Belladonna |
|||||||||||||||||||||||||||||||||||||
|
|
||||||||||||||||||||||||||||||||||||
Heklaður kjóll með áferðamynstri. Stærð S - XXXL. Stykkið er heklað úr DROPS Muskat.
DROPS 187-5 |
|||||||||||||||||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- MYNSTUR: Sjá mynsturteikningu A.1, A.2 og A.3. A.2 sýnir hvernig umferð byrjar og endar þegar heklað er í hring. HEKLLEIÐBEININGAR: Á við þegar heklað er fram og til baka: Í byrjun á hverri umferð með stuðlum er byrjað með 3 loftlykkjum, þessar loftlykkjur koma ekki í stað fyrsta stuðul). Í hverri umferð með fastalykkjum er byrjað með 1 loftlykkju (þessi loftlykkja kemur ekki í stað fyrstu fastalykkju). ÚRTAKA: STUÐULL: Fækkið um 1 stuðul með því að hekla 2 stuðla saman þannig: Heklið 1 stuðul í fyrstu lykkju, en bíðið með að bregða þræðinum um heklunálina og að draga þráðinn í gegn í lokin (= 2 lykkjur á heklunálinni), heklið 1 stuðul í næstu lykkju/um loftlykkju, þegar draga á þráðinn í gegn í lokin er þráðurinn dreginn í gegnum allar 3 lykkjurnar á heklunálinni (= 1 stuðull færri). FASTALYKKJA: Fækkið um 1 fastalykkju með því að hekla 2 fastalykkjur saman þannig: Heklið 1 fastalykkju, en bíðið með að bregða þræðinum um heklunálina og að draga þráðinn í gegn í lokin (= 2 lykkjur á heklunálinni), heklið síðan næstu fastalykkju, þegar draga á þráðinn í gegn í lokin er þráðurinn dreginn í gegnum allar 3 lykkjurnar á heklunálinni (= 1 fastalykkja færri). ÚRTAKA (jafnt yfir): Til þess að reikna út hvernig fækka eigi jafnt í umferð, teljið fjölda lykkja í umferð (t.d. 156 lykkjur), deilið þessum lykkjufjölda með fjölda úrtöku sem á að gera (t.d. 6) = 26. Í þessu dæmi þá eru heklaðar 25. og 26. hver lykkja saman. ------------------------------------------------------- BYRJIÐ Á STYKKI HÉR: ------------------------------------------------------- KJÓLL - STUTT ÚTSKÝRING Á STYKKI: Það Er 10 cm klauf neðst niðri á kjólnum, stykkið er fyrst heklað fram og til baka þar til klaufin er tilbúin, síðan er stykkið heklað í hring, en snúið er við í hverri umferð og heklað er fram og til baka í umferð til að áferðin verði alveg eins alla leið. Þegar stykkið skiptist upp við handveg er aftur heklað fram og til baka. FRAMSTYKKI. Heklið 90-97-104-111-125-139 loftlykkjur með Muskat með heklunál 4. Haldið áfram með 1 fastalykkju í 2. loftlykkju frá heklunálinni, síðan 1 fastalykkju í hverja af næstu 4 loftlykkjum, * hoppið yfir 1 loftlykkju, 1 fastalykkja í hverja af næstu 6 loftlykkjum *, endurtakið frá *-* út umferðina = 78-84-90-96-108-120 fastalykkjur (loftlykkjan sem snúið er við telst eins og 1 fastalykkja). Snúið og heklið 1 fastalykkju til baka í hverja fastalykkju. Heklið nú eftir mynsturteikningu A.1 – lesið HEKLLEIÐBEININGAR! ATHUGIÐ HEKLFESTUNA! Eftir 10 cm er stykkið lagt til hliðar og bakstykkið heklað. BAKSTYKKI: Heklið 90-97-104-111-125-139 loftlykkjur með Muskat með heklunál 4. Haldið áfram með 1 fastalykkju í 2. loftlykkju frá heklunálinni, síðan 1 fastalykkju í hverja af næstu 4 loftlykkjum, * hoppið yfir 1 loftlykkju, 1 fastalykkja í hverja af næstu 6 loftlykkjum *, endurtakið frá *-* umferðina út = 78-84-90-96-108-120 fastalykkjur (loftlykkjan sem snúið er við er einnig talin sem 1 fastalykkja). Snúið og heklið 1 fastalykkju til baka í hverja fastalykkju. Heklið nú eftir mynsturteikningu A.1. haldið áfram þar til stykkið mælist 10 cm – endið í sömu umferð og á framstykki. KJÓLL eftir klauf: Haldið svona áfram með mynstur – heklið fyrstu lykkjur yfir framstykki, síðan eru lykkjur heklaðar yfir bakstykki, að lokum er umferðin hekluð saman við eina keðjulykkju í 1./3. lykkju í umferð, heklið lykkju í A.2, snúið stykkinu og heklið til baka. Setjið 1 prjónamerki í skiptingu á milli framstykkis og bakstykkis = hliðar. Haldið svona áfram fram og til baka með mynstur eftir mynsturteikningu A.1 og A.2. Í umferð með stuðlum eða fastalykkjum eru nú 156-168-180-192-216-240 lykkjur í umferð (A.2 er ekki talin með í lykkjufjölda). Þegar stykkið mælist ca 30-31-32-33-34-35 cm – stilli af þannig að næsta umferð sé umferð með stuðlum eða fastalykkjum (merkt í mynsturteikningu með stjörnu), fækkið um 6 lykkjur jafnt yfir – lesið LEIÐBEININGAR og ÚRTAKA (jafnt yfir). Endurtakið úrtöku alls 6 sinnum í merktum 6 umferðum með stuðlum eða fastalykkjum = 120-132-144-156-180-204 lykkjur í umferð með stuðlum eða fastalykkjum. Eftir síðustu úrtökuumferð er mynstrið heklað eins og áður í ca 3 cm – stillið af að næsta umferð sé umferð merkt með stjörnu (stykkið mælist nú ca 48-49-50-51-52-53 cm). Aukið nú um 6 lykkjur jafnt yfir í umferð með því að hekla 2 lykkjur í 1 lykkju. Endurtakið útaukningu alls 4 sinnum á hæðina við merktu umferðirnar í mynsturteikningu = 144-156-168-180-204-228 lykkjur í umferð með stuðlum eða fastalykkjum á eftir síðustu útaukningu. Þegar stykkið mælist ca 60-61-62-63-64-65 cm – stillið af eftir umferð merktri með stjörnu, heklið kjólinn til loka eftir mynsturteikningu A.3 (snúið eins og áður með mynsturteikningu A.2). Þegar stykkið mælist 62-63-64-65-66-67 cm deilist stykkið fyrir framstykki og bakstykki við handveg. FRAMSTYKKI: Heklið keðjulykkjur yfir fyrstu 4-5-4-5-6-7 lykkjur, síðan er heklað fram og til baka þar til eftir eru 4-5-4-5-6-7 lykkjur á undan prjónamerki í annarri hliðinni, snúið stykkinu. Í næstu umferð eru heklaðar 4 ystu lykkjur í hvorri hlið saman 2 og 2 – lesið ÚRTAKA! Endurtakið úrtöku í hverri umferð 0-0-1-1-2-3 sinnum til viðbótar. Í næstu umferð eru ystu 2 lykkjur heklaðar saman, endurtakið úrtöku í hverri umferð 2-2-2-3-4-5 sinnum til viðbótar. Eftir allar úrtökur eru 54-58-62-64-68-72 lykkjur í umferð. Þegar stykkið mælist 70-71-73-74-76-77 cm, heklið hvora öxl til loka fyrir sig. ÖXL: Haldið áfram með stuðla yfir fyrstu 17-19-21-22-23-24 lykkjur frá réttu, snúið og heklið 4 fyrstu lykkjur saman 2 og 2 fyrir hálsmáli, síðan er heklað út umferðina. Snúið og heklið fram þar til 4 lykkjur eru eftir á undan hálsmáli, heklið þær saman 2 og 2, snúið. Í næstu umferð eru 2 fyrstu lykkjur heklaðar saman, síðan er heklað út umferðina. Snúið, heklið þar til 2 lykkjur eru eftir, heklið þær saman. Snúið, heklið 2 fyrstu lykkjur saman, heklið út umferðina = 10-12-14-15-16-17 lykkjur eftir á öxl. Haldið áfram þar til stykkið mælist 80-82-84-86-88-90 cm, klippið frá. Heklið hina öxlina á sama hátt, nema gagnstætt. Þ.e.a.s. Byrjið frá réttu, úrtaka fyrir hálsmáli er gerð í lokin á umferð frá röngu. BAKSTYKKI: Heklið keðjulykkjur yfir fyrstu 4-5-4-5-6-7 lykkjur, síðan er heklað fram þar til eftir eru 4-5-4-5-6-7 lykkjur á undan prjónamerki í hlið, snúið stykkinu. Í næstu umferð eru ystu 4 lykkjur heklaðar saman 2 og 2 – lesið ÚRTAKA! Endurtakið úrtöku í hverri umferð 0-0-1-1-2-3 sinnum til viðbótar. Í næstu umferð eru ystu 2 lykkjur heklaðar saman, endurtakið úrtöku í hverri umferð 2-2-2-3-4-5 sinnum til viðbótar. Eftir alla úrtöku eru 54-58-62-64-68-72 lykkjur í umferð. Heklið áfram þar til stykkið mælist ca 78-80-82-84-86-88 cm. Heklið nú hvora öxl til loka fyrir sig þannig: Heklið 1 umferð yfir fyrstu 12-14-16-17-18-19 lykkjur, snúið, heklið 2 fyrstu lykkjur saman, heklið út umferðina. Snúið, heklið þar til 2 lykkjur eru eftir, heklið þær saman. Snúið, heklið út umferðina, klippið frá. Endurtakið á hinni öxlinni. FRÁGANGUR: Saumið axlasauma kant í kant svo að saumurinn verði ekki of þykkur. SKRAUTKANTUR: Kanturinn er heklaður í kringum hálsmál, hvorn handveg og í kringum fram- og bakstykki neðst niðri – einnig upp og niður í hvorri klauf. Skrautkanturinn er heklaður þannig: 1 fastalykkja, * 3 loftlykkjur, 1 stuðull í 3. loftlykkju frá heklunálinni, hoppið fram ca 1 cm og gerið 1 fastalykkju *. Endurtakið frá *-* út umferðina og endið með 1 keðjulykkju í fyrstu fastalykkju frá byrjun á umferð. |
|||||||||||||||||||||||||||||||||||||
Skýringar á teikningu |
|||||||||||||||||||||||||||||||||||||
|
|||||||||||||||||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (100)
Eva Mašková wrote:
Dobrý den mám dotaz ohledně návodu k těmto šatům .měla bych zájem
01.02.2018 - 17:24Jacqueline Sörensson wrote:
Så snygg!!
23.01.2018 - 12:16Marga wrote:
Es precioso!
21.01.2018 - 23:52Marit Nævdal wrote:
Magnificent and beautiful dress model
13.01.2018 - 03:09Andrea wrote:
Da fallen mir eigentlich nur 3 Worte ein, rot - chic - elegant
09.01.2018 - 16:54Paula wrote:
When will these new patterns be available? There are several I'd like to make.
06.01.2018 - 23:58Michela wrote:
Ein sehr schönes Modell!
05.01.2018 - 18:29Beti wrote:
Eine traumhaftes Modell. Ich würde es gern nacharbeiten.
22.12.2017 - 19:37SR wrote:
*Beautiful*
22.12.2017 - 11:59Jessica Baughman wrote:
Ava Mini Dress
12.12.2017 - 19:53