Afternoon in Provence Cardigan |
|||||||||||||
|
|
||||||||||||
Prjónuð peysa úr DROPS Alpaca eða DROPS Nord og DROPS Kid-Silk. Stykkið er prjónað ofan frá og niður með V-hálsmáli, gatamynstri, blöðruermum og klauf í hliðum. Stærð S - XXXL.
DROPS 250-6 |
|||||||||||||
------------------------------------------------------ UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1. Veldu mynsturteikningu fyrir þína stærð. Mynsturteikning sýnir allar umferðir í mynstri séð frá réttu. Jafnóðum sem lykkjum er aukið út fyrir laskalínu, eru nýjar lykkjur prjónaðar inn á ermum í mynstri eins og útskýrt er í A.1, þ.e.a.s. lykkjur eru prjónaðar í sléttprjóni þar til nægilega margar lykkjur eru í heilt gatamynstur. Lykkjur sem ekki ganga jafnt upp í mynstri þegar aukið er út, eru prjónaðar í sléttprjóni. ATH: Þegar útaukning á ermum fer frá annarri hverri umferð til 4. hverrar umferðar, þá kemur mynstrið ekki til með fylgja lengur mynsturteikningu. Passið uppá að mynstrið haldi áfram rétt á hæðina. LASKALÍNA: Öll útaukning er gerð frá réttu! Aukið út um 1 lykkju á undan/eftir 4 lykkjum með merki í hverri skiptingu á milli framstykkis/bakstykkis og erma (í mynstri kallast þessar lykkjur laskalínulykkjur og laskalínulykkjur eru prjónaðar í sléttprjóni). Aukið út um 1 lykkju með því að slá 1 sinni uppá prjóninn. Uppslátturinn er prjónaður frá röngu þannig: Á UNDAN LASKALÍNULYKKJU: Prjónið uppsláttinn snúinn. Á EFTIR LASKALÍNULYKKJU: Lyftið uppslættinum af vinstri prjóni og setjið til baka yfir á vinstri prjón, en í gagnstæða átt (stingið vinstri prjóni aftan frá þegar uppslátturinn er settur til baka á prjóninn). Prjónið uppsláttinn brugðið í fremri lykkjubogann. Það á ekki að myndast gat. V-HÁLSMÁL: Öll útaukning er gerð frá réttu! Aukið út um 1 lykkju á eftir 10 fyrstu lykkjum í byrjun umferðar (kantur að framan + 1 lykkja sléttprjón) / á undan 10 síðustu lykkjum í lok umferðar (1 lykkja sléttprjón + kantur að framan). Aukið út um 1 lykkju með því að slá 1 sinni uppá prjóninn. Uppslátturinn er prjónaður þannig / séð frá röngu: Á UNDAN 10 LYKKJUM: Prjónið uppsláttinn brugðið í aftari lykkjubogann. Það á ekki að myndast gat. Á EFTIR 10 LYKKJUM: Lyftið uppslættinum af vinstri prjóni og setjið til baka yfir á vinstri prjón, en í gagnstæða átt (stingið inn vinstri prjóni aftan frá þegar uppslátturinn er settur til baka á prjóninn). Prjónið uppsláttinn brugðið í fremri lykkjubogann. Það á ekki að myndast gat. ÚTAUKNING (jafnt yfir): Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn, svo ekki myndist gat. Síðan eru nýjar lykkjur prjónaðar í sléttprjóni. ÚRTAKA (á við um mitt undir ermum): Fækkið um 1 lykkju hvoru megin við merkiþráð þannig: Prjónið þar til 3 lykkjur eru eftir á undan merkiþræði, prjónið 2 lykkjur slétt saman, 2 lykkjur slétt (merkiþráðurinn situr á milli þessa 2 lykkja), lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 2 lykkjur færri). HNAPPAGAT: Fellið af fyrir hnappagötum í hægri kanti að framan (séð þegar flíkin er mátuð). Fellið af frá réttu þegar 7 lykkjur eru eftir í umferð þannig: Prjónið 2 lykkjur slétt saman, sláið 1 sinni uppá prjóninn, prjónið 1 lykkju brugðið, 1 lykkja slétt, 1 lykkja brugðið, 1 lykkja slétt, 1 lykkja sléttprjón. Í næstu umferð (= ranga) er uppslátturinn prjónaður brugðið, svo það myndist gat. Fellið af fyrir fyrsta hnappagatinu 1 cm eftir síðustu útaukningu fyrir V-hálsmáli. Síðan er fellt af fyrir 2 næstu hnappagötum með ca 10-10½-10½-10-10½-10 cm millibili. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Í mynstrinu hafa verið notaðir stuttir og langir prjónar, byrjið á lengdinni sem passar og skiptið um ef þarf. Byrjið á að prjóna 2 lausa kanta að framan í stroffi. Síðan eru fitjaðar upp lykkjur á milli þessa kanta að framan fyrir öxl og hálsmáli aftan í hnakka. Síðan er berustykkið prjónað fram og til baka á hringprjóna, ofan frá og niður. Þegar berustykkið hefur verið prjónað til loka, er lykkjunum skipt fyrir fram- og bakstykki og ermar. Fram- og bakstykki er prjónað niður á við fram og til baka á hringprjóna, á meðan ermar eru látnar bíða. Stykkið skiptist fyrir klauf í hvorri hlið, síðan eru framstykkin og bakstykkið prjónað til loka fram og til baka hvert fyrir sig. Ermar eru síðan prjónaðar niður á við í hring. Í lokin eru kantar að framan saumaðir saman mitt að aftan áður en þeir eru saumaðir við hálsmál aftan í hnakka. HÆGRI KANTUR AÐ FRAMAN (séð þegar flíkin er mátuð): Fitjið upp 9 lykkjur á sokkaprjóna 3,5 með 1 þræði í hvorum lit (= 2 þræðir). Prjónið stroff frá réttu þannig: 1 lykkja brugðið, 1 lykkja slétt *, prjónið frá *-* þar til 1 lykkja er eftir, endið með 1 lykkju í GARÐAPRJÓN – lesið útskýringu að ofan. Haldið svona áfram með stroff fram og til baka þar til kantur að framan mælist 14-14-14-17-17-18 cm, endið eftir 1 umferð frá röngu. Geymið stykkið. VINSTRI KANTUR AÐ FRAMAN (séð þegar flíkin er mátuð): Fitjið upp 9 lykkjur á sokkaprjóna 3,5 með 1 þræði í hvorum lit (= 2 þræðir). Prjónið stroff frá réttu þannig: 1 lykkja í garðaprjóni, * 1 lykkja slétt, 1 lykkja brugðið *, prjónið frá *-* út umferðina. Haldið svona áfram með stroff fram og til baka þar til kantur að framan mælist 14-14-14-17-17-18 cm, endið eftir 1 umferð frá réttu, ekki klippa þráðinn frá. ÖXL OG HÁLSMÁL AFTAN Í HNAKKA: Nú eru fitjaðar upp 58-58-60-66-66-70 nýjar lykkjur í lok umferðar, síðan eru settar 9 lykkjur frá hægri kanti að framan til baka á prjóninn og prjónað er stroff eins og áður yfir þessar 9 lykkjur = 76-76-78-84-84-88 lykkjur. Skiptið yfir á hringprjón 5. Prjónið 1 umferð brugðið frá röngu, en 9 kantlykkjur að framan í hvorri hlið eru prjónaðar í stroffprjóni eins og áður. BERUSTYKKI: Setjið 4 merki í stykkið eins og útskýrt er að neðan (þetta er gert án þess að prjóna lykkjurnar). Merkin eru notuð þegar auka á út fyrir laskalínu. Teljið 10 lykkjur (= vinstra framstykki), setjið 1. merki í næstu lykkju, teljið 15-15-15-17-17-17 lykkjur (= ermi), setjið 2. merki í næstu lykkju, teljið 22-22-24-26-26-30 lykkjur (= bakstykki), setjið 3. merki í næstu lykkju, teljið 15-15-15-17-17-17 lykkjur (= ermi), setjið 4. merki í næstu lykkju. Það eru 10 lykkjur í umferð á eftir síðasta merki (= hægra framstykki). Prjónið fram og til baka í sléttprjóni á framstykkjum og bakstykki, MYNSTUR A.1 á ermum – lesið útskýringu að ofan (A.1 er prjónað á milli 1. og 2. merkis og á milli 3. og 4. merkis) og 9 kantlykkjur að framan í hvorri hlið eins og áður. ATHUGIÐ PRJÓNFESTUNA! Jafnframt er aukið út fyrir LASKALÍNA og V-HÁLSMÁL – lestu útskýringu að ofan, þetta er gert samtímis, lestu því báða kaflana að neðan áður en prjónað er áfram. Byrjið mitt að framan frá réttu. LASKALÍNA: Aukið út hvoru megin við 4 laskalínulykkjurnar í annarri hverri umferð (hverri umferð frá réttu) alls 14-12-14-28-26-30 sinnum. Útaukningu fyrir laskalínu er nú lokið í stærð XL. Í hinum stærðum er síðan prjónað eins og útskýrt er að neðan. STÆRÐ S, M, L, XXL og XXXL: Haldið áfram með útaukningu fyrir laskalínu í annarri hverir umferð, en í annað hvert skipti sem aukið er út, er einungis aukið út á framstykkjum/bakstykki. Þ.e.a.s. aukið er út á framstykkjum/bakstykki í annarri hverri umferð og á ermum í 4. hverri umferð (aukið er út til skiptist 4 og 8 lykkjur). ATH: Þegar aukið er út í 4. hverri umferð á ermum, passið uppá að gatamynstrið passi yfir hvert annað á hæðina. Aukið svona út 10-14-14-4-2 sinnum á framstykkjum/bakstykki (5-7-7-2-1 sinnum á ermum). V-HÁLSMÁL: Aukið út fyrir V-hálsmáli innan við ystu 10 lykkjur í hvorri hlið í 4. hverri umferð alls 10-10-11-12-12-14 sinnum. Munið eftir HNAPPAGAT í hægri kanti að framan þegar útaukningu fyrir V-hálsmáli er lokið – lesið útskýringu að ofan. ALLAR STÆRÐIR: Þegar öll útaukning fyrir laskalínu og V-hálsmáli er lokið, eru 268-276-296-332-340-368 lykkjur í umferð og stykkið mælist ca 22-24-25-25-27-29 cm mælt frá uppfitjunarkanti mitt að aftan. Nú skiptist berustykkið fyrir fram- og bakstykki og ermar. SKIPTING FYRIR FRAM- OG BAKSTYKKI OG ERMAR: Prjónið fyrstu 47-50-52-57-60-64 lykkjur eins og áður (= framstykki), setjið næstu 49-47-53-61-59-65 lykkjur á þráð fyrir ermi, fitjið upp 8-10-12-12-14-16 nýjar lykkjur í umferð (= í hlið undir ermi), prjónið 76-82-86-96-102-110 lykkjur sléttprjón (= bakstykki), setjið næstu 49-47-53-61-59-65 lykkjur á þráð fyrir ermi, fitjið upp 8-10-12-12-14-16 nýjar lykkjur í umferð (= í hlið undir ermi) og prjónið síðustu 47-50-52-57-60-64 lykkjur eins og áður (= hálft bakstykki). Fram- og bakstykki og ermar eru síðan prjónað hvert fyrir sig. Héðan er nú stykkið mælt! FRAM- OG BAKSTYKKI: = 186-202-214-234-250-270 lykkjur. Setjið 1 merkiþráð í hvora hlið á fram- og bakstykki, mitt í 8-10-12-12-14-16 lykkjur sem fitjaðar voru upp undir hvorri ermi. Látið merkiþræðina fylgja áfram með í stykkinu – merkiþræðirnir eru notaðir þegar stykkinu er skipt upp fyrir klauf í hvorri hlið. Prjónið sléttprjón fram og til baka með 9 kantlykkjum að framan í hvorri hlið eins og áður – munið eftir HNAPPAGAT. Prjónið þar til stykkið mælist 20-20-21-22-22-22 cm. Nú skiptist stykkið við báða merkiþræðina, þannig að það myndast klauf í hvorri hlið og hvort stykki er prjónað til loka fyrir sig. VINSTRA FRAMSTYKKI: = 51-55-58-63-67-72 lykkjur. Í næstu umferð (= rétta) byrjar stroffið JAFNFRAMT því sem aukið er út um 15-17-18-19-21-22 lykkjur jafnt yfir í umferð (lykkjum er ekki aukið út yfir kant að framan) = 66-72-76-82-88-94 lykkjur, prjónað er þannig: Skiptið yfir á hringprjón 3,5, prjónið 1 lykkju í garðaprjóni, prjónið stroff (= 1 lykkja slétt, 1 lykkja brugðið – munið eftir útaukning) þar til 3 lykkjur eru eftir, prjónið 1 lykkju slétt og 2 lykkjur í garðaprjóni. Þegar stroffið mælist 8 cm, fellið af með ítalskri affellingu eða fellið aðeins laust af með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca 54-56-58-60-62-64 cm frá öxl. HÆGRA FRAMSTYKKI: = 51-55-58-63-67-72 lykkjur. Í næstu umferð (= rétta) byrjar stroffið JAFNFRAMT því sem aukið er út um 15-17-18-19-21-22 lykkjur jafnt yfir í umferð (lykkjum er ekki aukið út yfir kant að framan) = 66-72-76-82-88-94 lykkjur, prjónað er þannig: Skiptið yfir á hringprjón 3,5, prjónið 2 lykkjur í garðaprjón, prjónið stroff (= 1 lykkja slétt, 1 lykkja brugðið – munið eftir útaukning) þar til 2 lykkjur eru eftir, prjónið 1 lykkju slétt og 1 lykkju í garðaprjóni. Þegar stroffið mælist 8 cm, fellið af með ítalskri affellingu eða fellið aðeins laust af með sléttum lykkjum yfir sléttar lykkjur og brugðnum lykkjum yfir brugðnar lykkjur. BAKSTYKKI: = 84-92-98-108-116-126 lykkjur. Í næstu umferð (= rétta) byrjar stroffið JAFNFRAMT því sem aukið er út um 29-33-35-39-41-45 lykkjur jafnt yfir = 113-125-133-147-157-171 lykkjur, prjónið þannig: Skiptið yfir á hringprjón 3,5, prjónið 2 lykkjur í garðaprjón, prjónið stroff (= 1 lykkja slétt, 1 lykkja brugðið – munið eftir útaukning) þar til 3 lykkjur eru eftir, prjónið 1 lykkju slétt og 2 lykkjur í garðaprjóni. Þegar stroffið mælist 8 cm, fellið af með sama hætti og áður. ERMAR: Setjið 49-47-53-61-59-65 lykkjur af þræði í annarri hliðinni á stykki á sokkaprjóna / hringprjóna 5 og prjónið einnig upp 1 lykkju í hverja af 8-10-12-12-14-16 lykkjum sem fitjaðar voru upp undir ermi = 57-57-65-73-73-81 lykkjur. Setjið 1 merki í miðju á 8-10-12-12-14-16 nýjum lykkjum undir ermi. Byrjið umferð við merkiþráðinn og haldið áfram með A.1 hringinn á erminni. ATH: Passið uppá að mynstrið haldi rétt áfram yfir lykkjur frá berustykki, lykkjur sem ekki ganga jafnt upp í mynstri mitt undir ermi eru prjónaðar í sléttprjóni. Þegar ermin mælist 2 cm frá skiptingunni, fækkið um 2 lykkjur mitt undir ermi – lesið ÚRTAKA. Fækkið lykkjum svona hverjum 2-2-2-1½-1½-1½ cm alls 4-3-5-8-6-8 sinnum = 49-51-55-57-61-65 lykkjur. Prjónið síðan þar til ermin mælist 36-35-34-34-33-31 cm frá skiptingunni. Nú eru eftir 8 cm að loka máli. Mátið e.t.v. peysuna og prjónið að óskaðri lengd á undan stroffi. Skiptið yfir á sokkaprjóna 3,5 og prjónið stroff hringinn (= 1 lykkja slétt, 1 lykkja brugðið) JAFNFRAMT er aukið út um 9-9-7-7-5-3 lykkjur jafnt yfir í umferð 1 = 58-60-62-64-66-68 lykkjur. Þegar stroffið mælist 8 cm, fellið af með ítalskri affellingu eða fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur. Ermin mælist ca 44-43-42-42-41-39 cm frá skiptingunni. FRÁGANGUR: Saumið saman kanta að framan mitt að aftan og saumið kanta að framan við hálsmál aftan í hnakka. Saumið tölur í vinstri kant að framan. |
|||||||||||||
Skýringar á teikningu |
|||||||||||||
|
|||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (15)
Annagret wrote:
This is most lovely, but I seem unable to find the instructions?
15.02.2024 - 18:22DROPS Design answered:
Dear Annagret, here they are, if needed, click on the scroll down menu below pictures to edit language. Happy knitting!
16.02.2024 - 07:39Elena wrote:
So beautiful! Looking forward to the instructions.
14.02.2024 - 07:23Deb Hobson wrote:
The instructions seem to be missing from this pattern 😕
13.02.2024 - 10:31Elena wrote:
Sommerbrise
18.01.2024 - 19:41Caren Veraart wrote:
Sunny Time
18.01.2024 - 18:15