DROPS Brushed Alpaca Silk uni colour 77% Alpakka, 23% Silki |
836.00 kr /25g |
Panta |
Þegar smellt er á PANTA hnappinn þá verður þér vísað á heimasíðu Handverkskúnst
Þegar smellt er á PANTA hnappinn þá verður þér vísað á heimasíðu Handverkskúnst
Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!
-------------------------------------------------------
Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér
-------------------------------------------------------
DROPS Brushed Alpaca Silk uni colour 77% Alpakka, 23% Silki 836.00 kr /25g Panta |
Þegar smellt er á PANTA hnappinn þá verður þér vísað á heimasíðu Handverkskúnst
Þegar smellt er á PANTA hnappinn þá verður þér vísað á heimasíðu Handverkskúnst
Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!
= slétt frá réttu, brugðið frá röngu | |
= brugðið frá réttu, slétt frá röngu | |
= á milli 2 lykkja er slegið 1 sinni uppá prjóninn | |
= 2 lykkjur slétt saman | |
= lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð | |
= prjónstefna |
Hvert mynstur okkar hefur sérstök kennslumyndbönd til að hjálpa þér.
Þessi skref - fyrir - skref kennslumyndbönd gætu aðstoðað þig:
Af hverju er prjón-/heklfesta svo mikilvæg?
Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.
Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.
Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.
Sjá DROPS kennsla: Hvernig á að mæla prjónfestu
Sjá DROPS myndband: Hvernig á að kanna prjónfestu /gera prufu
Hvernig veit ég hversu margar dokkur ég þarf af garni?
Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.
Get ég notað annað garn en sem stendur í mynstri?
Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.
Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.
Sjá DROPS kennsla: Get ég notað annað garn en það sem gefið er upp í mynstri?
Hvað er garnflokkur?
Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.
Smelltu hér til að fá yfirlit yfir garn í hverjum garnflokki
Hvernig nota ég garnreiknivélina?
Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).
Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.
Af hverju gefið þið upp garn sem hætt er í framleiðslu í mynstrunum?
Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.
Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.
Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.
Hvaða stærð á ég að prjóna?
Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.
Þú finnur stærðartöfluna neðst á mynstrinu.
Af hverju fæ ég aðra prjónfestu með uppgefinni prjónastærð?
Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.
Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.
Sjá DROPS Kennsla: Hvernig á að mæla prjónfestu
Sjá DROPS myndband: Hvernig á að kanna prjónfestu / gera prufu
Af hverju er mynstrið unnið frá toppi og niður?
Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.
Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.
Hvernig á að prjóna samkvæmt mynsturteikningu?
Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.
Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.
Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.
Sjá DROPS Kennsla: Hvernig á að lesa prjón mynsturteikningu
Hvernig á að hekla samkvæmt mynsturteikningu?
Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..
Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.
Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.
Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.
Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.
Sjá DROPS Kennsla: Hvernig á að lesa hekl mynsturteikningu
Hvernig á að lesa nokkrar mynsturteikningar samtímis í sömu umferð/hring
Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.
Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.
Sjá DROPS Kennsla: Hvernig á að lesa prjón mynsturteikningu
Sjá DROPS Kennsla: Hvernig á að lesa hekl mynsturteikningu
Af hverju eru ermar styttri í stærri stærðum?
Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.
Hvar á flíkinni er lengdin mæld?
Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.
Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.
Sjá DROPS Kennsla: Hvernig á að lesa úr stærðarteikningu
Hvað er endurtekning?
Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.
Af hverju byrjar stykkið á fleiri loftlykkjum en sem unnið er með?
Af hverju er aukið út á undan stroff kanti þegar stykkið er unnið ofan frá og niður?
Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.
Af hverju er slegið uppá prjóninn ásamt því að fella af?
Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.
Sjá DROPS myndband: Hvernig á að fella af með uppslætti
Hvernig á að auka út/fella af í 3. og 4. hverri umferð?
Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.
Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð
Hvernig get ég gert peysu í hring í stað fram- og til baka?
Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.
Sjá DROPS kennslumyndband: Hvernig á að klippa upp fyrir handveg
Get ég prjónað peysu fram og til baka í stað þess að prjóna í hring?
Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.
Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?
Af hverju er mynstrið aðeins öðruvísi en sem ég sé á myndinni?
Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.
Vertu bara viss um að fylgja vel leiðbeiningunum og skýringum á mynsturteikningu fyrir þína stærð!
Hvernig breyti ég kvenmanns stærð á peysu yfir í karlmanns stærð?
Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.
Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.
Hvernig er hægt að koma í veg fyrir að trefjar losni frá loðnum flíkum?
Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.
Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:
1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.
2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.
3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.
4. Þvoðu flíkina samkvæmt leiðbeiningum á leiðbeiningar miða á garninu.
Af hverju hnökrar flíkin mín?
Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.
Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.
Greek Melody |
|||||||||||||||||||
|
|
||||||||||||||||||
Prjónuð peysa með röndum, gatamynstri og sjalkraga. Stærð S - XXXL. Hægt er að prjóna stykkið með 2 þráðum DROPS Brushed Alpaca Silk eða 1 þræði DROPS Melody.
DROPS 186-39 |
|||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað í hring): *1 umferð slétt og 1 umferð brugðið*, endurtakið frá *-*. GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR (á við um kant að framan): Sjá mynsturteikningu A.1 og A.2. Mynsturteikning sýnir allar umferðir í mynstri séð frá réttu. Endurtakið A.1 og A.2 á hæðina (= 12 umferðir). RENDUR-1 (á við um fram- og bakstykki): RÖND 1: Prjónið 26-27-28-29-30-31 cm með 2 þráðum í litnum ljós grár Brushed Alpaca Silk eða 1 þræði í litnum perlugrár Melody. RÖND 2: Prjónið 26-27-28-29-30-31 cm með 2 þráðum í litnum ljós sægrænn Brushed Alpaca Silk eða 1 þræði í litnum ljós sægrænn Melody. Prjónið síðan með 2 þráðum í lintum natur Brushes Alpaca Silk eða 1 þræði í litnum natur Melody til loka. RENDUR-2 (á við um ermar): RÖND 1: Prjónið 3½-3½-3½-3-3-3 cm með 2 þráðum í litnum ljós sægrænn Brushed Alpaca Silk eða 1 þræði í litnum sægrænn Melody. RÖND 2: Prjónið 3½-3½-3½-3-3-3 cm með 2 þráðum í litnum ljós grár Brushed Alpaca Silk eða 1 þræði í litnum perlugrár Melody. RÖND 3: Prjónið 3½-3½-3½-3-3-3 cm með 2 þráðum í litnum natur Brushed Alpaca Silk eða 1 þræði í litnum natur Melody. Endurtakið rönd 1-3 2 sinnum til viðbótar, síðan er endurtekin rönd 1 1 sinni til viðbótar. Prjónið síðan með 2 þráðum í litnum ljós grár Brushed Alpaca Silk eða 1 þræði í litnum perlugrár Melody til loka. ÚRTAKA: Byrjið 3 lykkjum á undan prjónamerki: Prjónið 2 lykkjur slétt saman, prjónið 2 lykkjur slétt (prjónamerki er staðsett á milli þessa lykkja), takið 1 lykkju óprjónaða, prjónið 1 lykkju slétt, steypið óprjónuðu lykkjunni yfir lykkjuna sem var prjónuð. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er prjónað fram og til baka á hringprjón frá miðu að framan, neðan frá og upp að handveg. Síðan er framstykki og bakstykki prjónað fram og til baka á hringprjón hvort fyrir sig. Ermar eru prjónaðar í hring á stuttan hringprjón/sokkaprjóna, ofan frá og niður. PEYSA: Fitjið upp 140-148-160-174-186-202 lykkjur (meðtaldar 12-12-12-14-14-14 kantlykkjur að framan í hvorri hlið á stykki) á hringprjón 7 með 2 þráðum í litnum ljós grár Brushed Alpaca Silk eða 1 þræði í litnum perlugrár Melody – lesið RENDUR-1. Prjónið 6 umferðir GARÐAPRJÓN – sjá útskýringu að ofan. Skiptið yfir á hringprjón 8. Prjónið síðan þannig – frá réttu: Prjónið A.1 yfir fyrstu 12-12-12-14-14-14 lykkjur (= kantlykkjur að framan), prjónið sléttprjón þar til eftir eru 12-12-12-14-14-14 lykkjur, prjónið A.2 yfir síðustu 12-12-12-14-14-14 lykkjur (= kantlykkjur að framan) – lesið MYNSTUR. Setjið 1 prjónamerki í hvora hlið, 38-40-43-47-50-54 lykkjur inn frá miðju að framan (bakstykki = 64-68-74-80-86-94 lykkjur). ATHUGIÐ PRJÓNFESTUNA! Þegar stykkið mælist 19 cm er fækkað um 2 lykkjur við hvort prjónamerki (= 4 lykkjur færri) – lesið ÚRTAKA. Fækkið lykkjum svona með 17-18-19-20-21-22 cm millibili alls 3 sinnum = 128-136-148-162-174-190 lykkjur. Þegar stykkið mælist 57-59-61-63-65-67 cm prjónið næstu umferð frá réttu þannig: Prjónið fyrstu 33-35-38-42-45-49 lykkjur, fellið af næstu 4 lykkjur fyrir handveg (= 2 lykkjur hvoru megin við prjónamerki), prjónið næstu 54-58-64-70-76-84 lykkjur, fellið af næstu 4 lykkjur fyrir handveg, prjónið 33-35-38-42-45-49 lykkjur. Prjónið síðan hvort stykki til loka fyrir sig. BAKSTYKKI: = 54-58-64-70-76-84 lykkjur. Haldið áfram í sléttprjóni eins og áður. Þegar stykkið mælist 75-78-81-84-87-90 cm fellið af miðju 10-10-10-12-12-12 lykkjur fyrir hálsmái og hvor öxl er prjónuð til loka fyrir sig. Fellið af 1 lykkju í næstu umferð frá hálsi = 21-23-26-28-31-35 lykkjur. Prjónið síðan áfram þar til stykkið mælist 77-80-83-86-89-92 cm og fellið af. Prjónið hina öxlina á sama hátt. HÆGRA FRAMSTYKKI: = 33-35-38-42-45-49 lykkjur. Haldið áfram með mynstur A.1 yfir kantlykkjur að framan eins og áður og sléttprjóni yfir þær lykkjur sem eftir eru. Þegar stykkið mælist 77-80-83-86-89-92 cm fellið af fyrstu 21-23-26-28-31-35 lykkjur frá röngu fyrir öxl, prjónið út umferðina = 12-12-12-14-14-14 lykkjur eftir á prjóni fyrir sjalkraga. Prjónið stuttar umferðir í garðaprjóni yfir þessar lykkjur með byrjun frá réttu þannig: Prjónið 1 umferð yfir fyrstu 8-8-8-9-9-9 lykkjur, snúið og prjónið til baka, prjónið 1 umferð yfir allar lykkjur, snúið og prjónið til baka. Haldið svona áfram þar til kantur í hálsmáli mælist 6-6-6-7-7-7 cm þar sem er styst. Fellið af. VINSTRA FRAMSTYKKI: Prjónið eins og hægra framstykki, nema gagnstætt. Þ.e.a.s. haldið áfram með mynstur A.2 yfir kantlykkjur að framan, fellið af fyrstu 21-23-26-28-31-35 lykkjur frá réttu fyrir öxl og prjónið stuttar umferðir yfir kant í hálsmáli með byrjun frá röngu. ERMI: Stykkið er prjónað í hring á stuttan hringprjón/sokkaprjóna, skiptið yfir á sokkaprjóna eftir þörf. Fitjið laust upp 48-50-53-55-58-60 lykkjur á stuttan hringprjón 8 með 2 þráðum í litnum natur Brushed Alpaca Silk eða 1 þræði í litnum natur Melody. Prjónið 1 umferð sléttprjón. Prjónið síðan sléttprjón og RENDUR-2. Setjið 1 prjónamerki í byrjun á umferð = mitt undir ermi. Þegar stykkið mælist 3 cm er fækkað um 1 lykkju hvoru megin við prjónamerki – munið eftir ÚRTAKA (= 2 lykkjur færri). Fækkið lykkjum svona með 4-3½-3½-3-2½-2½ cm millibili alls 10-11-11-12-13-13 sinnum = 28-28-31-31-32-34 lykkjur. Þegar stykkið mælist 42-41-40-38-37-34 cm (styttra mál í stærri stærðum vegna breiðari axla) skiptið yfir á sokkaprjón 7. Prjónið 6 umferðir GARÐAPRJÓN – sjá útskýringu að ofan. Fellið af – til að affellingarkanturinn verði ekki stífur er hægt að fella af með 1 númeri grófari prjónum. Prjónið hina ermina á sama hátt. FRÁGANGUR: Saumið axlasauma. Saumið saman sjalkragann við miðju að aftan (saumurinn á að snúa inn þegar kraginn er brotinn niður að aftan). Saumið kragann við hálsmál aftan í hnakka. Saumið ermar í. SNÚRA: Peysan er með 2 snúrur. 1 snúra = Klippið 4 þræði í litnum ljós grár Brushed Alpaca Silk eða 2 þræði í litnum perlugrár Melody ca 1,5 metra. Tvinnið þræðina saman þar til þeir taka í, leggið snúruna saman tvöfalda og þá kemur hún til með að tvinna sig aftur saman. Hnýtið hnút í annan endann og hnýtið hnút ca 10 cm frá kanti í hinum endanum (snúran á að vera ca 50 cm í lokin, klippið e.t.v. snúruna til í rétta lengd). Þræðið snúruna í gegnum trékúlu og hnýtið hnút – gerið 1 skúf (= Klippið 16 þræði í litnum ljós grár Brushed Alpaca Silk eða 8 þræði í litnum perlugrár Melody ca 16 cm) og hnýtið aftur hnút (með þræðinum frá snúrunni) mitt í skúfinn. Leggið skúfinn saman tvöfaldan og hnýtið þráð ca 1 ½ cm niður frá trékúlunni, í kringum skúfinn. Klippið neðri kantinn á skúfnum til. Festið snúruna í vinstri hlið að utan verðri peysunni ca 10 cm niður frá handveg (mátið e.t.v. peysuna og stillið staðsetninguna á snúrunni). Gerið aðra snúru til viðbótar á sama hátt og festið yst á kant að framan í hægra framstykki ca 28-29-30-31-32-33 cm frá öxl og niður. |
|||||||||||||||||||
Skýringar á teikningu |
|||||||||||||||||||
|
|||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Með yfir 40 ára prjóna- og hekl hönnun, býður DROPS Design uppá eitt umfangsmesta vöruúrval af mynstrum án endurgjalds á netinu – þýdd á 17 tungumálum. Í dag þá erum við komin í 304 vörulista og 11422 mynstur - 6940 mynstur sem eru þýdd á íslensku.
Við vinnum hörðum höndum við að færa þér það besta sem prjón og hekl hefur uppá að bjóða, innblástur, ráðgjöf og auðvitað frábært gæða garn á ótrúlegu verði! Langar þig að nota mynstrin okkar fyrir annað en til einkanota? Þú getur lesið hér ákvæði hvað leyfilegt er að gera í textanum Copyright em> sem er neðst á öllum mynstrunum okkar.
Athugasemdir / Spurningar (28)
Claudia wrote:
Guten Tag, Bei einer Länge von 19 cm 2 Maschen an jedem Markierungsfaden abnehmen (= 4 Maschen abgenommen) Sollen die Abnahmen im Rückenteilbereich stattfinden??
14.04.2024 - 13:10DROPS Design answered:
Liebe Claudia, es wird jeweils 4 Maschen abgenommen: 2 an jeder Seite - siehe ABNAHMETIPP, dh 1 Masche beim jeden Vorderteil und 2 Maschen beim Rückenteil. Viel Spaß beim Stricken!
15.04.2024 - 08:37Lisa Egebo wrote:
Brushed Alpaca Silk er i nøgler à 25 g og løber ca. 140 cm. Melody er i nøgler à 50 g og løber også ca. 140 cm. Men hvorfor skal man så købe lige mange gram af hver garntype?
18.06.2021 - 14:16Benthe Gundersen wrote:
Hei igjen :) Takk for superraskt svar :)\r\nNår jeg begynner med mønster A2 så står det at jeg skal ha 1 kast på kroken, og 2 sammen. Hvis jeg sløyfer kastet så blir det rett...da blie det 5 hull..:D
02.06.2021 - 13:04Benthe Gundersen wrote:
Hei :) Når jeg strikker hullene i stolpene...mønster .A1 og A2 så får jeg 5 hull i A1 og 6 hull i A2 stolpen..stemmer dette?? Skal det ikke være like mange hull på hver side?
01.06.2021 - 23:47DROPS Design answered:
Hej Benthe, jo der skal være lige mange huller i stolperne - kan du have 1 omslag for meget i den ene ? :)
02.06.2021 - 12:25Tove Hansen wrote:
Trenger hjelp for å sy sammen,skjønner ikke helt hvordan stolpene skal festes, finnes et film......?
09.10.2020 - 13:33DROPS Design answered:
Hei Tove. Vi har dessverre ingen film på akkurat dette. Men når du er ferdig med forstykkene, syr du de to avfellingskantene sammen, bak i nakken. Se evnt hjelpevideo på : Hvordan montere med usynlig maskesting. Evnt se: Instruksjnsvideoer - Montering - Sy sammen, kanskje noen video der kan hjelpe deg. Deretter sys kragen til halsrigningen bak i nakken med små sting. God Fornøyelse!
12.10.2020 - 13:34Tove Hansen wrote:
Har ikke strikket mye, men her står det at en skal strikke med to tråder, vil det si dobbel tråd, to nøster samtidig..., tror kanskje jeg har gjort feil, striker bare med et nøste av gangen🤔
10.09.2020 - 16:04DROPS Design answered:
Hej Tove. Om du stickar med garnet Brushed Alpaca Silk så ska du sticka med två trådar (=dubbel tråd) men stickar du med garnet Melody ska du kun sticka med 1 tråd. Mvh DROPS Design
11.09.2020 - 07:12Michelle wrote:
Continuer ainsi jusqu'à ce que le col mesure 6-6-6-7-7-7 cm au plus étroit bonjour, que voulez vous dire au plus étroit?? et à partir du début des rang raccourci ou à partir du rabat des épaules? sur les 9 m du rang raccourci ou sur les 5 m qui restent? merci
22.04.2020 - 07:48DROPS Design answered:
Bonjour Michelle, mesurez votre col du côté mailles rabattues pour l'épaule (en fin de rang, vu sur l'endroit), du côté où vous avez tricoté moins de rangs, l'autre côté (côté extérieur du col, début de rang sur l'endroit) doit mesurer approximativement le double. Bon tricot!
22.04.2020 - 08:37Michelle wrote:
Bonsoir.. juste pour être sur de moi. Ici : Monter 140-148-160-174-186-202 mailles (y compris 12-12-12-14-14-14 mailles de bordure devant de chaque côté de l'ouvrage) avec l'aiguille circulaire 7 les maillles des bordures sont elles prise en compte dans le comptage des mailles a monter ou faut il les ajouter? merci
31.03.2020 - 23:30DROPS Design answered:
Bonjour Michelle, les bordures des devants sont comprises dans le nombre de mailles à monter dès le début, vous n'avez pas à les monter en plus. Bon tricot!
01.04.2020 - 08:23Margot wrote:
Jeg vil strikke denne model i Helpatent hvor meget garn skal jeg så bruge mere? I L Vh Margot
02.03.2020 - 14:10DROPS Design answered:
Hej Margot, du kan prøve at sammenligne målene med denne og se hvor meget garn der skal bruges. Searching for Spring Jacket Prøv også gerne vores garnomregner :)
03.03.2020 - 15:15CHRISTINE BAKER wrote:
I'm knitting this sweater again in a smaller size. However, just want to confirm the cast on 140 stitches - do I have to add 12 on each side - making it 164 stitches?
04.01.2020 - 03:06DROPS Design answered:
Dear Christine, for the smallest size you should cast on 140 stitches that INCLUDES the 12 stitches for the band on both sides, so you do not have to add them. Happy Knitting!
04.01.2020 - 10:23