Seiland Jumper |
|||||||||||||||||||
|
|
||||||||||||||||||
Settið samanstendur af: Peysu fyrir börn með hringlaga berustykki og marglitu norrænu mynstri, prjónuð ofan frá og niður. Húfum með marglitu norrænu mynstri og dúsk. Stærð 2-12 ára. Settið er prjónað úr DROPS Merino Extra Fine.
DROPS Children 30-5 |
|||||||||||||||||||
UPPLÝSINGAR FYRIR MYNSTUR: MYNSTUR: Peysa: Sjá mynsturteikningu A.1 til A.6. Veljið mynstur fyrir rétta stærð. Húfa: Sjá mynsturteikningu A.7. Allt mynstrið er prjónað í sléttprjóni. ÚRTAKA/ÚTAUKNING: Til þess að reikna út hvernig fækka/fjölga eigi jafnt í umferð, teljið fjölda lykkja í umferð (t.d. 84 lykkjur), deilið þessum lykkjufjölda með fjölda úrtöku/útaukninga sem á að gera (t.d. 6) = 14. Í þessu dæmi er prjónuð 13. og 14. hver lykkja slétt saman ef fækka á lykkjum. Ef auka á út þá er slegið 1 sinni uppá prjóninn til skiptis á eftir 14. hverri lykkju. Í næstu umferð er uppslátturinn prjónaður snúinn inn í mynstur svo að ekki myndist gat. UPPHÆKKUN: Setjið 1 prjónamerki í byrjun umferðar = miðja að aftan. Byrjið frá réttu með norðursjó og prjónið sléttar lykkjur þar til prjónaðar hafa verið 7-7-8-8-9-9 lykkjur fram hjá prjónamerki, snúið, herðið á þræði og prjónið 14-14-16-16-18-18 lykkjur brugðið. Snúið, herðið á þræði og prjónið 21-21-24-24-27-27 lykkjur slétt, snúið, herðið á þræði og prjónið 28-28-32-32-36-36 lykkjur brugðið. Snúið, herðið á þræði og prjónið 35-35-40-40-45-45 sléttar lykkjur, snúið, herðið á þræði og prjónið 42-42-48-48-54-54 brugðið lykkjur. Snúið, herðið á þræði og prjónið sléttar lykkjur að miðju að aftan. LEIÐBEININGAR-1: Til að koma í veg fyrir að prjónfestan verði of stíf þegar mynstrið er prjónað er mikilvægt að herða ekki á þráðum aftan á stykki. Skiptið e.t.v. yfir á grófari prjóna þegar mynstrið er prjónað ef það strekkist á því. LEIÐBEININGAR-2 (á við um berustykki á peysu): Ef prjónfestan passar ekki á hæðina og það verða fleiri umferðir á hæðina en 10 cm eins og gefið er upp í uppskrift, þá verður berustykkið allt of stutt og handvegur of lítill. Þetta er hægt að jafna til með því að prjóna 1 auka umferð í sléttprjóni með jöfnu millibili í einlitu einingunni á berustykki. ÚRTAKA-1 (á við um miðju undir ermi): Byrjið 2 lykkjum á undan prjónamerki, prjónið 2 lykkjur slétt saman, prjónamerki, takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri). ÚRTAKA-2 (á við um húfu): Fækkið lykkjum á eftir prjónamerki þannig: Takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 1 lykkja færri). ---------------------------------------------------------- PEYSA: Stykkið er prjónað í hring á hringprjón ofan frá og niður. Ermar eru prjónaðar í hring á sokkaprjóna. Byrjun umferðar = miðja að aftan. HÁLSMÁL: Fitjið upp 84-88-88-96-96-100 lykkjur á stuttan hringprjón 3,5 með norðursjór. Prjónið eina umferð slétt. Prjónið síðan stroff hringinn (= 2 lykkjur slétt, 2 lykkjur brugðið) í 3 cm. Prjónið 1 umferð slétt þar sem fækkað er um 6-4-4-6-6-4 lykkjur jafnt yfir – lesið ÚRTAKA/ÚTAUKNING = 78-84-84-90-90-96 lykkjur. Prjónið síðan berustykki eins og útskýrt er að neðan. BERUSTYKKI: Skiptið yfir á hringprjón 4 og prjónið UPPHÆKKUN aftan í hnakka – sjá útskýringu að ofan. Þegar upphækkun hefur verið prjónuð til loka eru 0-0-2-3-0-2 sléttar umferðir með norðursjór. Lesið LEIÐBEININGAR-1 og LEIÐBEININGAR-2! Prjónið síðan A.1 hringinn (= 13-14-14-15-15-16 mynstureiningar með 6 lykkjum). Haldið áfram með mynstur og aukið út eins og útskýrt er í mynsturteikningu. ATHUGIÐ PRJÓNFESTUNA! Í umferð merktri með ör-1 í A.1 eru 117-126-126-135-135-144 lykkjur í umferð. Prjónið umferð eins og mynsturteikning sýnir og aukið JAFNFRAMT út 18 lykkjur jafnt yfir í öllum stærðum – munið eftir ÚRTAKA/ÚTAUKNING = 135-144-144-153-153-162 lykkjur. Haldið áfram með A.1 (nú er pláss fyrir 15-16-16-17-17-18 mynstureiningar með 9 lykkjum). Í umferð merktri með ör-2 í A.1 er aukið út um 21-24-24-27-27-30 lykkjur jafnt yfir = 156-168-168-180-180-192 lykkjur. Þegar A.1 hefur verið prjónað til loka er A.2 prjónað hringinn (= 13-14-14-15-15-16 mynstureiningar með 12 lykkjum). Haldið áfram með A.2 og aukið út eins og mynsturteikning sýnir. Í umferð merktri með ör-3 í A.2 eru 208-224-224-240-240-256 lykkjur. Prjónið umferð eins og mynsturteikning sýnir og aukið jafnframt út um 4-0-12-0-12-8 lykkjur jafnt yfir í þessari umferð = 212-224-236-240-252-264 lykkjur. Þegar A.2 hefur verið prjónað til loka er A.3 prjónað hringinn (= 53-56-59-60-63-66 mynstureiningar með 4 lykkjum). Eftir A.3 mælist stykkið ca 17-17-18-19-20-21 cm frá uppfitjunarkanti við miðju að framan. Næsta umferð er prjónuð með ljós beige þannig: Prjónið 31-33-35-36-38-40 lykkjur í sléttprjóni (= ½ bakstykki), setjið næstu 45-47-49-49-51-53 lykkjur á þráð fyrir ermi, fitjið upp 6-6-6-8-8-8 nýjar lykkjur á prjóninn (= í hlið undir ermi), prjónið 61-65-69-71-75-79 lykkjur sléttprjón (= framstykki), setjið næstu 45-47-49-49-51-53 lykkjur á þráð fyrir ermi, fitjið upp 6-6-6-8-8-8 nýjar lykkjur á prjóninn (= í hlið undir ermi) og prjónið 30-32-34-35-37-39 lykkjur sem eftir eru í sléttprjóni (=½ bakstykki). Klippið frá þráðinn sem prjónað er með. Fram- og bakstykki og ermar er nú prjónað hvert fyrir sig. HÉÐAN ER NÚ MÆLT! FRAM- OG BAKSTYKKI: = 134-142-150-158-166-174 lykkjur. Byrjið í annarri hlið á stykki, mitt í 6-6-6-8-8-8 lykkjum sem fitjaðar voru upp undir ermi. Prjónið A:4 hringinn og aukið jafnframt út um 2 lykkjur jafnt yfir í fyrstu umferð = 136-144-152-160-168-176 lykkjur í umferð og 17-18-19-20-21-22 mynstureiningar með 8 lykkjum. Þegar A.4 hefur verið prjónað til loka er A.5 prjónað hringinn = 17-18-19-20-21-22 mynstureiningar með 8 lykkjum). Endurtakið A.5 þar til stykkið mælist ca 13-17-20-23-26-29 cm frá skiptingu – stillið af að prjónaðar séu 2-4 umferðir með skógargrænn eftir umferð með “doppum". Prjónið A.6 hringinn (= 34-36-38-40-42-44 mynstureiningar með 4 lykkjum). Þegar A.6 hefur verið prjónað til loka mælist stykkið ca 17-21-24-27-30-33 cm frá skiptingu. Prjónið 1 umferð slétt með skógargrænn þar sem aukið er út um 24-28-28-32-32-32 lykkjur jafnt yfir = 160-172-180-192-200-208 lykkjur. Skiptið yfir á hringprjón 3,5. Prjónið stroff hringinn (= 2 lykkjur slétt, 2 lykkjur brugðið) í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur, en til að koma í veg fyrir að affellingarkanturinn verði stífur er slegið 1 sinni uppá prjóninn á eftir 4. hverja lykkju JAFNFRAMT því sem fellt er af (uppslátturinn er felldur af eins og venjuleg lykkja). Peysan mælist ca 38-42-46-50-54-58 cm frá öxl og niður. ERMI: Setjið 45-47-49-49-51-53 lykkjur af þræði í annarri hlið á stykki á sokkaprjón 4 og prjónið að auki upp 1 lykkju í hverja og eina af 6-6-6-8-8-8 lykkjum sem fitjaðar voru upp undir ermi = 51-53-55-57-59-61 lykkjur í umferð. Setjið eitt prjónamerki mitt í 6-6-6-8-8-8 lykkjur undir ermi og 1 prjónamerki í miðju lykkju í umferð (= mitt ofan á ermi). Lesið allan kaflann áður en prjónað er áfram! Byrjið við prjónamerki mitt undir ermi og prjónið A.4 hringinn, en athugið að mynstrið kemur ekki til með að ganga jafnt upp í heilli mynstureiningu mitt undir ermi. Byrjið með 3.-2.-1.-8.-7.-6. lykkju í A.4 og endurtakið A.4 hringinn eins langt og það nær. Mynstrið verður samhverft mitt undir ermi og lykkjan með prjónamerki í mitt ofan á ermi á nú að passa við 4. lykkju í A.4. Þegar A.4 hefur verið prjónað til loka er A.5 prjónað hringinn, en stillið mynstrið af þannig að A.5 passi fallega yfir A.4 (lykkja með prjónamerki á að passa við staðsetningu með «doppu»). A.5 er síðan endurtekið. JAFNFRAMT þegar stykkið mælist 2 cm er fækkað um 2 lykkjur mitt undir ermi – lesið ÚRTAKA-1. Fækkið lykkjum svona með 3-3-5-5-7-6 cm millibili alls 5-6-5-6-5-6 sinnum = 41-41-45-45-49-49 lykkjur. Þegar stykkið mælist ca 12-16-20-24-28-31 cm frá skiptingu – stillið af að prjónaðar verði 2-4 umferðir með skógargrænn eftir eina umferð með ”doppur”, prjónið A.6 hringinn – byrjið umferð þannig að mynstrið passi fallega yfir doppurnar í A.5. Þegar A.6 hefur verið prjónað til loka er skipt yfir á sokkaprjón 3,5. Prjónið 1 umferð slétt með skógargrænn þar sem fækkað er um 1 lykkju í öllum stærðum = 40-40-44-44-48-48 lykkjur. Prjónið stroff hringinn (= 2 lykkjur slétt, 2 lykkjur brugðið) í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur, en til að affellingarkanturinn verði ekki stífur er slegið 1 sinni uppá prjóninn á eftir 4. hverri lykkju JAFNFRAMT því sem fellt er af. Ermin mælist ca 20-24-28-32-36-39 cm frá skiptingu undir ermi. Prjónið aðra ermi alveg eins. ---------------------------------------------------------- HÚFA: Stykkið er prjónað í hring á hringprjón, skiptið yfir á sokkaprjóna eftir þörf. Fitjið upp 104-112-112-120 lykkjur á hringprjón 2,5 með skógargrænn. Prjónið 1 umferð slétt. Prjónið stroff (= 2 lykkjur slétt, 2 lykkjur brugðið) í 3 cm. Skiptið yfir á hringprjón 3. Prjónið 1 umferð slétt þar sem fækkað er um 8 lykkjur jafnt yfir í öllum stærðum – lesið ÚRTAKA/ÚTAUKNING = 96-104-104-112 lykkjur. Prjónið A.7 hringinn (= 12-13-13-14 mynstureiningar með 8 lykkjum). ATHUGIÐ PRJÓNFESTUNA! Þegar A.7 hefur verið prjónað til loka er prjónað í sléttprjóni með ljós beige til loka. Þegar stykkið mælist 15-16-17-17 cm eru sett 8 prjónamerki í stykkið með 12-13-13-14 lykkjur á milli hverra prjónamerkja. Í næstu umferð er lykkjum fækkað á eftir hverju prjónamerki – lesið ÚRTAKA-2 (= 8 lykkjur færri). Fækkið lykkjum svona í annarri hverri umferð alls 6-7-7-8 sinnum = 48 lykkjur eftir í umferð í öllum stærðum. * Prjónið 1 umferð slétt, í næstu umferð eru allar lykkjur prjónaðar slétt saman 2 og 2 * = 24 lykkjur. Prjónið frá *-* 1 sinni til viðbótar = 12 lykkjur eftir í umferð. Klippið frá, þræðið þráðinn í gegnum þær lykkjur sem eftir eru, herðið á þræði og festið vel. Húfan mælist ca 20-21-22-23 cm ofan frá og niður. DÚSKUR: Gerið einn dúsk með skógargrænn ca 4-5 cm að þvermáli og festið efst á húfu. |
|||||||||||||||||||
Skýringar á teikningu |
|||||||||||||||||||
|
|||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (38)
Dominique Vernerey wrote:
Merci pour ce magnifique modele qui va a ravir a mon petit fils .J'ai adore tricote en partant du haut pour la premiere fois ,comme si je tricotais un mandala .Y a t il un modele adulte qui soit dans le mêm esprit ? Merci
25.02.2018 - 18:07DROPS Design answered:
Bonjour Mme Vernerey et merci. Vous trouverez ici tous nos modèles de type jacquard nordique tricotés de haut en bas. Bon tricot!
26.02.2018 - 10:19Ida wrote:
Hej! Jeg sidder fast allerede ved A1, fordi der i diagrammet på min computer ser ud som om, at diagramforklaringen siger, at det hvide felt både er lys beige og omslag om to masker. Er det en fejl, og skal jeg tænke, at omslaget om to masker skal laves ved den ovale sorte ting i diagrammet? :) håber det giver mening. //Ida
15.02.2018 - 20:53DROPS Design answered:
Hej Ida, ja du tager først ud på 3 p ifølge diagrammet, her har du det lille sorte ovale tegn som betyder slå om. God fornøjelse!
21.02.2018 - 15:25Stephanie Kleinert- Graupe wrote:
Hallo, was bedeutet genau eine " Laus"?
06.02.2018 - 10:58DROPS Design answered:
Liebe Frau Kleinert- Graupe, es handelt sich um die Maschen, die mit hellbeige in A.5 gestrickt. Viel Spaß beim stricken!
06.02.2018 - 11:34Åse Westgaard wrote:
Hvorfor får jeg ikke skrevet ut diagrammet på " Children 30-5. Selve mønsteret er.
23.01.2018 - 17:02DROPS Design answered:
Hei Åse. Det skal ikke være noe feil med utskriftsversjonene på denne oppskriften. Vi skriver den fint ut når vi tester. Men husk å skrive ut fra print ikonet til høyre/eller under bildet, og ikke ditt printikonet på din PC. Sjekk evnt dine innstillinger på PC/printer. mvh Drops design
30.01.2018 - 08:59ROY wrote:
Bonjour, cela fait plusieurs fois que j'essaie d'imprimer le modèle children30-5 tout va bien je vais sur la fenêtre "imprimer les explications" ça charge mais ça n'imprime pas alors que j'ai pris d'autre modèle et ça marche!!!!!!!!!!!!!!!!!!!!!!!!!! cordialement Mme Roy
17.12.2017 - 09:40DROPS Design answered:
Bonjour Mme Roy, nous avons effectué avec succès un test d'impression de ce modèle. Essayez d'actualiser votre navigateur avant de recommencer. Si nécessaire, n'hésitez pas à vous adresser à votre magasin, il pourra vous aider; Bon tricot!
18.12.2017 - 09:07Birthe Christensen wrote:
Diagram er forsvundet fra opskriften.
23.10.2017 - 21:33Birthe Christensen wrote:
Diagram er forsvundet fra opskriften.
23.10.2017 - 21:32ROY wrote:
JE N'ARRIVE PAS À IMPRIMER LE MODÈLE DROPS CHILDREN30-5 ALORS QUE LES PHOTOS OUI MERCI DE ME RÉPONDRE CORDIALEMENT MME ROY
17.10.2017 - 17:09DROPS Design answered:
Bonjour Mme Roy, quand vous cliquez sur "Imprimer", une fenêtre doit s'ouvrir, dans cette fenêtre, cliquez en haut à droite sur "Imprimer les explications", et vous pourrez alors configurer les paramètres de votre imprimante et lancer l'impression. Bon tricot!
18.10.2017 - 08:44