August Sunset |
|
|
|
Prjónuð peysa úr 2 þráðum DROPS Brushed Alpaca Silk eða 1 þræði DROPS Air og 1 þræði Brushed Alpaca Silk. Stykkið er prjónað ofan frá og niður með laskalínu, tvöföldum kanti í hálsmáli og klauf í hliðum. Stærð S - XXXL.
DROPS 240-32 |
|
------------------------------------------------------- UPPLÝSINGAR FYRIR MYNSTUR: ------------------------------------------------------- LASKALÍNA: Aukið út um 1 lykkju hvoru megin við lykkju með prjónamerki þannig: Prjónið að lykkju með prjónamerki, sláið 1 sinni uppá prjóninn, prjónið lykkjuna með prjónamerki slétt, sláið 1 sinni uppá prjóninn. Aukið svona út við öll prjónamerkin (8 lykkjur fleiri). Þegar prjónað er fram og til baka er uppslátturinn prjónaður frá röngu á undan / á eftir prjónamerki þannig: Á UNDAN PRJÓNAMFERKI: Prjónið uppsláttinn brugðið í aftari lykkjubogann. Það eiga ekki að myndast göt. Á EFTIR PRJÓNAMERKI: Lyftið uppslættinum af vinstri prjóni og setjið til baka yfir á vinstri prjón, nema í gagnstæða átt (stingið inn vinstri prjóni aftan frá þegar uppslátturinn er settur til baka á prjóninn). Prjónið uppsláttinn brugðið í fremri lykkjubogann. Það eiga ekki að myndast göt. Þegar prjónað er í hring er uppslátturinn í næstu umferð prjónaður á undan / á eftir prjónamerki þannig: Á UNDAN PRJÓNAMERKI: Lyftið uppslættinum af vinstri prjóni og setjið til baka yfir á vinstri prjón, nema í gagnstæða átt (stingið inn vinstri prjóni aftan frá þegar uppslátturinn er settur til baka á prjóninn). Prjónið uppsláttinn slétt í fremri lykkjubogann (uppslátturinn snýr til hægri). Það eiga ekki að myndast göt. Á EFTIR PRJÓNAMERKI: Prjónið uppsláttinn slétt í aftari lykkjubogann (uppslátturinn snýr til vinstri). Það eiga ekki að myndast göt. GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. ÚRTAKA (á við um miðju undir ermum): Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa 2 lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Tvöfaldur kantur í hálsmáli og berustykki er prjónað í hring frá miðju að aftan, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað í hring á hringprjóna niður að klauf. Ermar eru prjónaðar í hring á sokkaprjóna / stuttan hringprjón. TVÖFALDUR KANTUR Í HÁLSMÁLI: Fitjið upp 72-72-76-76-80-80 lykkjur með 2 þráðum DROPS Brushed Alpaca Silk eða 1 þræði DROPS Air og 1 þræði DROPS Brushed Alpaca Silk (2 þræðir) yfir stuttan hring-prjón 6 og stuttan hringprjón 8 sem haldið er saman. Dragið út stutta hringprjón 8 og haldið lykkjum eftir á stuttum hringprjóni 6 (uppfitjunin er gerð svona til að uppfitjunarkanturinn verði teygjanlegur). Prjónið stroff þannig: 1 lykkja slétt, * 2 lykkjur brugðið, 2 lykkjur slétt *, prjónið frá *-* þar til 3 lykkjur eru eftir, prjónið 2 lykkjur brugðið og 1 lykkju slétt. Haldið svona áfram með stroff í 10 cm. Nú er stroffið brotið inn þannig að kanturinn verði tvöfaldur – síðan er næsta umferð prjónuð í stroffprjóni eins og áður þar sem 4. hver lykkja er prjónuð saman með 4. hverri lykkju frá upp-fitjunarkanti. Nú hefur myndast tvöfaldur kantur í hálsmáli. Stykkið er nú mælt héðan. Nú eru sett 4 prjónamerki í stykkið eins og útskýrt er að neðan (þetta er gert án þess að prjóna lykkjurnar). Prjónamerkin eru notuð þegar auka á út fyrir laskalínu. Teljið 10-10-11-11-12-12 lykkjur (hálft bakstykki), setjið 1. prjónamerki í næstu lykkju, teljið 14 lykkjur (ermi), setjið 2. prjónamerki í næstu lykkju, teljið 20-20-22-22-24-24 lykkjur (framstykki), setjið 3. prjónamerki í næstu lykkju, teljið 14 lykkjur (ermi), setjið 4. prjónamerki í næstu lykkju, það eru 10-10-11-11-12-12 lykkjur eftir í umferð á eftir síðasta prjónamerkinu (hálft bakstykki). HÁLSMÁL: Nú er hálsmálið prjónað með stuttum umferðum eins og útskýrt er að neðan. Skiptið yfir á hringprjón 8. Byrjið mitt að aftan þannig: UMFERÐ 1 (rétta): Prjónið sléttprjón og aukið út fyrir LASKALÍNA – sjá útskýringu að ofan, hvoru megin við 2 fyrstu prjónamerkin (4 lykkjur fleiri), snúið þegar prjónaðar hafa verið 2 lykkjur fram hjá lykkju með 2. prjónamerki. UMFERÐ 2 (ranga): Prjónið sléttprjón og aukið út fyrir laskalínu hvoru megin við öll prjónamerkin (8 lykkjur fleiri), snúið þegar prjónaðar hafa verið 2 lykkjur fram hjá síðasta prjónamerki. UMFERÐ 3 (rétta): Prjónið sléttprjón og aukið út fyrir laskalínu hvoru megin við öll prjónamerkin (8 lykkjur fleiri), snúið þegar prjónaðar hafa verið 2 lykkjur fleiri en við fyrri snúning. UMFERÐ 4 (ranga): Prjónið sléttprjón og aukið út fyrir laskalínu hvoru megin við öll prjónamerkin (8 lykkjur fleiri), snúið þegar prjónaðar hafa verið 2 lykkjur fleiri en við fyrri snúning. UMFERÐ 5 (rétta): Prjónið sléttprjón og aukið út fyrir laskalínu hvoru megin við 2 fyrstu prjónamerkin (4 lykkjur fleiri), prjónið að miðju að aftan. Stuttar umferðir hafa nú verið prjónaðar til loka og aukið hefur verið út 4 sinnum fyrir laskalínu við hvert prjónamerki = 104-104-108-108-112-112 lykkjur í umferð. Prjónið síðan í hring yfir allar lykkjur frá miðju að aftan. BERUSTYKKI: Prjónið sléttprjón og haldið áfram með útaukningu fyrir laskalínu í annarri hverri umferð þar til aukið hefur verið út alls 5-5-5-6-7-9 sinnum hvoru megin við 4 lykkjur með prjónamerki í (meðtalin útaukning í stuttum umferðum) = 112-112-116-124-136-152 lykkjur. ATHUGIÐ PRJÓNFESTUNA! Haldið áfram í sléttprjóni og með útaukningu fyrir laskalínu, en í annað hvert skipti sem aukið er út, aukið einungis út á fram- og bakstykki (4 lykkjur fleiri). Þ.e.a.s. aukið er út á fram- og bakstykki í annarri hverri umferð og á ermum í 4. hverri umferð. Aukið svona út 8-10-10-12-12-12 sinnum á fram- og bak-stykki (4-5-5-6-6-6 sinnum á ermum). Nú eru 160-172-176-196-208-224 lykkjur í umferð. Í stærð S og M – farðu beint áfram í ALLAR STÆRÐIR. STÆRÐ L, XL, XXL og XXXL: Haldið áfram í sléttprjóni og útaukningu fyrir laskalínu, en nú er einungis aukið út á fram- og bakstykki, útaukninu fyrir ermar er lokið. Aukið út í annarri hverri umferð alls 1-1-2-3 sinnum = 180-200-216-236 lykkjur. ALLAR STÆRÐIR: Nú hefur verið aukið út alls 13-15-16-19-21-24 sinnum á fram- og bakstykki og 9-10-10-12-13-15 sinnum á ermum (meðtalin útaukning í stuttum umferðum í hálsmáli). Á eftir síðustu útaukningu eru 160-172-180-200-216-236 lykkjur í umferð. Prjónið slétt-prjón án útaukningar þar til stykkið mælist ca 20-22-23-26-28-30 cm, mælt mitt að framan á eftir stroffið í hálsmáli. Berustykkið skiptist nú fyrir fram- og bakstykki og ermar þannig: Prjónið fyrstu 24-26-28-31-34-37 lykkjur (hálft bakstykki), setjið næstu 32-34-34-38-40-44 lykkjur á þráð fyrir ermi og fitjið upp 6-6-8-8-8-8 nýjar lykkjur á prjóninn (í hlið undir ermi), prjónið næstu 48-52-56-62-68-74 lykkjur (framstykki), setjið næstu 32-34-34-38-40-44 lykkjur á þráð fyrir ermi og fitjið upp nýjar 6-6-8-8-8-8 lykkjur á prjóninn (í hlið undir ermi), prjónið þær 24-26-28-31-34-37 lykkjur sem eftir eru (hálft bakstykki). FRAM- OG BAKSTYKKI: = 108-116-128-140-152-164 lykkjur. Setjið 1 prjónamerki í hvora hlið – þ.e.a.s. mitt í 6-6-8-8-8-8 lykkjur sem fitjaðar voru upp undir ermum í hvorri hlið. Látið prjónamerkin fylgja með í stykkinu – það á að nota prjónamerkin þegar stykkinu er skipt upp fyrir klauf í hvorri hlið. Prjónið sléttprjón hringinn yfir allar lykkjur þar til stykkið mælist 16-16-17-16-16-16 cm frá skiptingu. Nú skiptist stykkið við prjónamerkin. Setjið 54-58-64-70-76-82 lykkjur frá bakstykki á þráð eða hjálparprjón og prjónið síðan yfir lykkjur á framstykki eins og útskýrt er að neðan. FRAMSTYKKI: = 54-58-64-70-76-82 lykkjur. Prjónið 1 umferð slétt frá réttu þar sem aukið er út um 16-16-18-20-22-24 lykkjur jafnt yfir = 70-74-82-90-98-106 lykkjur. Skiptið yfir á hringprjón 6. Prjónið stroff frá röngu þannig: 2 lykkjur í GARÐAPRJÓN – sjá útskýringu að ofan, * 2 lykkjur brugðið, 2 lykkjur slétt *, prjónið frá *-* þar til 4 lykkjur eru eftir í umferð, prjónið 2 lykkjur brugðið og 2 lykkjur í garðaprjóni. Haldið svona áfram með stroff í 10 cm. Fellið af aðeins laust með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca 52-54-56-58-60-62 cm frá öxl og niður. BAKSTYKKI: Setjið 54-58-64-70-76-82 lykkjur af þræði / hjálparprjóni á hringprjón 6 og prjónið á sama hátt og framstykki. ERMI: Setjið 32-34-34-38-40-44 lykkjur af þræði í annarri hlið á stykki á stuttan hringprjón eða sokkaprjóna 8 og prjónið að auki upp 1 lykkju í hverja af 6-6-8-8-8-8 lykkjum sem fitjaðar voru upp undir ermi = 38-40-42-46-48-52 lykkjur. Setjið eitt prjónamerki mitt í nýjar lykkjur. Byrjið við prjónamerki og prjónið sléttprjón hringinn. Þegar stykkið mælist 3 cm frá skiptingu, fækkið um 2 lykkjur mitt undir ermi – sjá ÚRTAKA. Fækkið lykkjum svona með ca 5½-5½-4-3-2½-2 cm millibili alls 4-4-5-6-7-8 sinnum = 30-32-32-34-34-36 lykkjur. Haldið áfram þar til stykkið mælist 28-27-26-24-23-22 cm. Prjónið 1 umferð slétt þar sem aukið er út um 10-8-8-10-10-12 lykkjur jafnt yfir = 40-40-40-44-44-48 lykkjur. Skiptið yfir á sokkaprjóna 6. Prjónið stroff (2 lykkjur slétt, 2 lykkjur brugðið) í 12 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Ermin mælist ca 40-39-38-36-35-34 cm frá skiptingu. Prjónið hina ermina á sama hátt. |
|
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (24)
Zia wrote:
Warmth and roses
19.01.2023 - 03:14Rosa G wrote:
Hot red
18.01.2023 - 17:26Nelly wrote:
Ik noem dit : snoepje
17.01.2023 - 23:05Eisha wrote:
A name for this I would like to propose is: poppy
17.01.2023 - 18:18