Cool Cables Set |
|||||||||||||||||||||||||||||||
|
|
||||||||||||||||||||||||||||||
Prjónuð peysa, hálsskjól með axlarsæti og vettlingar úr DROPS Merino Extra Fine. Allt settið er prjónað með köðlum með köntum í stroffprjóni.
DROPS 214-25 |
|||||||||||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Húfa: Sjá mynsturteikningu A.1 og A.2. Hálsskjól: Sjá mynsturteikningu A.3, A.4 og A.5. Vettlingar: Sjá mynsturteikningu A.6, A.7 og A.8. Mynsturteikning sýnir allar umferðir í mynstri séð frá réttu. ÚTAUKNING/ÚRTAKA (jafnt yfir): Til þess að reikna út hvernig fjölga/fækka eigi lykkjum jafnt í umferð, teljið fjölda lykkja í umferð (t.d. 108 lykkjur) og deilið þeim lykkjum sem eftir eru með fjölda útaukninga/úrtöku sem á að gera (t.d. 24) = 4,5. Í þessu dæmi er aukið út með því að slá 1 sinni uppá prjóninn til skiptis á eftir eftir 4. og 5. hverja lykkju. Í næstu umferð er uppslátturinn prjónaður snúinn svo ekki myndist gat. Ef fækka á lykkjum þá er prjónuð í þessu dæmi til skiptis 3. og 4. hver lykkja og 4. og 5. hver lykkja slétt saman. ÚTAUKNING-1 (á við um útaukning fyrir axlarsæti): Á UNDAN PRJÓNAMERKI: Nýja lykkjan verður snúin til hægri. Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að aftan og lykkjan er prjónuð slétt í fremri lykkjubogann. Á EFTIR PRJÓNAMERKI: Nýja lykkjan verður snúin til vinstri. Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að framan og lykkjan er prjónuð slétt í aftari lykkjubogann. ÚTAUKNING-2 (á við um útaukningu fyrir þumal): Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn slétt, svo ekki myndist gat. Prjónið síðan nýjar lykkjur í sléttprjóni. ÚRTAKA (á við um efst á vettlingum): Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa 2 lykkja), lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 2 lykkjur færri við prjónamerki). ------------------------------------------------------- BYRJIÐ Á STYKKI HÉR: ------------------------------------------------------- HÚFA – STUTT ÚTSKÝRING Á STYKKI: Stykkið er prjónað í hring á hringprjóna neðan frá og upp. Skiptið yfir á sokkaprjóna eftir þörf. HÚFA: Fitjið upp 108-108 lykkjur á stuttan hringprjón 3 með Merino Extra Fine. Prjónið stroff hringinn (= 2 lykkjur slétt, 2 lykkjur brugðið) í 14-18 cm. Skiptið yfir á stuttan hringprjón 4. Prjónið 1 umferð slétt þar sem aukið er út um 24-24 lykkjur jafnt yfir – sjá ÚTAUKNING/ÚRTAKA = 132-132 lykkjur. Prjónið síðan A.1 hringinn (= 6-6 mynsturteikningar með 22 lykkjum). ATHUGIÐ PRJÓNFESTUNA! Þegar A.1 hefur verið prjónað alls 5 sinnum á hæðina í báðum stærðum, prjónið A.2 hringinn (= 6-6 mynstureiningar með 22 lykkjum). Þegar A.2 hefur verið prjónað til loka, eru 48-48 lykkjur eftir. Prjónið 2 sléttar umferðir þar sem allar lykkjur eru prjónaðar slétt saman 2 og 2 í báðum umferðum = 12-12 lykkjur eftir. Klippið frá, þræðið þráðinn í gegnum þær lykkjur sem eftir eru, herðið á þræði og festið vel. Húfan mælist ca 31-35 cm ofan frá og niður. Brjótið uppá neðstu 7-9 cm í stroffi. ------------------------------------------------------- HÁLSSKJÓL – STUTT ÚTSKÝRING Á STYKKI: Stykkið er prjónað í hring á stuttan hringprjón, ofan frá og niður. Aukið er út fyrir axlarsæti í hvorri hlið. Lykkjum er síðan fækkað á hvorri öxl og hvort stykki er prjónað fram og til baka á hringprjóna, hvort fyrir sig til loka. HÁLSSKJÓL: Fitjið upp 128-136 lykkjur á stuttan hringprjón 3,5 með Merino Extra Fine. Prjónið stroff hringinn (frá vinstri öxl að aftan, séð þegar hálsskjólið er mátað) þannig: * 2 lykkjur brugðið, 2 sléttar lykkjur *, prjónið frá *-* umferðina hringinn. Haldið svona áfram með stroff í 7-8 cm. Setjið 1 merkiþráð í umferð. Stykkið er nú mælt frá þessum merkiþræði. Setjið 4 prjónamerki í stykkið eins og útskýrt er að neðan – þetta er gert án þess að auka út fyrir axlarsæti. Setjið 1. prjónamerki í byrjun á umferð, teljið 42-42 lykkjur (= bakstykki), setjið 2. prjónamerki á undan næstu lykkju, teljið 22-26 lykkjur (= öxl), setjið 3. prjónamerki á undan næstu lykkju, teljið 42-42 lykkjur (= framstykki) og setjið 4. prjónamerki á undan næstu lykkju. Það eru 22-26 lykkjur eftir í umferð fyrir öxl, á eftir síðasta prjónamerki. Látið þessi 4 prjónamerki fylgja með í stykkinu, það á að auka út við hvert og eitt þeirra. ÚTAUKNING FYRIR AXLARSÆTI: Skiptið yfir á hringprjón 4. Fyrsta umferð er prjónuð þannig: Prjónið A.3a (= 1 lykkja), prjónið A.4 (= 40 lykkjur), prjónið A.5a (= 1 lykkja), haldið áfram með stroff eins og áður yfir næstu 22-26 lykkjurnar, prjónið A.3a (= 1 lykkja), prjónið A.4 (= 40 lykkjur), prjónið A.5a (= 1 lykkja) og haldið áfram með stroff eins og áður yfir þær 22-26 lykkjur sem eftir eru. Nú eru 136-144 lykkjur í umferð. Í næstu umferð byrjar útaukning fyrir axlarsæti og aukið er út um 4 lykkjur í hverri umferð eins og útskýrt er að neðan (mynstrið heldur áfram eins og útskýrt er að ofan, en þegar A.4 hefur verið prjónað til loka á hæðina er mynstrið endurtekið alveg eins áfram - sjá A.4b): Aukið út um 1 lykkjur á EFTIR 1. og 3. prjónamerki (þ.e.a.s. á eftir 22-26 lykkjum í stroffi) og aukið út um 1 lykkju á UNDAN 2. og 4. prjónamerki (þ.e.a.s. á undan 22-26 lykkjum í stroffi) – sjá ÚTAUKNING-1 (= 4 lykkjur fleiri í umferð). Þegar aukið er út svona þá kemur fjöldi axlalykkja að haldast óbreyttur, en það verða fleiri lykkjur á framstykki og bakstykki. Haldið svona áfram með mynstur og aukið út alveg eins í hverri umferð alls 25-31 sinnum (aukið er út til viðbótar alls 24-28 lykkjur í A.3a og A.5a eins og útskýrt er í mynsturteikningu) = 260-296 lykkjur. ATHUGIÐ PRJÓNFESTUNA! Á eftir síðustu útaukningu mælist stykkið ca 9-11 cm meðfram öxl mælt frá merkiþræði við háls. Þegar 1 umferð er eftir í A.3a og A.5a, prjónið næstu umferð þannig: Prjónið eins og áður fram að 2. prjónamerki, fellið af 22-26 axlalykkjurnar, en passið uppá að affellingarkanturinn verði ekki stífur, prjónið eins og áður fram að 4. prjónamerki og fellið af þær 22-26 axlalykkjur sem eftir eru. Bakstykkið og framstykkið er síðan prjónað hvort fyrir sig. BAKSTYKKI: = 108-122 lykkjur. Haldið áfram með mynstur fram og til baka eins og áður, þ.e.a.s. fyrsta umferð er prjónuð frá réttu þannig: Prjónið A.3b yfir fyrstu 32-39 lykkjurnar, haldið áfram með A.4 eins og áður yfir næstu 44-44 lykkjurnar eins og áður og prjónið A.5b yfir þær 32-39 lykkjur sem eftir eru. Haldið svona áfram fram og til baka og endurtakið A.3b, A.4b og A.5b á hæðina þar til stykkið mælist ca 33-35 cm frá öxl mælt innst við hálsmál þegar stykkið liggur flatt (stykkið mælist ca 28-29 cm frá prjónamerki við hálsmál) – ATH: stillið af að endað sé eftir síðustu umferð í A.4. Skiptið yfir á hringprjón 3,5. Byrjið frá réttu og prjónið stroff þannig: Prjónið 2 lykkjur í garðaprjóni, prjónið sléttar lykkjur yfir sléttar lykkjur og brugðnar lykkjur yfir brugðnar lykkjur yfir næstu 30-37 lykkjurnar, * 2 lykkjur slétt, 2 lykkjur brugðið *, prjónið frá *-* yfir næstu 10 lykkjur, 4 lykkjur brugðið, 2 lykkjur slétt, 3 lykkjur brugðið, 2 lykkjur slétt, 2 lykkjur brugðið, 2 lykkjur slétt, 3 lykkjur brugðið, 2 lykkjur slétt, 4 lykkjur brugðið, * 2 lykkjur slétt, 2 lykkjur brugðið *, prjónið frá *-* yfir næstu 10 lykkjur, prjónið sléttar lykkjur yfir sléttar lykkjur og brugðnar lykkjur yfir brugðnar lykkjur yfir næstu 30-37 lykkjur og endið með 2 lykkjur í garðaprjóni. Haldið svona áfram með stroff í 3 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Hálsskjólið mælist ca 36-38 cm frá öxl þegar stykkið liggur flatt. FRAMSTYKKI: = 108-122 lykkjur. Prjónið á sama hátt og bakstykki. ------------------------------------------------------- VETTLINGAR - STUTT ÚTSKÝRING Á STYKKI: Stykkið er prjónað í hring á sokkaprjóna, neðan frá og upp. HÆGRI VETTLINGUR: Fitjið upp 48-48 lykkjur á sokkaprjón 3 með Merino Extra Fine. Prjónið stroff hringinn (= 2 lykkjur slétt, 2 lykkjur brugðið) í 12-13 cm. Prjónið síðan þannig: * 2 lykkjur slétt, 2 lykkjur brugðið *, prjónið frá *-* yfir fyrstu 28 lykkjur, prjónið 2 lykkjur slétt, A.6 (= 14 lykkjur), 2 lykkjur slétt og 2 lykkjur brugðið. Þegar A.6 hefur verið prjónað til loka á hæðina eru 52-52 lykkjur í umferð. Setjið eitt prjónamerki í umferð hér. Stykkið er nú mælt frá þessu prjónamerki. Skiptið yfir á sokkaprjóna 3,5. Næsta umferð er prjónuð þannig: Prjónið sléttar lykkjur yfir fyrstu 27 lykkjur og fækkið jafnframt um 8-6 lykkjur jafnt yfir þessar 27 lykkjur, prjónið 3 lykkjur slétt, A.7 (= 18 lykkjur) yfir A.6 og endið með 4 lykkjur slétt = 44-46 lykkjur í umferð. Haldið áfram með þetta mynstur. ATHUGIÐ PRJÓNFESTUNA! JAFNFRAMT þegar stykkið mælist 1½ cm frá prjónamerki, aukið út fyrir þumal með því að auka út um 1 lykkju hvoru megin við fyrstu lykkju í umferð – sjá ÚTAUKNING-2 (= 2 lykkjur fleiri). Aukið svona út hvoru megin við útauknar lykkjur í annarri hverri umferð alls 5-6 sinnum á hæðina = 54-58 lykkjur. Setjið 11-13 þumallykkjur á þráð. Haldið áfram hringinn eins og áður – JAFNFRAMT í fyrstu umferð er fitjuð upp 1 ný lykkja yfir lykkjur á þræði = 44-46 lykkjur. Prjónið áfram þar til vettlingurinn mælist 15-16 cm frá prjónamerki – stillið af að síðasta umferð sé ekki umferð með snúning í kaðli í A.7, þ.e.a.s. ekki umferð 4 eða 8. Nú eru eftir ca 3 cm að loka máli, mátið e.t.v. vettlinginn og prjónið að óskaðri lengd. Prjónið nú A.8 yfir A.7 – aðrar lykkjur eru prjónaðar eins og áður. Þegar A.8 hefur verið prjónað til loka á hæðina, eru 40-42 lykkjur í umferð. Setjið 1 prjónamerki í hvora hlið á vettlingi þannig að það verða 20 lykkjur innan í vettlingi og 20-22 lykkjur ofan á vettlingi. Það eru 3-4 lykkjur slétt á milli prjónamerkja og A.8. Í næstu umferð er fækkað um 1 lykkju hvoru megin við bæði prjónamerkin – sjá ÚRTAKA (= 4 lykkjur færri). Fækkið lykkjum svona í annarri hverri umferð alls 3 sinnum, síðan í hverri umferð alls 3 sinnum = 16-18 lykkjur eftir. Í næstu umferð eru allar lykkjur prjónaðar slétt saman 2 og 2 = 8-9 lykkjur eftir. Klippið frá, þræðið þráðinn í gegnum þær lykkjur sem eftir eru, herðið að og festið enda vel. Vettlingurinn mælist ca 30-32 cm ofan frá og niður. Brjótið e.t.v. uppá neðstu 6-6½ cm á stroffi. ÞUMALL: Setjið 11-13 þumallykkjur frá þræði á sokkaprjóna 3,5. Prjónið að auki upp 4-3 lykkjur í kringum op á þumli = 15-16 lykkjur. Prjónið sléttprjón hringinn þar til sjálfur þumallinn mælist ca 5-5½ cm. Nú eru eftir ca ½ cm að loka máli, mátið e.t.v. vettlinginn og prjónið að óskaðri lengd. Prjónið 1-0 lykkjur slétt, prjónið síðan lykkjur slétt saman 2 og 2 = 8 lykkjur eftir. Í næstu umferð eru allar lykkjur prjónaðar slétt saman 2 og 2 = 4 lykkjur eftir. Klippið frá, þræðið þráðinn í gegnum þær lykkjur sem eftir eru, herðið á þræði og festið vel. VINSTRI VETTLINGUR: Fitjið upp 48-48 lykkjur á sokkaprjón 3 með Merino Extra Fine. Prjónið stroff hringinn (= 2 lykkjur slétt, 2 lykkjur brugðið) í 12-13 cm. Prjónið síðan þannig: * 2 lykkjur slétt, 2 lykkjur brugðið *, prjónið frá *-* yfir fyrstu 28 lykkjur, prjónið 2 lykkjur slétt, A.6 (= 14 lykkjur), 2 lykkjur slétt og 2 lykkjur brugðið. Þegar A.6 hefur verið prjónað til loka á hæðina eru 52-52 lykkjur í umferð. Setjið eitt prjónamerki í umferð hér. Stykkið er nú mælt frá þessu prjónamerki. Skiptið yfir á sokkaprjóna 3,5. Næsta umferð er prjónuð þannig: Prjónið sléttar lykkjur yfir fyrstu 27 lykkjur og fækkið jafnframt um 8-6 lykkjur jafnt yfir þessar 27 lykkjur, prjónið 3 lykkjur slétt, A.7 (= 18 lykkjur) yfir A.6 og endið með 4 lykkjur slétt = 44-46 lykkjur í umferð. Haldið áfram með þetta mynstur. JAFNFRAMT þegar stykkið mælist 1½ cm frá prjónamerki, aukið út fyrir þumal með því að auka út um 1 lykkju hvoru megin við 19.-21. lykkju í umferð – munið eftir ÚTAUKNING-2. Aukið svona út hvoru megin við útauknar lykkjur í annarri hverri umferð alls 5-6 sinnum á hæðina = 54-58 lykkjur. Setjið 11-13 þumallykkjur á þráð. Haldið áfram hringinn eins og áður – JAFNFRAMT í fyrstu umferð er fitjuð upp 1 ný lykkja yfir lykkjur á þræði = 44-46 lykkjur. Afgangur af vettling er prjónað á sama hátt og hægri vettlingur. Prjónið þumal á sama hátt og hægri þumall. |
|||||||||||||||||||||||||||||||
Skýringar á teikningu |
|||||||||||||||||||||||||||||||
|
|||||||||||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (35)
Jean wrote:
I have made the hat, and mitts. I am now on the neck warmer. I realize that you read the graft from right to left but is the first stitch your increase stitch on the right hand side of A3b . On graft A5a your increase stitch would be the last stitch. Is this correct
12.03.2024 - 23:13DROPS Design answered:
Hi Jean, Yes, all charts are read from right to left and bottom up from the right side and from left to right on the wrong side, when working back and forth. The increase (yarn over) is after the first stitch on A.3a and before the last stitch on A.5a, so the 2nd stitch and next-to-last stitch respectively. Happy knitting!
13.03.2024 - 06:34Sarah wrote:
Hi, I am working on the neckwarmer and have worked the A4 chart once -but only up to where it shows A4b ends, so 18 rows of the chart. Do I now work the rows 19 and 20, or do I repeat A4b? \r\nAlso I do not understand in the instructions \'continue the pattern and increase like this every round a total of 25-31 times\' does this mean do up to row 25 to 31 on charts A3, A4 and A5?
24.02.2024 - 20:54My wrote:
Hej, jag håller på att sticka halsvärmaren och har nu kommit till slutet av diagram A4b, som jag förstår det ska jag bara fortsätta med A4b men får då inte ihop sicksack flätorna. Det saknas rutor på två rader i slutet och jag antar att det ska vara ett flät varv på det första varvet av dem två, men om jag gör på detta sätt och fortsätter med A4b blir det bara ett varv mellan sista flätan och första i A4b och det stämmer ju inte. Vad är det jag missar?
21.02.2024 - 01:31DROPS Design answered:
Hej My, jo du fortsætter bare sicksack flätorna i varje sida på var 4:e varv som du har gjort hela tiden :)
23.02.2024 - 13:13Aaa wrote:
Synes dere burde laget nytt mønsterdiagram etter a4. Skjønte til slutt at flettene skal fortsatt gjentas etter 3omg samtidig som mønsteret i midten følges. Men ser for meg at dette kan være forvirrende for både nybegynnere og andre strikkere. I det minste ha en bedre forklaring enn ‘se a4b’, det gir ingen mening!
09.01.2024 - 10:48Chhavi Methi wrote:
I have a couple of more questions What is A4 b or A3b, or A5b? and can i continue the shoulders and bring it to the same length , i can keep it attached or even work separately? thanks
14.12.2023 - 08:07DROPS Design answered:
Dear Mrs Methi, the -b section of the diagrams are written on the right side or on the left side of diagrams, they are the last rows to repeat; in A.4b you will repeat the last rows for cables as shown and at the same time the whole lace pattern (as they are worked over a different number of stitches). Happy knitting!
14.12.2023 - 08:45Chhavi Methi wrote:
Work A.3a (= 1 stitch), A.4 (= 40 stitches), A.5a (= 1 stitch), continue with rib as before over the next 22-26 stitches, work A.3a (= 1 stitch), A.4 (= 40 stitches), A.5a (= 1 stitch), and continue with rib as before over the remaining 22-26 stitches. There are 136-144 stitches on the needle. i am not sure how to increae
08.12.2023 - 13:40DROPS Design answered:
Dear Chhavi, in the first round of chart A.4 you increase 4 stitches. Since there are 2 repeats of A.4 on the round, you will have 8 increases in the first round of the charts. So you will go from: 128 to 136 or from 136 to 144, depending on the size you are working. Happy knitting!
10.12.2023 - 22:44Liesbeth wrote:
Dankjewel! Ik vind het zo’n fijne service dat jullie vragen beantwoorden!
29.01.2023 - 20:00Liesbeth wrote:
U kunt mijn vorige vraag buiten beschouwing laten. Eigenlijk is mijn vraag: moet je A3 en A5 van rechts naar links breien?
26.01.2023 - 20:36DROPS Design answered:
Dag Liesbeth,
Je leest de patronen van rechts naar links en van onder naar boven. Dus je begint met de steek rechts onderaan het telpatroon. Als je terug breit op de verkeerde kant lees je het patroon dus ook weer terug van links naar rechts. Dit geldt voor alle telpatronen.
29.01.2023 - 18:40Liesbeth wrote:
Dankjewel voor de snelle en duidelijke reactie! Alleen de laatste zin snep ik niet. Wat bedoelt u met ´je breit de steken zover mogelijk door in patroon? Ik ben nu bij ongeveer de zesde naald van de schouderzadel.. Ik heb dus al 4 gemeerderde steken direct na de eerste markeerder. Ik meerder er daar nu weer een en brei dan 4 averecht en 3 recht. Klopt dat? De averechte steken zitten dus niet recht boven elkaar?
26.01.2023 - 07:08Liesbeth wrote:
Halswarmer: bij het steken meerderen voor en na de markeerders, moet dat dan direct coor/ na de markeerder? In dat geval komen de vier averechtse steken niet netjes boven elkaar. Of moet ik eerst de averechtse steken van A3 breien en meteen naarna meerderen zodat de gemeerderde steek in het recht gebreide gedeelte komt?
25.01.2023 - 19:15DROPS Design answered:
Dag Liesbeth,
Je meerdert NA markeerdraden 1 en 3 en VOOR markeerdraden 2 en 4. Je meerdert dus niet op de boordsteek, maar er steeds voor of na. Je meerdert inderdaad direct naast de markeerdraad. Je breit de steken zo ver mogelijk door in patroon.
25.01.2023 - 21:42