Sideway Vines |
|||||||||||||
|
|
||||||||||||
Prjónuð basker / alpahúfa og vettlingar með norrænu mynstri úr DROPS Karisma.
DROPS 204-15 |
|||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- MYNSTUR: Alpahúfa: Sjá mynsturteikningu A.1. Vettlingar: Sjá mynsturteikningu A.2 og A.3. Allt mynstrið er prjónað í sléttprjóni. ÚRTAKA (jafnt yfir): Til þess að reikna út hvernig fækka eigi jafnt í umferð, teljið fjölda lykkja í umferð (t.d. 112 lykkjur), deilið þessum lykkjufjölda með fjölda úrtöku sem á að gera (t.d. 4) = 28. Í þessu dæmi þá er lykkjum fækkað með því að prjóna 27. og 28. hverja lykkju slétt saman. LEIÐBEININGAR-1: Til að koma í veg fyrir að prjónfestan verði of stíf þegar mynstrið er prjónað er mikilvægt að herða ekki á þráðunum á bakhlið á stykkinu. Skiptið e.t.v. yfir á grófari prjóna þegar mynstrið er prjónað. LEIÐBEININGAR-2 (á við um vettlinga): Ef óskað er eftir því að gera vettling í stærra ummáli er hægt að prjóna vettlinginn með hálfu eða heilu númeri grófari prjónum. Ef prjónað er með hálfu númeri grófari prjónum þá verður 1 cm meira ummál og í heilu númeri grófari prjónum verðu ummálið 2 cm meira. LEIÐBEININGAR-3 (á við um vettlinga): Lengdin áður en opið fyrir þumal byrjar er hægt að stilla af með því að prjóna fleiri eða færri umferðir áður en merki fyrir þumal er prjónað. ÚRTAKA-1 (á við um efst á vettlingum): Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), takið 1 lykkju óprjónaða eins og prjóna eigi slétt, 1 lykkja slétt, steypið óprjónuðu lykkjunni yfir lykkjuna sem var prjónuð (= 2 lykkjur færri við prjónamerki og alls 4 lykkjur færri í umferð). ÚRTAKA-2 (á við um þumal): Fækkið um 1 lykkju hvoru megin við prjónamerki þannig: Byrjið 2 lykkjum á undan prjónamerki, prjónið 2 lykkjur slétt saman, prjónamerki, takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri við prjónamerki og alls 4 lykkjur færri í umferð). ------------------------------------------------------- BYRJIÐ Á STYKKI HÉR: ------------------------------------------------------- ALPAHÚFA – STUTT ÚTSKÝRING Á STYKKI: Stykkið er prjónað í hring á stuttan hringprjón, neðan frá og upp. Skiptið yfir á sokkaprjóna eftir þörf. ALPAHÚFA: Fitjið upp 104-112 lykkjur á stuttan hringprjón 3 með litnum bensín. Prjónið 1 umferð slétt. Prjónið síðan stroff hringinn (= 2 lykkjur slétt, 2 lykkjur brugðið) í 3-4 cm. Skiptið yfir á hringprjón 3,5 og prjónið 1 umferð slétt með bensín þar sem fækkað er um 2-4 lykkjur jafnt yfir – sjá ÚRTAKA = 102-108 lykkjur. Lesið LEIÐBEININGAR-1 og prjónið A.1 hringinn (= 17-18 mynstureiningar með 6 lykkjum). Aukið svona út eins og útskýrt er í mynsturteikningu = 170-180 lykkjur í umferð. ATHUGIÐ PRJÓNFESTUNA! JAFNFRAMT í umverð merktri með ör í A.1, fækkið lykkjum jafnt yfir eins og útskýrt er að neðan: Ör-A: Fækkið um 20-20 lykkjur jafnt yfir = 150-160 lykkjur. Ör-B: Fækkið um 20-20 lykkjur jafnt yfir = 130-140 lykkjur. Ör-C: Fækkið um 30-30 lykkjur jafnt yfir = 100-110 lykkjur. Ör-D: Fækkið um 30-30 lykkjur jafnt yfir = 70-80 lykkjur. Þegar A.1 hefur verið prjónað til loka á hæðina, prjónið með litnum bensín JAFNFRAMT því sem lykkjum er fækkað þannig: * Prjónið 1 umferð slétt, prjónið síðan 1 umferð slétt og fækkið um 18-20 lykkjur jafnt yfir *, prjónið frá *-* alls 3 sinnum (í hverri umferð sem lykkjum er fækkað, prjónið 1 lykkju færri áður en 2 lykkjur eru prjónaðar slétt saman) = 16-20 lykkjur eftir. Prjónið 1 umferð slétt. Prjónið 1 umferð slétt þar sem allar lykkjur eru prjónaðar slétt saman 2 og 2 = 8-10 lykkjur eftir. Klippið frá, þræðið þráðinn í gegnum þær lykkjur sem eftir eru, herðið að og festið vel. Húfan mælist ca 21-22 cm frá miðju á toppi og niður að uppfitjunarkanti. ------------------------------------------------------- VETTLINGAR - STUTT ÚTSKÝRING Á STYKKI: Stykkið er prjónað í hring á sokkaprjóna, neðan frá og upp. Vettlingarnir hafa sama ummál í báðum stærðum, en misjafna lengd. Ummálinu er hægt að breyta – sjá LEIÐBEININGAR-2! VINSTRI VETTLINGUR: Fitjið upp 50-50 lykkjur á sokkaprjón 3 með litnum bensín. Prjónið 8 umferðir sléttprjón fyrir fald. Næsta umferð er prjónuð þannig: * Prjónið 2 lykkjur slétt saman, sláið 1 sinni uppá prjóninn *, prjónið frá *-* umferðina hringinn (= uppábrot). Setjið 1 prjónamerki í umferð, stykkið er nú mælt frá prjónamerki. Prjónið 8 umferðir sléttprjón með litnum bensín. Sjá LEIÐBEININGAR-1 og prjónið A.2 hringinn (= 5-5 mynstureiningar með 10 lykkjum). ATHUGIÐ PRJÓNFESTUNA! Þegar stykkið mælist ca 11-12 cm frá prjónamerki (stillið af að næsta umferð sé umferð með einum lit), prjónið að prjónamerki fyrir op fyrir þumal þannig – sjá LEIÐBEININGAR-3: Prjónið 15 lykkjur sléttprjón með litnum bensín, prjónið 8 lykkjur sléttprjón fyrir op fyrir þumal með þræði í öðrum lit sem skilur sig frá litnum bensín. Haldið áfram með mynstur eins og áður yfir allar lykkjur. Þegar stykkið mælist ca 21-23 cm frá prjónamerki, byrjið úrtöku efst á vettlingi (nú eru eftir ca 3 cm að loka máli, mátið e.t.v. vettlinginn og prjónið að óskaðri lengd). Setjið 1 prjónamerki í byrjun á umferð og 1 prjónamerki eftir 25-25 lykkjur. Í næstu umferð er fækkað um 1 lykkju hvoru megin við bæði prjónamerkin – sjá ÚRTAKA-1. Fækkið lykkjum svona í hverri umferð alls 11 sinnum í báðum stærðum = 6-6 lykkjur eftir. Klippið frá, þræðið þráðinn í gegnum þær lykkjur sem eftir eru, herðið á þræði og festið vel. Vettlingurinn mælist ca 24-26 cm ofan frá og niður að prjónamerki við uppábrot. ÞUMALL VINSTRI VETTLINGUR: Dragið út þráðinn sem prjónaður var yfir 8 lykkjur fyrir opi fyrir þumal og setjið lykkjurnar á sokkaprjón 3, prjónið að auki upp 1 lykkju í annarri hlið á þumli og 2 lykkjur í hinni hliðinni á þumli (með litnum bensín) = 18 þumallykkjur á prjóni. Munið eftir LEIÐBEININGAR-1 og prjónið A.3 hringinn. Þegar þumallinn mælist ca 5-5½ cm, byrjar úrtaka efst á þumli (nú er eftir ca 1 cm að loka máli, mátið e.t.v. vettlinginn og prjónið þumalinn að óskaðri lengd). Setjið 1 prjónamerki í hvora hlið á þumli þannig að það verða 9 lykkjur hvoru megin við bæði prjónamerkin. Í næstu umferð er fækkað um 1 lykkju hvoru megin við bæði prjónamerkin – sjá ÚRTAKA-2. Fækkið lykkjum í hverri umferð alls 3 sinnum = 6 lykkjur eftir. Klippið frá, þræðið þráðinn í gegnum þær lykkjur sem eftir eru, herðið á þræði og festið vel. Þumallinn mælist ca 6-6½ cm ofan frá og niður. HÆGRI VETTLINGUR: Fitjið upp 50-50 lykkjur á sokkaprjón 3 með litnum bensín. Prjónið 8 umferðir sléttprjón fyrir fald. Næsta umferð er prjónuð þannig: * Prjónið 2 lykkjur slétt saman, sláið 1 sinni uppá prjóninn *, prjónið frá *-* umferðina hringinn (= uppábrot). Setjið 1 prjónamerki í umferð, stykkið er nú mælt frá prjónamerki. Prjónið 8 umferðir sléttprjón með litnum bensín. Prjónið A.2 hringinn (= 5-5 mynstureiningar með 10 lykkjum). Þegar stykkið mælist ca 11-12 cm frá prjónamerki (stillið af lengdina við vinstra vettlingi), prjónið að prjónamerki fyrir op fyrir þumal þannig: Prjónið 27 lykkjur sléttprjón með litnum bensín, prjónið 8 lykkjur sléttprjón fyrir op fyrir þumal með þræði í öðrum lit, prjónið síðan þær 15 lykkjur sem eftir eru í sléttprjóni með litnum bensín. Haldið áfram með mynstur eins og áður yfir allar lykkjur. Þegar stykkið mælist ca 21-23 cm frá prjónamerki, byrjið úrtöku efst á vettlingi (stillið af lengdina eftir vinstri vettlingi). Setjið 1 prjónamerki í byrjun á umferð og 1 prjónamerki eftir 25-25 lykkjur. Í næstu umferð er fækkað um 1 lykkju hvoru megin við bæði prjónamerkin – sjá ÚRTAKA-1. Fækkið lykkjum svona í hverri umferð alls 11 sinnum í báðum stærðum = 6-6 lykkjur eftir. Klippið frá, þræðið þráðinn í gegnum þær lykkjur sem eftir eru, herðið á þræði og festið vel. Vettlingurinn mælist ca 24-26 cm ofan frá og niður að prjónamerki við uppábrot. ÞUMALL HÆGRI VETTLINGUR: Prjónið þumal á sama hátt og á vinstri vettlingi. FRÁGANGUR: Brjótið uppá stykkið við faldinn að röngu og saumið niður með smáu fínu spori. |
|||||||||||||
Skýringar á teikningu |
|||||||||||||
|
|||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (21)
Kerstin wrote:
Jättefin mössa! En sådan vill jag sticka!
05.07.2019 - 13:53