að framan – sjá útskýringu að ofan. Haldið áfram þar til stroffið mælist 3 cm. Fellið af aðeins laust. Saumið tölur í vinstra framstykki. |
|||||||||||||||||||||||||
Skýringar á teikningu |
|||||||||||||||||||||||||
|
|||||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (42)
Chris Palmaers wrote:
My number 1!A must have for a breezy summernight! Love it!
17.01.2023 - 18:07Nina Wøggsborg wrote:
Pistachie softness Teststrikker gerne
17.01.2023 - 17:04