Winter Iris Cardigan |
|||||||
|
|
||||||
Prjónuð peysa úr DROPS Air. Stykkið er prjónað ofan frá og niður með laskalínu og háum, tvöföldum kanti í hálsmáli. Stærð XS - XXL.
DROPS 243-19 |
|||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1. Mynsturteikning sýnir allar umferðir í mynstri séð frá réttu. LASKALÍNA: Aukið út um 1 lykkju á undan / eftir A.1 í hverri skiptingu á milli framstykkja / bakstykkis og erma. Aukið út um 1 lykkju með því að slá 1 sinni uppá prjóninn. Uppslátturinn er prjónaður í frá röngu þannig: Á UNDAN A.1: Prjónið uppsláttinn brugðið í aftari lykkjubogann. Það á ekki að myndast gat. Á EFTIR A.1: Lyftið uppslættinum af vinstri prjóni og setjið til baka yfir á vinstri prjón, nema í gagnstæða átt (stingið inn vinstri prjóni aftan frá þegar uppslátturinn er settur til baka á prjóninn). Prjónið uppsláttinn brugðið í fremri lykkjubogann. Það á ekki að myndast gat. ÚRTAKA (á við um miðju undir ermum): Fækkið um 1 lykkju hvoru megin við lykkju með merkiþræði þannig: Prjónið þar til 3 lykkjur eru eftir á undan merkiþræði, prjónið 2 lykkjur slétt saman, prjónið 2 lykkjur slétt (lykkja með merkiþræði er miðjulykkja á þessum 3 lykkjum), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð. HNAPPAGAT: Fellið af fyrir hnappagötum í hægri kanti að framan (séð þegar flíkin er mátuð). Fellið af frá réttu þegar 4 lykkjur eru eftir í umferð þannig: Sláið 1 sinni uppá prjóninn, prjónið 2 næstu lykkjur slétt saman og prjónið síðustu 2 lykkjur slétt slétt. Í næstu umferð (ranga) er uppslátturinn prjónaður slétt svo að það myndist gat. Fellið af fyrir fyrsta hnappagatinu í fyrstu umferð frá réttu á eftir stroffi í hálsmáli. Síðan er fellt af fyrir 4-4-5-5-6-6 næstu hnappgötum með ca 11-11-9½-10-8½-9 cm millibili. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Tvöfaldur kantur í hálsmáli og berustykkið er prjónað fram og til baka á hringprjóna frá miðju að framan, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað fram og til baka á hringprjóna. Ermar eru prjónaðar í hring á sokkaprjóna / stuttan hringprjón. TVÖFALDUR KANTUR Í HÁLSMÁLI: Fitjið upp 76-88-88-92-92-104 lykkjur á hringprjón 5 með DROPS Air. Prjónið 1 umferð brugðið. Skiptið yfir á hringprjón 4. Prjónið síðan stroffprjón frá réttu þannig: 1 lykkja GARÐAPRJÓN – lesið útskýringu að ofan, * 2 lykkjur slétt, 2 lykkjur brugðið *, prjónið frá *-* þar til eftir eru 3 lykkjur í umferð, prjónið 2 lykkjur slétt og 1 lykkju í garðaprjóni. Haldið svona áfram með stroff í 8 cm. Í lok næstu 2 umferða eru fitjaðar upp 5 nýjar lykkjur – nú er prjónað stroff með 6 kantlykkjum að framan í garðaprjóni í hvorri hlið (stroffið byrjar og endar með 2 lykkjur slétt við hvorn kant að framan) = 86-98-98-102-102-114 lykkjur. Prjónið svona þar til stroffið mælist 16 cm. Þegar stroffið hefur verið prjónað til loka, prjónið næstu umferð frá réttu þannig: Prjónið 6 kantlykkjur að framan í garðaprjóni, sléttprjón yfir næstu 10-14-14-14-14-18 lykkjur og aukið jafnframt út 1-0-0-2-3-2 lykkjur jafnt yfir (= 11-14-14-16-17-20 lykkjur), prjónið A.1 yfir næstu 6 lykkjur, prjónið sléttprjón yfir næstu 6 lykkjur og aukið út um 1 lykkju (= 7 lykkjur), prjónið A.1 yfir næstu 6 lykkjur, prjónið sléttprjón yfir næstu 18-22-22-26-26-30 lykkjur og aukið jafnframt út 5-7-7-7-9-11 lykkjur jafnt yfir (= 23-29-29-33-35-41 lykkjur), prjónið A.1 yfir næstu 6 lykkjur, prjónið sléttprjón yfir næstu 6 lykkjur og aukið út 1 lykkju (= 7 lykkjur), prjónið A.1 yfir næstu 6 lykkjur, prjónið sléttprjón yfir næstu 10-14-14-14-14-18 lykkjur og aukið jafnframt út 1-0-0-2-3-2 lykkjur jafnt yfir (= 11-14-14-16-17-20 lykkjur), prjónið 6 kantlykkjur að framan í garðaprjóni – munið eftir HNAPPAGAT í hægri kanti að framan – lesið útskýringu að ofan = 95-107-107-115-119-131 lykkjur. Prjónið 1 umferð til baka í mynstri frá röngu. Setjið 1 prjónamerki eftir kant að framan í byrjun á umferð mitt að framan, berustykkið er nú mælt frá þessu prjónamerki! BERUSTYKKI: Skiptið yfir á hringprjón 5. Í næstu umferð frá réttu byrjar útaukning fyrir LASKALÍNA – lesið útskýringu að ofan og prjónið þannig: 6 kantlykkjur að framan í garðaprjóni, 11-14-14-16-17-20 lykkjur sléttprjón (vinstra framstykki), A.1, 7 lykkjur sléttprjón (ermi), A.1,11-14-14-16-17-20 lykkjur sléttprjón (hægra framstykki) og 6 kantlykkjur að framan í garðaprjóni. Haldið svona áfram með mynstur og aukið út í annarri hverri umferð (hverri umferð frá réttu) alls 18-20-23-24-25-27 sinnum = 239-267-291-307-319-347 lykkjur. ATHUGIÐ PRJÓNFESTUNA! Nú eru útaukningu á ermum er lokið. Útaukning heldur áfram á framstykkjum og bakstykki 2-1-1-1-2-3 sinnum til viðbótar (= 18-20-23-24-25-27 lykkjur fleiri í hvorri hlið á ermum og 20-21-24-25-27-30 lykkjur fleiri við laskalínu á framstykkjum og bakstykki) = 247-271-295-311-327-359 lykkjur. Prjónið áfram í sléttprjóni og A.1, án þess að auka út, þar til stykkið mælist 20-20-22-24-26-28 cm frá prjónamerki á eftir kanti í hálsmáli. Nú skiptist stykkið fyrir fram- og bakstykki og ermar þannig: Prjónið fyrstu 40-44-47-50-53-59 lykkjur (framstykki), setjið næstu 49-53-59-61-63-67 lykkjur á þráð fyrir ermi, fitjið upp 9-9-9-11-11-11 nýjar lykkjur á prjóninn (í hlið undir ermi), prjónið næstu 69-77-83-89-95-107 lykkjur (bakstykki), setjið næstu 49-53-59-61-63-67 lykkjur á þráð fyrir ermi, fitjið upp 9-9-9-11-11-11 nýjar lykkjur á prjóninn (í hlið undir ermi), prjónið síðustu 40-44-47-50-53-59 lykkjur (framstykki). Síðan er fram- og bakstykki og ermar prjónað til loka hvert fyrir sig. Héðan er nú stykkið mælt! FRAM- OG BAKSTYKKI: = 167-183-195-211-223-247 lykkjur. Haldið áfram fram og til baka með kantlykkjum að framan í garðaprjóni, sléttprjóni, sléttar lykkjur yfir sléttar lykkjur og brugðnar lykkjur yfir brugðnar lykkjur yfir þær lykkjur sem eftir eru frá A.1, nýjar lykkjur í hlið undir ermum eru prjónaðar í sléttprjóni. Þegar stykkið mælist 24-26-26-26-26-26 cm frá skiptingu, prjónið næstu umferð frá réttu þannig: 6 kantlykkjur að framan í garðaprjóni, sléttar lykkjur yfir næstu 31-35-38-41-44-50 lykkjur og aukið jafnframt út 3-3-4-5-6-8 lykkjur jafnt yfir (= 34-38-42-46-50-58 lykkjur), prjónið 2 lykkjur brugðið, 1 lykkja slétt, prjónið sléttar lykkjur yfir næstu 9-9-9-11-11-11 lykkjur og aukið jafnframt út 3-3-3-5-5-5 lykkjur jafnt yfir (= 12-12-12-16-16-16 lykkjur), prjónið 1 lykkju slétt, 2 lykkjur brugðið, prjónið sléttar lykkjur yfir næstu 63-71-77-83-89-101 lykkjur og aukið jafnframt út 11-11-13-15-17-17 lykkjur jafnt yfir (= 74-82-90-98-106-118 lykkjur), prjónið 2 lykkjur brugðið, 1 lykkja slétt, prjónið sléttar lykkjur yfir næstu 9-9-9-11-11-11 lykkjur og aukið jafnframt út 3-3-3-5-5-5 lykkjur jafnt yfir (= 12-12-12-16-16-16 lykkjur), prjónið 1 lykkju slétt, 2 lykkjur brugðið, prjónið sléttar lykkjur yfir næstu 31-35-38-41-44-50 lykkjur og aukið jafnframt út 3-3-4-5-6-8 lykkjur jafnt yfir (= 34-38-42-46-50-58 lykkjur), 6 kantlykkjur að framan í garðaprjóni = 188-204-220-244-260-288 lykkjur. Skiptið yfir á sokkaprjón 4. Næsta umferð er prjónuð frá röngu þannig: 6 kantlykkjur að framan í garðaprjóni * 2 lykkjur brugðið, 2 lykkjur slétt *, prjónið frá *-* þar til 8 lykkjur eru eftir, 2 lykkjur brugðið og 6 kantlykkjur að framan í garðaprjóni. Haldið svona áfram með stroff í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca 52-54-56-58-60-62 cm frá öxl og niður. ERMI: Setjið 49-53-59-61-63-67 lykkjur af þræði í annarri hlið á stykki á stuttan hringprjón / sokkaprjóna 5 og prjónið að auki upp 1 lykkju í hverja af 9-9-9-11-11-11 lykkjum sem fitjaðar voru upp í hlið undir ermum = 58-62-68-72-74-78 lykkjur. Setjið merkiþráð í miðju lykkju af þeim nýju lykkjum sem fitjaðar voru upp undir ermi. Látið merkiþráðinn fylgja með í stykkinu. Það á að nota hann síðar þegar fækka á lykkjum undir ermi. Haldið áfram hringinn í sléttprjóni. Þegar ermin mælist 4 cm frá skiptingu, fækkið um 1 lykkju hvoru megin við merkiþráðinn undir ermi – lesið ÚRTAKA. Fækkið lykkjum svona með ca 6-5-3½-2½-2½-2 cm millibili alls 5-6-8-9-9-10 sinnum = 48-50-52-54-56-58 lykkjur. Prjónið áfram þar til ermin mælist 32-32-31-29-28-25 cm frá skiptingu. Prjónið 1 umferð slétt þar sem aukið er út um 8-6-8-10-8-10 lykkjur jafnt yfir = 56-56-60-64-64-68 lykkjur. Skiptið yfir á sokkaprjóna 4 og prjónið stroff (2 lykkjur slétt, 2 lykkjur brugðið) hringinn í 9 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Ermin mælist ca 41-41-40-38-37-34 cm frá skiptingu. Prjónið hina ermina á sama hátt. FRÁGANGUR: Brjótið niður stroffið efst í hálsmáli að innanverðu á stykki. Saumið það niður þannig að það myndist tvöfaldur kantur í hálsmáli. Til að kanturinn dragi ekki stykkið saman og beygist út, er mikilvægt að saumurinn sé teygjanlegur. Saumið saman op mitt framan í köntum að framan með smáu spori. Saumið tölur í vinstri kant að framan. |
|||||||
Skýringar á teikningu |
|||||||
|
|||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (8)
Cathy Van Beek wrote:
Ik snap deze beschrijving niet van de raglan. “De omslagen worden recht gebreid aan de verkeerde kant. Voor A1: Brei averecht in de achterste lus – geen gaatje. NA A.1: Haal de omslag van de linker naald af en zet hem omgekeerd terug op de naald (voeg de linker naald in de achterkant als u hem terug zet). Brei averecht in de voorste lus – geen gaatje.” In de 1e zin staat dat ik de omslag recht gebreid moet worden en daarna wordt 2x gesproken over de omslag averecht breien…..
18.02.2024 - 15:47DROPS Design answered:
Dag Cathy,
Het stond inderdaad niet goed omschreven, het is veranderd in 'De omslagen worden aan de verkeerde kant gemaakt.'
25.02.2024 - 11:16Voigt wrote:
^toll
27.09.2023 - 05:21Anna wrote:
Kommer mönstret på svenska?
20.09.2023 - 12:59DROPS Design answered:
Hej Anna. Nu finns mönstret på svenska. Mvh DROPS Design
22.09.2023 - 12:01Lígia Rodrigues wrote:
Lilac Cloud
07.08.2023 - 10:05Danielle Llorens wrote:
Douce lavande
06.08.2023 - 16:25Ida Varani wrote:
Warm lavender
05.08.2023 - 11:05Conni Foged wrote:
Cozy elegance
04.08.2023 - 16:11Gudrun Heide wrote:
Purple dream
03.08.2023 - 16:47