Tournesol Cardigan |
|||||||||||||||||||||||||||||||||||||
|
|
||||||||||||||||||||||||||||||||||||
Hekluð peysa með ferningum og ¾ löngum ermum úr DROPS Muskat. Stærð S - XXXL.
DROPS 239-17 |
|||||||||||||||||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- LOFTLYKKJA: Ef þú heklar yst á heklunálinni þá kemur loftlykkjan oft til með að verða of stíf. 1 loftlykkja á að vera álíka löng og breiddin á 1 fastalykkju/stuðull. HEKLLEIÐBEININGAR: Allar umferðir með stuðlum byrja á 3 loftlykkjum. Þessar 3 loftlykkjur koma í stað fyrsta stuðuls. Umferðin endar með 1 stuðli í 3. loftlykkju í byrjun á fyrri umferð. LITIR (á við um ferninga): UPPFITJUN og UMFERÐ 1: litur sinnep UMFERÐ 2: litur muskat UMFERÐ 3: litur bleikur sandur UMFERÐ 4: litur natur UMFERÐ 5: litur ljós moldvarpa LITASKIPTI: Til að fá fallega litaskiptingu þegar skipt er um lit er síðasta keðjulykkjan í umferð hekluð með nýja litnum þannig: Stingið heklunálinni í fyrstu loftlykkju frá byrjun á umferð, bregðið þræðinum einu sinni um heklunálina með nýja litnum og dragið uppsláttinn í gegnum lykkjuna á heklunálinni. Festið þræðina jafnóðum. MYNSTUR: Sjá mynsturteikningu A.1 til A.4. A.1 er heklað í hring. A.2 til A.4 er heklað fram og til baka. FRÁGANGUR Á FERNINGUM (framstykki): Sjá mynsturteikningu A.5 – veldu mynsturteikningu fyrir þína stærð. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Fyrst eru ferningarnir heklaðir. Ferningarnir eru heklaðir saman fyrir framstykki og bakstykki. Síðan eru hliðarstykkin hekluð og ermar fram og til baka í stykkjum. Frágangur á peysunni er útskýrður í uppskrift. Að lokum er heklaður kantur í kringum alla peysuna og 2 snúrur til að hnýta mitt að framan. HEILL FERNINGUR: Lesið LOFTLYKKJA, LITIR og LITASKIPTI í útskýringu að ofan. Heklið 4 loftlykkjur með heklunál 3,5 með litnum sinnep í DROPS Muskat og tengið saman í hring með 1 keðjulykkju í fyrstu loftlykkju. Síðan er mynstur heklað í hring eftir mynsturteikningu A.1. ATHUGIÐ HEKLFESTUNA! Þegar A.1 hefur verið heklað til loka, klippið þræðina og festið. Heklið alls 36-36-38-38-60-60 heila ferninga. HÁLFUR FERNINGUR: Lesið LOFTLYKKJA, LITIR og LITASKIPTI í útskýringu að ofan. Heklið 4 loftlykkjur með heklunál 3,5 með litnum sinnep í DROPS Muskat og tengið saman í hring með 1 keðjulykkju í fyrstu loftlykkju. Síðan er mynstur heklað fram og til baka eftir mynsturteikningu A.2. Þegar A.2 hefur verið heklað til loka, klippið þræðina og festið. Heklið alls 2 hálfa ferninga í öllum stærðum. FERNINGAR HEKLAÐIR SAMAN: Leggið ferningana á báðum framstykkjunum eins og útskýrt er í mynsturteikningu A.5 (veldu mynsturteikningu fyrir þína stærð) og passið uppá að allir ferningarnir liggi með réttuna upp. Ferningarnir á hvoru framstykki eru fyrst heklaðir saman á lengdina og síðan á breiddina. Notið litinn ljós moldvarpa til að hekla saman. Leggið 2 ferninga kant í kant þannig að hægt sé að hekla þá saman. Það á að hekla 21 lykkju meðfram hvorri hlið á ferningunum, þ.e.a.s. 19 lykkjur með fram hlið á ferningi + 2 loftlykkjur frá hvorum hornboga. Byrjið í horni og heklið þannig: * Stingið heklunálinni frá réttu í gegnum aftari lykkjubogann á öðrum ferningnum, síðan er heklunálinni stungið frá réttu og niður í gegnum aftari lykkjubogann á hinum ferningnum, sækið þráðinn og dragið í gegnum báðar lykkjurnar á heklunálinni *, heklið frá *-* þar til þessir 2 ferningar hafa verið heklaðir saman meðfram allri annarri hliðinni á ferningunum, heklið 1 loftlykkju, síðan er heklað frá *-* meðfram 2 næstu ferningum alveg eins. Heklið svona þar til allir ferningarnir í þessari röð hafa verið heklaðir saman. Þegar allar raðirnar með ferningum hafa verið heklaðar saman á lengdina, heklið allar raðirnar með ferningum saman á breiddina alveg eins. ATH: Í stærð L, XL, XXL og XXXL kemur hálfi ferningurinn efst á öxl til með að tilheyra framstykkjum og hálfi ferningurinn tilheyrir bakstykki. Ferningarnir á bakstykki eru heklaðir saman alveg eins með 4-4-4-4-6-6 ferninga á breiddina og 5-5-5-5-5 ferningar á hæðina. Heklið axlirnar saman alveg eins – ATH: Í stærð S og M er heklað saman mitt á öxl, í stærð L, XL, XXL og XXXL er heklað saman á bakstykki. HLIÐARSTYKKI: Heklið 14-22-30-42-10-22 loftlykkjur með heklunál 3,5 með litnum ljós moldvarpa í DROPS Muskat. Heklið 1 fastalykkju í 2. loftlykkju frá heklunálinni, síðan er hekluð 1 fastalykkja í hverja loftlykkju = 13-21-29-41-9-21 fastalykkja. Næsta umferð er hekluð frá réttu þannig: Heklið A.3A í fyrstu lykkju, heklið A.3B alls 2-4-6-9-1-4 sinnum, heklið A.3C yfir síðustu 4 lykkjurnar. Haldið svona áfram með A.3 fram og til baka þar til hliðarstykkið mælist 32-31-35-34-33-32 cm. ATHUGIÐ HEKLFESTUNA! Klippið þráðinn og festið. Heklið annað hliðarstykki alveg eins. ERMI: Heklið 62-66-70-74-78-82 loftlykkjur með heklunál 3,5 og litnum ljós moldvarpa í DROPS Muskat. Heklið 1 fastalykkju í 2. loftlykkju frá heklunálinni, síðan er hekluð 1 fastalykkja í hverja loftlykkju = 61-65-69-73-77-81 fastalykkjur. Næsta umferð er hekluð frá réttu þannig: Heklið A.3A í fyrstu lykkju, heklið A.3B alls 14-15-16-17-18-19 sinnum, heklið A.3C yfir síðustu 4 lykkjur. Haldið svona áfram fram og til baka. Þegar stykkið mælist ca 10 cm, aukið út um 1 stuðlahóp í byrjun á umferð og 1 stuðlahóp í lok umferðar eins og útskýrt er í A.4. Endurtakið útaukningu þegar stykkið mælist ca 24-24-22-20-18-18 cm = 77-81-85-89-93-97 lykkjur í umferð. Þegar stykkið mælist 36-35-34-32-30-28 cm, setjið 1 prjónamerki í hvora hlið. Heklið þar til ermin mælist ca 39-40-41-42-32-33 cm. Klippið þráðinn og festið. Heklið hina ermina á sama hátt. FRÁGANGUR: Setjið 1 prjónamerki 21-22-23-24-25-26 cm frá miðju á öxl og niður á framstykki/bakstykki. Prjónamerkin merkja dýptina á handvegi. Saumið hliðarstykkin niður við framstykkin/bakstykki. Uppfitjunarkanturinn á hliðarstykkjum á að vísa niður. Byrjið neðst og saumið stykkin saman kant í kant upp að prjónamerkjum. Saumið ermasauma – byrjið neðst og saumið kant í kant upp að prjónamerkjum. Saumið ermakúpuna við handveg – strekkið aðeins á ermakúpunni þegar þessi saumur er saumaður svo að ermakúpan passi við handveg. Saumið klaufina efst á ermi við botninn á handvegi – sjá teikningu. KANTUR: Notið litinn ljós moldvarpa, byrjið við annað hliðarstykkið meðfram neðri kanti á peysu, heklið 1 fastalykkju í fyrstu lykkju, * 3 loftlykkjur hoppið yfir ca 1½ cm, 1 fastalykkja í næstu lykkju *, heklið frá *-* meðfram neðri kanti, upp meðfram framstykki, í kringum hálsmál, niður meðfram framstykki og síðan meðfram neðri kanti að byrjun á umferð, endið með 3 loftlykkjur og 1 keðjulykkju í fyrstu fastalykkju. Klippið þráðinn og festið. SNÚRA TIL AÐ HNÝTA SAMAN: Notið litinn ljós moldvarpa og heklið eina loftlykkjuröð ca 80-80-90-90-100-100 cm. Hnýtið hnút í hvorn enda. Leggið snúruna saman tvöfalda. Þræðið lykkjuna á snúrunni í gegnum einn loftlykkjuboga neðst í v-hálsmáli á öðru framstykkinu, þræðið endana í gegnum lykkjuna og herðið að. Gerið aðra snúru alveg eins og festið snúruna neðst í v-hálsmáli á hinu framstykkinu. |
|||||||||||||||||||||||||||||||||||||
Skýringar á teikningu |
|||||||||||||||||||||||||||||||||||||
|
|||||||||||||||||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (34)
Viviana wrote:
Adoro il granny
17.01.2023 - 18:25Doris Dutoit wrote:
Wo finde ich die Anleitung? Mir gefällt dieses Modell sehr!
17.01.2023 - 17:51Vicky Williams wrote:
Looks a lovely pattern to make. Very striking and different from other Summer cardigans.
17.01.2023 - 14:42Tina Holst Hviid wrote:
Timeless beauty.
17.01.2023 - 13:59