May Tee |
||||||||||||||||||||||
|
|
|||||||||||||||||||||
Prjónuð peysa með stuttum ermum / t-shirt úr DROPS Belle. Stykkið er prjónað ofan frá og niður með útaukningu á öxlum, sléttprjóni og stuttum puffermum. Stærð S - XXXL.
DROPS 232-53 |
||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- UPPHÆKKUN (aftan í hnakka): Byrjið frá réttu við prjónamerki mitt að aftan, prjónið 15-15-16-16-17-18 lykkjur slétt, snúið, herðið á þræði og prjónið 30-30-32-32-34-36 lykkjur brugðið. Snúið, herðið á þræði og prjónið 45-45-48-48-51-54 lykkjur slétt, snúið, herðið á þræði og prjónið 60-60-64-64-68-72 lykkjur brugðið. Snúið, herðið á þræði og prjónið 75-75-80-80-85-90 lykkjur slétt (hér verður þú einnig að auka út fyrir öxl eins og útskýrt er í uppskrift – útauknar lykkjur eru ekki taldar með), snúið, herðið á þræði og prjónið 90-90-96-96-102-108 lykkjur brugðið (munið eftir útaukningu fyrir öxl). Snúið, herðið á þræði og prjónið sléttar lykkjur til baka að prjónamerki mitt að aftan. Upphækkun er nú lokið og það hefur verið aukið út alls 2 sinnum fyrir öxl (8 lykkjur). Prjónið nú BERUSTYKKI eins og útskýrt er í uppskrift. ÚTAUKNING-1 (frá réttu): Á UNDAN PRJÓNAMERKI: Nýja lykkjan verður snúin til hægri. Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að aftan og lykkjan er prjónuð slétt í fremri lykkjubogann. Á EFTIR PRJÓNAMERKI: Nýja lykkjan verður snúin til vinstri. Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að framan og lykkjan er prjónuð slétt í aftari lykkjubogann. ÚTAUKNING-2 (frá röngu – á einungis við þegar upphækkun er prjónuð): Á UNDAN PRJÓNAMERKI: Nýja lykkjan verður snúin til hægri. Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að framan og lykkjan er prjónuð brugðið í aftari lykkjubogann. Á EFTIR PRJÓNAMERKI: Nýja lykkjan verður snúin til vinstri. Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að aftan og lykkjan er prjónuð brugðið í fremri lykkjubogann. ÚRTAKA: Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Kantur í hálsmáli og berustykki er prjónað í hring á hringprjón frá miðju að aftan, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað í hring á hringprjón. Ermar eru prjónaðar í hring á sokkaprjóna/stuttan hringprjón. KANTUR Í HÁLSMÁLI: Fitjið upp 106-110-114-118-122-126 lykkjur á hringprjón 3 með DROPS Belle. Prjónið 1 umferð slétt. Prjónið síðan stroff (1 lykkja slétt, 1 lykkja brugðið) í 2-2-2-3-3-3 cm. Prjónið 1 umferð slétt þar sem aukið er út um 20-20-24-24-28-28 lykkjur jafnt yfir = 126-130-138-142-150-154 lykkjur. Setjið 1 prjónamerki mitt í umferð (mitt að framan) – berustykkið er nú mælt frá þessu prjónamerki! Prjónið berustykki eins og útskýrt er að neðan. BERUSTYKKI: Skiptið yfir á hringprjón 4. Setjið eitt prjónamerki í byrjun á umferð (mitt að aftan). Að auki eru sett 2 ný prjónamerki í stykkið eins og útskýrt er að neðan – þetta er gert án þess að prjóna lykkjur og hvort prjónamerki af þessum 2 eru sett í lykkju. Þessi prjónamerki eru notuð þegar auka á út fyrir öxl og prjónamerkin verð að hafa annan lit en prjónamerkið mitt að framan til að aðgreina þau. Fyrra prjónamerki: Byrjið mitt að aftan, teljið 31-32-34-35-37-38 lykkjur (½ bakstykki), setjið 1. prjónamerki í næstu lykkju. Annað prjónamerki: Teljið 62-64-68-70-74-76 lykkjur frá 1. prjónamerki (framstykki), setjið 2. prjónamerki í næstu lykkju. Nú eru 31-32-34-35-37-38 lykkjur eftir á bakstykki á eftir 2. prjónamerki. Látið þessi 2 prjónamerki fylgja með í stykkinu, það á að auka út hvoru megin við þau. Nú er hægt að prjóna UPPHÆKKUN aftan í hnakka – lesið útskýringu að ofan. Upphækkunin gerir flíkina aðeins hærri í hnakka. Athugið að útaukning á öxlum er gerð samtímis og 3 síðustu umferðir eru prjónaðar í upphækkun – lestu því einnig kaflann um ÚTAUKNING FYRIR AXLASÆTI og ÚTAUKNING-2 (þegar prjónað er frá röngu. Ef þú vilt ekki hafa upphækkun, farðu beint áfram í útaukning fyrir axlarsæti. ÚTAUKNING FYRIR AXLARSÆTI: Prjónið sléttprjón hringinn. JAFNFRAMT í fyrstu umferð eru auknar út 4 lykkjur fyrir öxl þannig: Aukið út á UNDAN og á EFTIR lykkju með 1. og 2. prjónamerki – sjá ÚTAUKNING-1. Haldið svona áfram og aukið út alveg eins í hverri umferð alls 14 sinnum = 182-186-194-198-206-210 lykkjur. ATHUGIÐ PRJÓNFESTUNA! Á eftir síðustu útaukningu mælist stykkið ca 5 cm frá prjónamerki við hálsmáli mitt að framan. Næsta umferð er prjónuð þannig: Prjónið sléttprjón þar til eftir eru 5-5-6-6-7-7 lykkjur á undan 1. prjónamerki, fellið af 11-11-13-13-15-15 lykkjur (lykkja með prjónamerki + 5-5-6-6-7-7 lykkjur hvoru megin við hana – þessar lykkjur koma til með að mynda lítinn «flipa»), prjónið sléttprjón þar til eftir eru 5-5-6-6-7-7 lykkjur á undan 2. prjónamerki, fellið af 11-11-13-13-15-15 lykkjur, prjónið sléttprjón að miðju að aftan = 160-164-168-172-176-180 lykkjur. Setjið nú 4 ný prjónamerki í stykkið eins og útskýrt er að neðan. Þetta er gert samtímis sem prjónað er – þessi nýju prjónamerki eru notuð þegar auka á út fyrir ermum. Prjónið 40-41-42-43-44-45 lykkjur sléttprjón (½ bakstykki), setjið 1. prjónamerki, fitjið upp 36-38-40-42-46-50 nýjar lykkjur á prjóninn fyrir ermi, setjið 2. prjónamerki á undan næstu lykkju, prjónið 80-82-84-86-88-90 lykkjur sléttprjón (framstykki), setjið 3. prjónamerki, fitjið upp 36-38-40-42-46-50 nýjar lykkjur fyrir ermi, setjið 4. prjónamerki á undan næstu lykkju, prjónið 40-41-42-43-44-45 lykkjur sléttprjón (½ bakstykki) = 232-240-248-256-268-280 lykkjur. Aukið nú út fyrir ermar eins og útskýrt er að neðan. ÚTAUKNING FYRIR ERMAR: Prjónið sléttprjón hringinn. JAFNFRAMT í næstu umferð er aukið út um 4 lykkjur fyrir ermar þannig: Aukið út á EFTIR 1. og 3. prjónamerki og aukið út á UNDAN 2. og 4. prjónamerki – munið eftir ÚTAUKNING-1. Nú er einungis aukið út á ermum og fjöldi lykkja á framstykki og bakstykki verður sá sami. Útauknar lykkjur eru prjónaðar í sléttprjóni. Aukið svona út í annarri hverri umferð alls 18-20-21-22-23-24 sinnum = 304-320-332-344-360-376 lykkjur. Stykkið mælist ca 18-19-20-21-21-22 cm frá prjónamerki við hálsmál. Prjónið 1-0-0-0-0-0 cm í sléttprjóni án útaukningar – stykkið mælist 19-19-20-21-21-22 cm frá prjónamerki við hálsmál. Aukið síðan út fyrir berustykki eins og útskýrt er að neðan. BERUSTYKKI: Prjónið sléttprjón, JAFNFRAMT í næstu umferð er aukið út um 4 lykkjur fyrir berustykki þannig: Aukið út á UNDAN 1. og 3. prjónamerki og á EFTIR 2. og 4. prjónamerki – munið eftir ÚTAUKNING-1. Nú eru lykkjur auknar út á framstykki og bakstykki og fjöldi lykkja á ermum verður sá sami. Endurtakið útaukningu þannig: S: aukið út í 4. hverri umferð alls 2 sinnum. M: aukið út í 3. hverri umferð alls 4 sinnum. L, XL, XXL og XXXL: aukið út í annarri hverri umferð alls 6-6-7-7 sinnum, síðan í hverri umferð alls 2-5-9-13 sinnum. Á eftir síðustu útaukningu eru 312-336-364-388-424-456 lykkjur í umferð og stykkið mælist ca 21-23-25-27-29-31 cm frá prjónamerki mitt að framan. Í næstu umferð skiptist berustykkið fyrir fram- og bakstykki og ermar þannig: Prjónið 42-45-50-54-60-65 lykkjur sléttprjón (½ bakstykki), setjið næstu 72-78-82-86-92-98 lykkjur á þráð fyrir ermi, fitjið upp 6-8-8-10-10-12 nýjar lykkjur á prjóninn (í hlið undir ermi), prjónið 84-90-100-108-120-130 lykkjur sléttprjón (framstykki), setjið næstu 72-78-82-86-92-98 lykkjur á þráð fyrir ermi, fitjið upp 6-8-8-10-10-12 nýjar lykkjur á prjóninn (í hlið undir ermi) og prjónið síðustu 42-45-50-54-60-65 lykkjur í sléttprjóni (½ bakstykki). Fram- og bakstykki og ermar er síðan prjónað hvert fyrir sig. FRAM- OG BAKSTYKKI: = 180-196-216-236-260-284 lykkjur. Setjið 1 prjónamerki í hvora hlið – mitt í 6-8-8-10-10-12 lykkjur sem fitjaðar voru upp undir hvorri ermi. Byrjið umferð við annað prjónamerkið og prjónið sléttprjón hringinn. Þegar stykkið mælist 6 cm frá skiptingu, fækkið um 1 lykkju hvoru megin við bæði prjónamerkin – sjá ÚRTAKA. Fækkið lykkjum svona með 6 cm millibili alls 3 sinnum = 168-184-204-224-248-272 lykkjur. Prjónið þar til stykkið mælist 23 cm frá skiptingu. Skiptið yfir á hringprjón 3. Prjónið stroff (1 lykkja slétt, 1 lykkja brugðið) í 4 cm. Fellið aðeins laust af. Peysan mælist ca 50-52-54-56-58-60 cm frá öxl. ERMI: Setjið 72-78-82-86-92-98 lykkjur af þræði í annarri hlið á stykki á sokkaprjóna eða stuttan hringprjón 4 – prjónið að auki upp 1 lykkju í hverja af 6-8-8-10-10-12 lykkjum sem fitjaðar voru upp undir ermi = 78-86-90-96-102-110 lykkjur. Setjið 1 prjónamerki mitt undir ermi – mitt í 6-8-8-10-10-12 lykkjur. Látið prjónamerkið fylgja með í stykkinu – það á að nota það þegar fækka á lykkjum. Byrjið umferð við prjónamerki og prjónið sléttprjón hringinn. Þegar stykkið mælist 2-2-2-1-1-1 cm, fækkið um 2 lykkjur mitt undir ermi – munið eftir ÚRTAKA. Fækkið lykkjum svona með 2-1-1-1-1-1 cm millibili alls 4-6-5-4-3-1 sinnum = 70-74-80-88-96-108 lykkjur. Prjónið áfram þar til ermin mælist 10-8-7-5-4-2 cm frá skiptingu. Prjónið 1 umferð slétt þar sem fækkað er um 12-14-18-22-26-34 lykkjur jafnt yfir = 58-60-62-66-70-74 lykkjur. Skiptið yfir á sokkaprjóna 3. Prjónið stroff (1 lykkja slétt, 1 lykkja brugðið) í 4 cm. Fellið aðeins laust af. Ermin mælist ca 14-12-11-9-8-6 cm frá skiptingu. Prjónið hina ermina á sama hátt. FRÁGANGUR: Þræðið þráð upp og niður í gegnum uppfitjunarkantinn efst á ermi. Brjótið ermakúpuna þannig að hún passi í beina línu við opið þar sem lykkjur voru felldar af á öxl – ATH. Lykkjur sem felldar voru af á öxl koma til með að forma lítinn «flipa» – þessi flipi á að liggja undir ermakúpunni og kemur til með að gefa auka stuðning fyrir puppermi. Saumið ermakúpuna við opið í beina línu – sjá A.1 (myndin sýnir öxl og flipa séð ofan frá). Endurtakið í hinni hliðinni. |
||||||||||||||||||||||
Skýringar á teikningu |
||||||||||||||||||||||
|
||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (17)
Malin Høgestøl wrote:
Er det mulig å strikke denne oppskriften med garn fra garngruppe A? Hvordan gjør man da dette enklest mulig?
17.07.2022 - 22:06DROPS Design answered:
Hei Malin, Hvis du strikker plagget med garn fra garngruppe A, blir det tynnere. Det er ikke noe lett måte å bytte fra garngruppe B til A. Du må strikke en prøvelapp og justere antall masker og rad (flere masker og rad på 10 x 10 cm) for å få riktige mål. God fornøyelse!
18.07.2022 - 06:53Leen Fret wrote:
Hebben jullie ook patronen voor de breimachine of patronen die gewoon van beneden naar boven gemaakt worden.
07.06.2022 - 15:25DROPS Design answered:
Dag Leen,
We hebben helaas geen patronen voor de breimachine, maar wel patronen van beneden naar boven. Bij het zoeken naar patronen kun je het filter hierop instellen onder 'Constructie'
10.06.2022 - 22:00Debby Van Der Ven wrote:
Klopt de uitleg bij minderen 1 wel want er staat bij voor de markering dat je achter moet ophalen en in de voorste lus moet breien en bij na de markering staat er achter ophalen en in achterste lus breien moet dit laatste niet zijn voor ophalen en in de achterste lus breien . ????
06.06.2022 - 16:27DROPS Design answered:
Dag Debby,
Het klopt zoals het er staat, dus je neemt de steek op met de linker naald vanaf de achterkant en je breit de steek recht in de achterste lus.
12.06.2022 - 21:06Anne Akay wrote:
This is a nice pattern. Is the increase description for the sleeves correct for M1R and M1L? Many thanks!
23.05.2022 - 13:50DROPS Design answered:
Dear Mrs Akay, increases for sleeves are correct, increase as explained under INCREASE TIP-1 (from right side):, BEFORE MARKER and AFTER MARKER:. Happy knitting!
23.05.2022 - 16:30Aleta wrote:
Adoro questo modello. Grazie
07.05.2022 - 11:29Iwona wrote:
Jag skulle vilja gärna ha mönster. Enkel snygg modern.
23.03.2022 - 01:31Saara wrote:
White Tea
14.01.2022 - 16:45